POP 5

Lajmet më të lexuara të 5 minutave të fundit

Kronikë

Plagosi fqinjin, prokuroria kërkon 20 vite burg për Gjergj Gjinin! Ngjarja ndodhi në dhjetor të vitit 2020 në fshatin Balldre të Lezhës

Prokuroria e Lezhës ka kërkuar dënimin me 20-vite burg të 70-vjeçarit Gjergj Gjini i cili në muajin dhjetor të vitit 2020 plagosi me armë zjarri fqinjin e tij Hil Gjini

Plagosi fqinjin, prokuroria kërkon 20 vite burg për Gjergj Gjinin! Ngjarja ndodhi në dhjetor të vitit 2020 në fshatin Balldre të Lezhës

Hilë Gjini i plagosuri

Prokuroria e Lezhës ka kërkuar dënimin me 20-vite burg të 70-vjeçarit Gjergj Gjini i cili në muajin dhjetor të vitit 2020 plagosi me armë zjarri fqinjin e tij Hil Gjini. Ngjarja ndodhi në fshatin Balldre të Lezhës, teksa 43-vjeçari Hilë Gjini po dërgonte fëmijët në shkollë, u qëllua me armë nga fqinji sapo kishte dalë nga banesa me automjetin e tij tip "Benz". Autori i dyshuar u arrestua disa orë pas ngjarjes dhe në përfundim të hetimeve prokuroria ngriti akuzat "Vrasja me paramendim, mbajtja pa lejeve e armëve, armeve shpërthyese dhe municionit si dhe kanosja.

Tashmë do të jetë gjykata e cila do të vendosë për fatin e 70-vjeçarit, i cili në qëndrimet e tij ka deklaruar se i kishte zënë pritë fqinjit për të trembur dhe se nuk kishte patur qëllim që të qëllonte me armë zjarri në drejtim të tij.43-vjeçari Hil Gjini u plagos mëngjesin e 1 dhjetorit të vitit 2020, teksa ishte në makinë me bashkëshorten dhe 3 fëmijët e tij.

Këta të fundit fatmiresisht nuk moren dëmtime, pasi bashkëshortja e 43-vjeçarit arriti të zbresë nga makina dhe fillimisht ka mundur t'i ulë dorën e më pas t'i rrëmbejë armën të moshuarit Gjergj Gjini i cili në ato momente po qëllonte drejt bashkëshortit të saj. Policia arriti të prangosë autorin disa orë pas ngjarje si dhe në cilësinë e provës materiale sekuestroi armen e krimit dhe disa gëzhoja. Në deklarimet në polici 70-vjeçari ka deklaruar se fqinji i kishte helmuar delet shumë vite më parë si dhe kishin pasur konflikte të vazhdueshme për çështje pronësie.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu