Pogradec/ Të mësosh me 'vdekjen' përkrahë, kabina elektrike brenda shkollës rrezikon nxënësit

Pak ditë na ndajnë nga fillimi i shkollës, një institucion ku fëmijët duhet të ndihen së pari të sigurt dhe të mbrojtur. Por, fëmijët e fshatit Rrëmenj në bashkinë e Pogradecit edhe këtë vit të ri shkollor do të ulen në bankat e shkollës me rrezikun përkrahë.

"Unë kam dy djem dhe një gocë që studion tek kjo shkollë. 0% jemi të sigurt.  Shumë e rrezikshme si për të mëdhenjtë si për të vegjlit. Për të vegjlit më shumë se ne ruhemi."

"Kabina elektrike është shumë pranë dhe ne kemi frik mos bën ndonjë masë dhe merr zjarr. Ne jemi të rrezikuar. Klasa që është afër kabinës ka frikë mos bëhet ndonjë gjë. Ne kërkojmë që kabina elektrike të hiqet nga aty e të vendoset diku tjetër." ka thënë një banor.

"Shumë është e rrezikshme por askush nuk pyet. Të gjithë kemi fëmijë aty por çfarë të bëjmë." ka thënë një tjtër. 

"Kabina duhet të hiqet nga aty se është ambient shkolle e janë tërë ato fëmijë nuk janë 5 e 10." shton një prind. 

"Sipër kabinës ka klasë. Anash ka klasë. Në të dyja anët. Tensioni është I lartë. Ka shumë kohë kështu. Shkolla ka bërë ankesa. Është thënë se do merren masa, por asgjë. Unë si kryeplak kërkoj heqjen e Kabinës nga aty dhe të zhvendoset diku tjetër." ka thënë Kryeplaku.

Kabina elektrike e vendosur brenda institucionit të shkollës ku marrin dije me qindra fëmijë, është jashtë çdo lloj standardi te sigurisë. Nxënësit dhe prindërit të alarmuar kërkojnë zgjidhje të kësaj situate përpara se të ndodhe ndonjë tragjedi. Kryeplaku i fshatit Pëllumb Jakupllari bën me dije se edhe pse shpeshherë banorët kanë ngritur shqetësimin e tyre, asnjëherë nuk është marrë ndonjë masë.

Por, kjo nuk është e vetmja kabinë, pak metra më larg një tjetër kabine e amortizuar në rrezik shembje kërcënon jetën e banorëve të fshatit.

TAG:
• pogradec
• shkolla
• nxenes
• kabina elektrike
• rremenj