10 mijë euro kush jep informacion për arrestimin e Talo Çelës! Në arrati për grabitjen e Rinasit, organizoi atentatin e dyfishtë në Durrës

Talo Çelo, i kërkuari nga policia

Policia e Shtetit ofron 10 mijë euro kush jep informacion për arrestimin e të shumëkërkuarit, Talo Çela. Në një njoftim, policia thotë se 49-vjeçari Talo Çela është person i shpallur në kërkim kombëtar dhe ndërkombëtar, pasi Gjykata për Krimet e Renda Tiranë i ka caktuar masën e sigurisë “Arrest në burg”, për veprat penale “Vrasja e punonjësit të policisë” kryer në bashkëpunim, mbetur në tentativë, “Vjedhja me armë e kryer në bashkëpunim”, në kuadër të grupit të strukturuar kriminal dhe “Vrasja me paramendim, kryer në bashkëpunim”.

Ky shtetas është autori i dyshuar i ngjarjes së datës 09.04.2019, ndodhur në pistën e aeroportit “Nënë Tereza”, në Rinas, Tiranë, ku persona të maskuar, nën kërcënimin e armëve të zjarrit, kanë arritur të vjedhin një sasi të konsiderueshme vlerash monetare të cilat po ngarkoheshin në avion dhe më pas gjatë shkëmbimit të zjarrit me Policinë, mbeti i vrarë njëri prej autorëve kryesorë të kësaj ngjarjeje.

Gjithashtu ky shtetas dyshohet se fshihet pas atentatit me armë zjarri të 2 vëllezërit  Haxhia në Durrës.  Emri i Talo Çelës ka dalë në dritë përmes dëshmisë së të penduarit të drejtësisë, Klevis Alla, të arrestuar për vrasjen e vëllezërve Haxhia. E bashkë me të, Report Tv mëson ekskluzivisht, se në kërkim është shpallur edhe Nuredin Dumani. Bashkëpunëtori i drejtësisë ka deklaruar se ditën e vrasjes kanë qenë edhe vetë Talo Çela dhe Nuredin Dumani, dhe e gjitha sipas tij lidhet me disa lekë të humbura.  

Deri tani në pranga për vrasjen e dy vëllezërve janë 22-vjeçari Klevis Alla, që bashkëpunoi me policinë duke treguar se ku kishin hedhur armët e krimit të përdorura në atentatin ndaj vëllezërve Haxhia dhe Altin Ndoci. Ndërsa në këkrim janë Talo Çela dhe Nuredin Dumani.

  • Sondazhi i ditës:

    Vaksinë ose test negativ për të hyrë në Universitete, a ju duket e drejtë?

Komento

Komente

  • Kosova: 07/07/2020 16:58

    Kërkojeni në Kosovë...!!!

    Përgjigju
  • Eni: 07/07/2020 15:38

    Seruozisht 10 mije euro? Po ky te heq qafe Po rrodhi info ne polici.

    Përgjigju


×

Lajmi i fundit

John

Kina dhe Rusia në alarm, bota e rrezikuar nga një luftë biologjike