Picë me lakër nga zonja Albana

Picë me lakër

Përbërësit:

  • 1 kokë lakër e vogël
  • 2 kokrra vezë
  • 100 gr djathë kaçkavall ose mocarela
  • 50 gr miell
  • 1 lugë gjelle vaj ulliri
  • ½ lugë çaji kripë
  • ½ lugë çaji piper të zi
  • ½ lugë çaji spec të kuq pluhur
  • ½ lugë çaji rigon
  • 200 ml salcë domatesh
  • 100 gr sallam ose proshutë
  • 50 gr djathë i bardhë ose kaçkavall

Përgatitja:

Fillimisht ngrohim furrën në 200°C. Përgatisim bazën e picës. Lakrën e grijmë hollë ose e kalojmë në rende të trashë. E vendosim në një tas, shtojmë vezët, miellin, kripën, piperin dhe erëzat. E përziejmë mirë derisa të lidhet masa. Shtojmë edhe gjysmën e djathit të grirë dhe e përziejmë sërish. Në një tavë të shtruar me letër pjekjeje, hedhim përzierjen dhe e shtypim me një lugë ose me duar për t’i dhënë formën e një pete të rrumbullakët ose drejtkëndore. E pjekim për 15-20 minuta, derisa të marrë një ngjyrë të artë. Më pas nxjerrim tavën nga furra dhe lyejmë bazën me salcën e domates. Vendosim sipër fetat e sallamit ose proshutës nëse dëshirojmë. Shtojmë djathin e grirë dhe e kthejmë në furrë për 10 minuta të tjera, derisa djathi të shkrijë dhe të marrë ngjyrë të artë. E lëmë të ftohet pak para se ta presim. Mund ta spërkasim me pak rigon ose borzilok për më shumë aromë.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Shkurt, 09:24

    Mandarina me pesticide, sa të sigurta janë produktet që konsumojmë?



×

Lajmi i fundit

Reagimi i parë nga Moska për debatin Trump-Zelensky: Përplasje historike

Reagimi i parë nga Moska për debatin Trump-Zelensky: Përplasje historike