Investimi në fshatin turistik, Tushemisht të Pogradecit po shfaq probleme vetëm disa muaj pas përfundimit të punimeve.

Një pjesë e shtyllave të ndriçimit multifunksionale, të pajisura me kamera dhe sistem Wireless, janë të thyera ose me riparime provizore.

Serverët dhe kamerat nuk funksionojnë  plotësisht, duke penguar operimin e plotë të sistemit të sigurisë.

Çdo shtyllë ka kushtuar 250,000 lekë, ndërsa për 58 shtylla investimi kap vlerën e 14,500,000 lekëve pa TVSH.

Projekti eshte realizuar nga Fondi Shqiptar i Zhvillimit, në bashkëpunim me Fondacionin Shqiptaro-Amerikan për Zhvillim dhe Bashkinë Pogradec.