Pjesëmarrja e ulët në votime, Muzhaqi: Nuk dëgjuam ndjesën e Celibashit! Qytetarët që u larguan, ju lutem të kthehen e të votojnë

 

Ministrja Bora Muzhaqi ka reaguar sërish për pjesëmarrjen e ulët në votime duke fajësuar KQZ se vonuan nisjen e procesit për shkak të problemeve të pajisjeve të identifikimit biometrik. Po ashtu ka një apel për qytetarët që u larguan në mënyrë që të kthehen e të votojnë.

“Nuk dëgjuam ndjesën e Celibashit drejtuar mijëra zgjedhësve të cilët në më shumë se 500 qendra votimi u penguan të votojnë. Pajisjet elektronike nuk funksionuan, arsyet ishin më absurdet, deri te bateria. Nuk ka si të mos na vijë keq për mos dhënien e shërbimit të identifikimit elektornik duke penguar mijëra zgjedhës për disa orë derisa KQZ të merrte vendimin elementar të nisjes së procesit duke i detyruar qytetarët që të largoheshin.

LEXO EDHE:
Dyshime për financime ruse dhe para të pista në periudhën kur PD drejtohej nga Berisha, SPAK zbarkon në KQZ

Jam për apelin e PS, ju lutem rikthehuni dhe kryeni detyrën tuaj duke votuar. Ju lutem bëjeni këtë në orët në vijim. Vota vlen shumë, vendos shumë, përcakton të ardhmen tonë të përashkët, prandaj thirrja e PS është votoni, votoni, votoni”, tha Muzhaqi.

Lajmi kryesor:

'Vendoret' 2023/ Celibashi: 34.37% pjesëmarrës në votime! Nuk raportohet për 585 qendra votimi, nuk funksionoi votimi elektronik

B.V/LR/Shqiptarja.com

TAG:
• zgjedhjet vendore 2023
• kqz