POP 5

Lajmet më të lexuara të 5 minutave të fundit

Kronikë

Pista që zbulon Prokuroria/ Kush e shtyu Shkëlzen Qordjan drejt vetëvrasjes?

Prokurorët thanë se 31-vjeçari Shkëlzen Qordja mund ta ketë kryer aktin e vetëvrasjes në kushtet e depresionit, apo i shtyrë nga një person tjetër.
Pista që zbulon Prokuroria/ Kush e shtyu Shkëlzen Qordjan drejt vetëvrasjes?

Shkëlzen Qordja, ish-shoferi i Xhafajt

Shërbimi për Çështjet e Brendshme dhe Ankesave në Ministrinë e Brendshme ka referuar materialin hetimor në Prokurorinë e Tiranës, duke e cilësuar vdekjen e Shkëlzen Qordes, shofer i ministrit Xhafaj, si një shkaktim vetëvrasje. Oficeri i SHÇBA që ka kryer veprimet hetimore ka konstatuar në relacionin e tij dhe ka referuar materialin, duke ju referuar nenit 99, që flet për shkaktimin e vetëvrasjes.

“Të gjitha provat e administruara në dosje tregojnë se autor i vdekjes së Shkëlzen Qordes është vetë viktima” - thuhet në relacionin e policisë përcjellë prokurorisë së Tiranës. Më tej, në këtë relacion thuhet se viktima mund të jetë ndikuar nga persona të paidentifikuar dhe, në rrethana të paqarta, ai ka marrë vendimin për të vrarë veten. Tashmë do të jetë prokuroria e Tiranës ajo që do të vijojë hetimet për këtë ngjarje, për të mësuar rreth shkaqeve që çuan në aktin ekstrem të 31-vjeçarit Shkëlzen Qordja.

Vetëvrasja që tronditi Ministrinë
Shkëlzen Qordja, shoferi personal i ministrit të Brendshëm Fatmir Xhafaj, është vetëvrarë brenda në makinën e tij, në ambjentet e Gardës së Republikës Tiranë. Ngjarja, që tronditi Gardën dhe ministrinë, ka ndodhur në mëngjesin e të shtunës, kur një nga kolegët e Qordes në Gardën e Republikës ka njoftuar eprorin e tyre se kishin gjendur 31-vjeçarin të vdekur në makinën e punës. Sipas një burimi pranë prokurorisë së Tiranës, Qordja është vetëqëlluar me armën e shërbimit, një miniautomatik i llojit MP-5.

Shoferi i Xhafajt mund të ketë ndërmarrë këtë akt vetëvrasjeje në kushtet e depresionit. “Është vetëvrasje. Armën e ka mbështetur me puthitje poshtë në mjekër dhe ka qëlluar. Për shkak se arma ishte automatike, ka bërë tri qitje dhe një nga plumbat ka hyrë në nofull, tjetri ka depërtuar në kokë e ka plasaritur xhamin e makinës. Xhami i makinës është plasaritur, por nuk është thyer, pasi ka qënë i blinduar” - tha një burim pranë prokurorisë së Tiranës.

Shtyrja drejt vetëvrasjes
Prokurorët thanë se 31-vjeçari Shkëlzen Qordja mund ta ketë kryer aktin e vetëvrasjes në kushtet e depresionit, apo i shtyrë nga një person tjetër, por, megjithatë, asgjë nuk dihet rreth arsyes kryesore pse ai ndërmori një veprim kaq ekstrem ndaj vetes. Prokuroria e Tiranës, Policia e Shtetit dhe SHÇBA, në një njoftim të përbashkët, deklarojnë se provat e mbledhura deri më tani tregojnë se kemi të bëjmë me një vetëvrasje.

Në vendin e ngjarjes janë gjetur tri gëzhoja, Shkëlzen Qordja ka një plumb në kokë, ndërsa dy plumbat e tjerë kanë përfunduar te xhami i makinës. “Nga veprimet e para hetimore, rezulton se në mjetin e Gardës u gjet i pajetë, i ulur në sediljen e shoferit, punonjësi Shkëlzen Qordja. Makina ishte e parkuar në garazhin e caktuar për mjetet e Ministrisë së Brendshme, i cili u gjet i mbyllur nga brenda. Nga kqyrja rezultoi se në kokën e viktimës ka plagë tejshpuese të shkaktuar nga armë zjarri, me qitje me drejtim nga e djathta në të majtë. Në vendngjarje u gjetën tri gëzhoja të qitura nga arma automatike tip “MP5”, e cila ishte në dorën e djathtë të viktimës, me levën e ndërrimit të llojit të zjarrit, në pozicionin “qitje me breshëri”. Nga tërësia e veprimeve hetimore të kryera deri tani në vendin e ngjarjes, dyshohet se viktima është vetëvrarë, me armën e shërbimit” - thuhet në deklaratë. Policia e Shtetit më tej thotë se Shkëlzen Qordja kishte nisur punë më 2017 në Gardë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Demiri: 05/07/2018 02:36

    PA DYSHIM QE ESHTE VRASJE KRIMINALE NGA QEVERIA RAMA-XHAFAJ SHKELZENI KA DITUR DICKA RRETH VEPRIMEVE KRIMINALE TE BANDES KRIMINALE TE PS PRANDAJ U HOQ QAFE CFARE DEKLARON POLICIJA NUK JANE TE VERTETA ARMA NUK ISHTE E SHKELZENIT KA QENE E SHOQERUESIT TE XHAFES SHKELZENI KA QENE NJERI I QETE DHE SHUME I SAKTE NE VEPRIME DHE DEPRESIONI PER TE DO ISHE E PA MUNDUR NE CFARDO RRETHANE TE ISHTE NDODHUR

    Përgjigju
  • shoku: 04/07/2018 19:18

    Mos ishte me keta te Jehovait dhe ja veni fajin Rames kot.

    Përgjigju
  • TERMETI.: 04/07/2018 13:37

    RAMA PO VRET kurajozet . ... XHAFAJ PO VRET deshmitaret QE GUXOJNE te ngrene krye e te flasin per TAHIRIN DHE TE VELLANE .QEVERIA ITALIANE E SHITUR TE QEVERIA TAHIRAMETA .TEPELENA KRYEQYTET I MAFIAS DHE EUROS .

    Përgjigju
  • Shigjeta1: 04/07/2018 08:44

    Zgjebsit e PD kan dash ta fusin ne valle te piste per tja faturuar Ministrit. S’e ka mbajt dot dhe ska dash ti lendojne familjen. Motivi - PS - perbaltje ndaj ministrit se i ka shku laku ku smban

    Përgjigju
  • Vetflijim me kulle: 04/07/2018 08:35

    To besta furullah!! Edhe vetvrasje me bresheri skishim degjuar ndonjehere!!

    Përgjigju
    • O debil: 04/07/2018 12:53

      Po te kesh pak njohuri nga armet,ateher nuk do flisje budalleqe. Automatiku me nje te terhequr kemze leshon disa predha(plumba) ne sekond.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43