POP 5

Lajmet më të lexuara të 5 minutave të fundit

Kronikë

Frikë nga hakmarrje, familja braktis në morg trupin e Arben Lleshit, u vra në burgun e Peqinit! Askush nuk shkon ta tërheqë

Trupi i Arben Lleshit, të dënuarit që u vra nga Sokol Mjacaj në burgun e Peqinit ka mbetur në morg. 20 ditë pas ekzekutimit askush nga familja nuk ka shkuar të tërheqë trupin, ndoshta duke iu frikësuar hakmarrjes për vrasjen makabre që Lleshi kishte kryer në Angli, e pas së cilës kanë humbur në ekzekutime 4 anëtarë të fisit

Njëzet ditë pas vrasjes në burgun e Peqinit nga Sokol Mjacaj, trupi i të dënuarit Arben Lleshi, ka mbetur në morgun e Tiranës pa u tërhequr nga familjarët, edhe pse autopsia ka përfunduar që në dhjetor të 2023-shit.

I burgosuri u ekzekutua me dy plumba brenda në qelinë e tij në burgun e Peqinit mesditën e 15 dhjetorit 2023 nga Sokol Mjacaj. I dënuari përjetë për vrasjen e turistëve çekë në Shkodër në vitin 2015 arriti të fuste brenda burgut një pistoletë me mulli përmes një shisheje qumështi, dhe e vrau Lleshin në qeli, teksa vetë ai ishte në ajrim.

Sokol Mjacaj la të plagosur edhe shokun e qelisë së Lleshit, dhe për të realizuar vrasjen shfrytëzoi faktin që skanerët nuk punonin. Ngjarja pasoi arrestime nga zinxhiri komandues i burgut, me drejtorin Kamber Hoxha dhe shefin e policisw Mariglen Kadiu si dhe 10 punonjws të sigurisë.

Arben Lleshi po vuante dënimin me 32 vjet heqje lirie, për vrasjen e shqiptarit Agim Hoxhës në 2012-ën në Angli, të cilit i dogji trupin në një makinë.

Pikërisht ky krim dyshohet se fshihet dhe pas vrasjes së Lleshit, dhe mendohet qe Mjacaj të jetë paguar nga persona ende të paidentifikuar, në shenjë hakmarrje.

Pas asaj ngjarje, nga 2013-a në 2017-ën, u ekzekutuan 4 të afërm të Arben Lleshit. Frika për një hakmarrje tjetër të mundshme për vrasjen makabre të shqiptarit në Angli, dyshohet të jetë dhe arsyeja përse asnjë familjar nuk është paraqitur në morg të tërheqë trupin.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Prek: 05/01/2024 17:17

    Sa kamb i poshter jemi. E mohoin njeri tjeterin kur u vjen rripi ne fute. Kur qen ne kale mbureshin e hapeshin. Prandaj e vrau Mir Tafili se e dinte qe qen te shuar. Dhe spiun dhe gango Tafili. Hahahah

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu