Receta

Pispili me spinaq dhe kos nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 6 Mars, 12:00 | Përditesimi: 6 Mars, 12:04

Pispili me spinaq

Përbërësit:

500 gr spinaq.
4 qepë të njoma
500 gr miell misri
350 ml ujë i ngrohtë
1 Iç sodë
2 fç kos
3 kokrra vezë
1 tufë majdanoz
Vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Pasi grijmë imët qepët e njoma i kaurdisim me vaj ulliri. Sapo të ulin vëllimin shtojmë spinaqin, më pas rregullojmë shijen me kripë dhe erëza. Ndërkohë tek mielli i misrit shtojmë sodën e bukës, vaj ulliri dhe ujë të ngrohtë. E punojmë mirë derisa të krijohet një brumë i lidhur, të cilin e shtrojmë në një tavë të lyer me pak vaj. Mbi të vendosim spinaqin e kaurdisur me qepët e njoma spërkatur me majdanoz të grirë. Rrahim vezët së bashku me kosin dhe e shtojmë në tavë mbi spinaqin. Bëjmë një spërkatje të lehtë të sipërfaqes me miell misri dhe e vendosim pispilinë të piqet në furrë të nxehtë në temperaturën 180 gradë Celsius derisa të marrë një ngjyrë të bukur.

MC/Shqiptarja.com

TAG: