'Peticioni qytet më qytet', Budina mbyll protestat: Çështja do të ndiqet institucionalisht, nesër te SPAK t'i bëjmë presion

Regjisori Robert Budina në mbyllje të protestës dha disa mesazhe në lidhje me të ardhmen e protestave. Ai tha se kjo çështje do të ndiqet në mënyrë institucionale dhe me qytetari, duke bërë të ditur se e mbyllën me protestën.  

Ditën e nesërme, Budina tha se në orën 11:00 do të shkojnë SPAK përt t'i bërë presion për të nisur hetim për çështjen e teatrit dhe nëse nuk do të ketë reagim nga SPAK për hetim të çështjes atëherë do të lajmërojnë se si do të veprojnë.

Budina tha se pasnesër peticioni do të çohet qytet më qytet për të mbledhur firmat që të ndërkohën teatrin aty ku duhet.

"Sot e kryem funksionin tonë dhe kur hapëm protestën kemi një peticion që duhet ta firmosni të gjithë. E dyta, nesër në orën 11:00 ju ftoj të gjithëve të jemi para prokurorisë SPAK që të'i bëjmë presion që të fillojnë hetimet. E treta, nga pasnesër do të dalim qytet më qytet të mbledhim firmat e peticionit që teatri duhet të jetë aty ku duhet dhe nëse nuk ka reaguar prokuroria do ju njoftojë se si do të procedojmë. Jemi njerëz që kemi vepruar institucionalisht dhe lufta për demokracinë është e gjatë dhe ka nevojë për ju. Ne do te fitojmë me paqe dhe qytetari. Ju falenderoj për këtë model qytetarie që treguat të gjithë së bashku.", tha Budina.

 

Lajmi kryesor:

Dy orë protestë: Duam rindërtimi i teatrit aty ku ishte, siç ishte! Opozita sërish jashtë podiumit. Nesër në 11:00 para SPAK-ut, t'i bëjmë presion

TAG:
• teatri kombetar
• opozita
• shembja e teatrit
• Aleanca për Mbrojtjen e Teatrit Kombëtar