Pfizer dhe Moderna kërkojnë miratimin nga Agjencia Evropiane e Barnave, vendimi për to me 29 dhjetor dhe 12 janar

Kompania gjermane BioNTech dhe kompania amerikane farmaceutike Pfizer kanë kërkuar miratimin e Agjencisë Evropiane të Barnave për përdorimin e vaksinës së tyre kunder COVID-19.

Agjencia Evropiane e Barnave EMA, ka caktuar dy data për takimet, e para më 29 dhjetor për të shqyrtuar vaksinën e Pfizer kurse e dyta në 12 janar.

Të dy kompanitë i kanë dërguar më herët një kërkesë edhe Administratës Amerikanë të Ushqimeve dhe Barnave për përdorimin e vaksinës, ndersa kompania amerikane Moderna gjithashtu njoftoi ditën e djeshme se kishte kërkuar miratimin për vaksinën e saj kandidate.

Ky lajm do të thotë se vaksina e Pfizer mund të jetë e disponueshme edhe në Bashkimin Europian në fund të këtij viti dhe në fillim të vitit që vjen për grupet më të prekura nga coronavirusi, nëse Agjencia miraton përdorimin e saj.

“Vaksina kandidate e BioNTech është 95% efektive”, tha kompania “dhe veçanërisht është 94% efektive tek personat mbi 65 vjeç, të cilët klasifikohen si grupmosha më e rrezikuar nga COVID-19”.

Bashkimi Europian nënshkroi së fundmi një marrëveshje për të siguruar 300 milionë doza nga vaksina e BioNtech dhe Pfizer, megjithatë kjo vaksinë kërkon të ruhet në temperaturën -70 gradë Celsius, një infrastrukturë që në shumë vende nuk ekziston.

 

S.M./Shqiptarja.com
  • Sondazhi i ditës:

    A jeni dakord me përfshirjen e aleatëve në listat fituese të PD-së?

Komento


×

Lajmi i fundit

John

VIDEOLAJM/Dëbora shtron qilimin e bardhë edhe në Llogara