TIRANË - Një ngjarje e rëndë ka ndodhur të dielën në mbrëmje në Pogradec, ku dy persona kanë dhunuar fizikisht një punonjës policie.
Sipas burimeve të Policisë Korçë, mësohet se ngjarja ka ndodhur në Buçimas të Pogradecit dhe Policia me të marrë informacion ka identifikuar dhe ka arrestuar autorët e ngjarjes, shtetasit me iniciale E.Ç 23 vjeç, banues në Buçimas të Pogradecit dhe D.P, 35 vjeç, banues në Dardhas të Pogradecit.
Këta shtetas dyshohet se kanë dhunuar punonjësin e policisë së Korçës dhe me vendim gjykate ata do të gjykohen në gjendje të lirë./ATSH/