Plastika gjendet edhe në filxhanin tuaj të çajit...

Foto nga studiuesit

Mbetjet plastike janë në oqean, tokë, ajër, dëborë... madje edhe në filxhanin tuaj të çajit.

Sipas CNN, studiuesit në Universitetin McGill në Kanada analizuan efektet e vendosjes së katër qeseve të ndryshme të çajit në ujë të vakët.

Ata zbuluan se një qese e vetme lëshon rreth 11.6 miliardë grimca mikroplastike, dhe 3.1 miliardë grimca nanoplastike,  mijëra herë më të larta se sasia e plastikës që më parë ishte gjetur në ushqime dhe pije të tjera.

Efektet shëndetësore të pirjes së këtyre grimcave janë të panjohura sipas studiuesve, të cilët bënë thirrje për studime të mëtejshme në zonë.

Shkencëtarët kanë gjetur mikroplastikë në ushqime të ndryshme, por më pak janë bërë hulumtime nëse ato mund të derdhen në ujë gjatë krijimit të çajit dhe pijeve të tjera të nxehta.

Shumë prodhues të çajit përdorin polipropilen për të vulosur çantat e tyre, por nuk e kishin menduar se kjo do të ndikonte në shtimin e plastikes brenda çajit.

Njerëzit hanë mesatarisht 5 gramë plastikë çdo javë, ekuivalenti i peshës së një karte krediti.

Organizata Botërore e Shëndetit (OBSH) tha muajin e kaluar se mikroplastikat nuk duket se paraqesin një rrezik për shëndetin në nivelet aktuale, por gjetja kryesore erdhi me një vërejtje e madhe.

Nisur nga studimi, u kërkuan më shumë hulumtime në mikroplastikë dhe se si ndikojnë në shëndetin e njeriut.

"Ne urgjentisht duhet të dimë më shumë për ndikimin në shëndet të mikroplastikës, sepse ato janë kudo,  përfshirë në ujin tonë të pijshëm", tha Dr. Maria Neira, drejtore e Departamentit të Shëndetit Publik, Mjedisit dhe Përcaktuesit Socialë të Shëndetit në OBSH.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çfarë mendoni se do të krijojë situata në PD me mbledhjen e dy Kuvendeve?



×

Lajmi i fundit

John

Aksion kundër lojërave të fatit në Fier, tre të arrestuar, dy nën hetim, shpallet në kërkim pronari i një lokali! Sekuestrohen 9 celularë