Në të njëjtin hotel, por në dhoma të ndara për shkak të dhunës në familje, burri plagos me thikë gruan italiane në Rrogozhinë, u bezdis nga festa e ditëlindjes: Shokët e saj më rrahën

Një shtetase italiane është plagosur thikë në dorë gjatë orëve të vona të mbrëmjes së kaluar nga burri i saj shqiptar në Rrogozhinë. Bëhet fjalë për Kastriot Demajn, 35 vjeç, banor i fshatit Ballaj, i cili është i martuar prej vitesh me shtetasen italiane Charlote me të cilën ka dy fëmijë dhe një resort në këtë zonë. Burime nga Policia e Kavajës bëjnë me dije për gazetarin e Report Tv Sokol Dema se shtetësja italiane është gërvishtur pak në dorë, ndërsa ndodhet në komisariat për të dhënë të gjitha deklarimet në lidhje me rastin.

Kur ka ndodhur ngjarja ajo ka qenë duke festuar ditëlindjen në dhomën e saj në hotel me disa të ftuar. Bashkëshorti i Charlote ndodhej gjithashtu në hotelin e tyre, por në dhomë tjetër dhe i dënuar me masën e sigurisë "arrest shtëpie", për dhunë në familje. 

Ai u ka kërkuar të ftuarve të bashkëshortes dhe vetë asaj që të pushonin pasi po bënin zhurmë gjatë festës. Ndërkohë në debat e sipër janë konfliktuar me njëri-tjetrin. Si pasojë e konfliktit burri ka marrë një thikë dhe e ka qëlluar, por për fat të mirë e ka plahgosur në dorë dhe nuk i ka shkaktuar probleme.

Në dëshminë e tij në komisariat bashkëshorti ka thënë se gjatë kohës që po zhvillohej festa bëhej shumë zhurmë. Kësisoj ai është ankuar. por më pas, sipas tij, kanë qenë disa miq të bashkëshortes së tij, të cilët i kanë shkuar në dhomë dhe e kanë rrahur. Më pas, në konflikt e sipër, ka shtuar se ka marrë një thikë të vogël dhe ka qëlluar bashkëshorten në pjesën e parakrahut.

Dema së bashku me gruan e tij kanë një resort në këtë zonë. Prej kohësh italiania kishte urdhër mbrojtje nga policia pasi burri i saj e dhunonte herë pas here. Aktualisht Charlote, ndodhet në spitalin e Durrësit jashtë rrezikut për jetën ndërsa Dema ne polici. Policia vijon ta mbajë në Komisariati, por akoma nuk ka një vendim për të nëse do të ketë apo jo fletë arresti. Policia po punon për zbardhjen e ngjarjes ku kyç janë pamjet e kamerave.

Rendit zhvillimet sipas orarit:
Ora 12:09
E plagosi në resortin e tyre në Rrogozhinë, ky është 35 vjeçari dhe gruaja e tij italiane

1611832095_Screenshot1001.jpg

Ky është Kastriot Dema 35 vjeç dhe gruaja e tij italiane Charlote dhe një prej  fëmijëve të tyre.

Dema ka plagosur mbrëmjen e kaluar gruan e tij e cila ndodhet në spital. Vetë 35 vjeçari ndodhet në komisariat.

Ora 11:44
Plagosja e gruas nga burri në Rrogozhinë/ Çifti kanë 2 fëmijë, dalin pamjet e resortit të tyre ku ndodhi sherri! Italiania kishte urdhër mbrojtje

1611830448_Sequence03.00010523.Still025.jpg

Detaje të reja zbardhen nga ngjarja e ndodhur në Rrogozhinë ku burri ka plagosur me thikë gruan e tij italiane. Report Tv mëson se burri Kastriot Dema 35 vjeç banor i fshatit Ballaj është prej vitesh i martuar me shtetasen italiane me të cilën kanë dhe dy fëmijë.

Dema se bashku me gruan e tij kanë një resort në zonë. Prej kohësh italiania kishte urdhër mbrojtje nga policia pasi 35 vjecari herë pas here e dhunonte.

Gjatë natës së kaluar Dema e ka plagosur gruan me thikë në katin e tretë të resortit. Aktualisht Charlote bashkëshortja e Demës ndodhet në spitalin e Durrësit jashtë rrezikut për jetën ndërsa Dema ne policinë e Kavajës.

Policia ka mare në ruajtje dhe po punon per zbardhjen e ngjarjes ku kyç janë pamjet e kamerave.

Ora 11:25
Plagosi gruan me thikë në hotel në Rrogozhinë, zbardhet dëshmia e burrit: Shokët e saj erdhën në dhomën time dhe më rrahën

Zbardhet dëshmia e bashkëshortit që plagosi bashkëshorten e tij italiane në Rrogozhinë. Sipas tij, gjatë kohës që po bëhej festa e ditëlindjes në katin e parë po bëhej shumë zhurmë. Ai është ankuar për zhurmën pasi ishte orë e vonë.

Fillimisht, sipas tij, kanë qenë disa miq të bashkëshortes së tij, të cilët kanë shkuar në dhomën e tij dhe e kanë rrahur. Më pas, në konflikt e sipër, ka shtuar, ka marrë një thikë të vogël dhe ka qëlluar bashkëshorten në pjesën e parakrahut. Policia vijon ta mbajë në Komisariat, por akoma nuk ka një vendim për të nëse do të ketë apo jo fletë arresti.

Ora 08:58
Italiania po festonte ditëlindjen në hotel, burri i saj në dhomën tjetër shqetësohet nga zhurmat dhe e qëllon me thikë në dorë! I dënuar me arrest shtëpie

Burime nga Policia bëjnë me dije se shtetësja italiane e cila është plagosur në Rrogozhinë nga bashkëshorti shqiptar është gërvishtur pak në dorë, ndërsa ndodhet në komisariat për të dhënë të gjitha deklarimet në lidhje me rastin.

Kur ka ndodhur ngjarja ajo ka qenë duke festuar ditëlindjen në dhomën e saj në hotel. Bashkëshorti i saj është gjithashtu në të njëjtin hotel, por në dhomë tjetër dhe në masën e sigurisë "arrest shtëpie".

Ai u ka kërkuar të ftuarve të bashkëshortes dhe asaj që të pushonin pasi po bënin zhurmë për shkak të festës dhe ndërkohë janë konfliktuar me njëri-tjetrin. Si pasojë e konfliktit burri ka marrë një thikë dhe ka qëlluar. Për fat të mirë e ka qëlluar në dorë dhe nuk ka problematika.

Be.K./b.ha./Shqiptarja.com
  • Sondazhi i ditës:

    Figura të reja dhe lidershipi i partisë në zonë rreziku/ A ka zgjedhur PS strategjinë e duhur për siguruar një tjetër mandat?

Komento

Komente

  • Miti: 28/01/2021 15:59

    Ne Shqiperi nuk ka mbetur kolibe me 4 dhoma e gjysme pa e quajtur resort.

    Përgjigju


×

Lajmi i fundit

John

Bindja Demokratike dorëzon listat në KQZ! Patoi i pari në listë për Tiranën! Andi Përmeti i pari në Korçë, i dyti Leonard Olli