Janë 41 shtetet, me të cilat në vite Shqipëria ka aplikuar sistemin e marrëveshjeve për shmangien e tatimit të dyfishtë dhe parandalimin e evazionit fiskal për tatimin mbi të ardhurat dhe kapitalin. Ky sistem bazohet në modelin standard të OECD-së dhe mbi bazën e këtij modeli kryhen negociatat për përcaktimin e modaliteteve specifike.
Taksat
Marrëveshjet Tatimore të shmangies së tatimit të dyfishtë për qytetarë të një shteti, por që punojnë në një tjetër shtet, zbatohen për tatimet mbi të ardhurat dhe mbi kapitalin, pavarësisht nga mënyra e vjeljes së tyre. Konsiderohen tatime mbi të ardhurat dhe mbi kapitalin të gjitha tatimet e vendosura mbi të ardhurat totale, mbi kapitalin në total, ose mbi elemente të të ardhurave ose të kapitalit, të cilat detajohen si më poshtë: tatimi mbi të ardhurat (duke përfshirë tatimfitimin e personave juridike dhe tatimin mbi të ardhurat personale); tatimi mbi aktivitetet e biznesit të vogël dhe tatimi mbi pasurinë. Marrëveshjet Tatimore zbatohen gjithashtu për çdo tatim të njëjtë ose tepër të ngjashëm, të cilët vendosen pas datës së nënshkrimit të çdo Marrëveshjeje ekzistuese.
Rezidenti
Sipas marrëveshjeve, një qytetar konsiderohet rezident i Shtetit Kontraktues në të cilin ai ka një banesë të përhereshme në dispozicion të tij. Në qoftë se ai ka një banesë të përherëshme në dispozicion të tij në të dy Shtetet Kontraktuese, ai do të konsiderohet rezident i Shtetit Kontraktues, me të cilin interesat e tij personale dhe ekonomike janë të lidhura më ngushtë.
Në qoftë se Shteti Kontraktues në të cilin ai ka qendrën e interesave jetike nuk mund të përcaktohet, ose në qoftë se qytetari nuk ka një banesë të përhereshme në dispozicion të tij në asnjërin Shtet, ai do të konsiderohet rezident i Shtetit Kontraktues në të cilin ai qëndron zakonisht.
Në qoftë se ai qëndron rregullisht në të dy Shtetet Kontraktuese ose në asnjërin prej tyre, ai do të konsiderohet rezident i Shtetit Kontraktues, nënshtetas i të cilit ai është.
Në qoftë se ai është nënshtetas i të dy Shteteve Kontraktuese ose i asnjërit prej tyre, autoritetet kompetente të Shteteve Kontraktuese do ta zgjidhin këtë çështje me mirëkuptim reciprok.
Si mblidhen
Në disa marrëveshje të lidhura për shmangien e taksimit të dyfishtë (jo në të gjitha marrëveshjet e lidhura), ka një nen të veçantë (Asistenca në mbledhjen e tatimeve), lidhur me rikuperimin e tatimit. Shtetet Kontraktuese i ofrojnë ndihmë dhe asistencë njëri-tjetrit me qëllim informimin dhe mbledhjen e tatimeve së bashku me mbipagesat, shtesat, interesat, koston dhe gjobat në lidhje me këto tatime. Republika e Shqipërisë me shtetet Francë, Holandë, Belgjikë, në marrëveshjet e lidhura për eliminimin e taksimit të dyfishtë për tatimin mbi të ardhurat dhe kapitali dhe shmangien e evazionit fiskal trajton me një nen të veçantë asistencën në mbledhjen e tatimeve në lidhje me tatimin mbi të ardhurat dhe kapitalin. Me kërkesë të autoritetit kompetent të një Shteti Kontraktues, autoriteti kompetent i Shtetit tjetër Kontraktues, në bazë të dispozitave ligjore dhe rregullave që aplikohen për informacionin dhe mbledhjen e tatimeve në fjalë të Shtetit të fundit, siguron informacionin dhe mbledhjen e tatimeve, siç kërkohet në Shtetin e përmendur në fillim. Kërkesat e paraqitura, mbështeten nga një kopje zyrtare e instrumentit që lejon ekzekutimin, shoqëruar aty kur duhet, nga një kopje e vendimit administrativ apo gjyqësor përfundimtar.
Kufizimet
Në lidhje me përdorimin e informacionit që sigurohet bazuar në Marrëveshje ka kufizime. Këto kufizime janë trajtuar në një nen të veçantë të çdo Marrëveshjeje të lidhur, zakonisht neni 26 “Shkëmbimi i Informacionit”. Ky nen sanksionon detyrimin e organeve tatimore për të shkëmbyer informacione të nevojshme për zbatimin e dispozitave të marrëveshjes. Neni 26 gjithashtu sanksionon detyrimin për përdorimin konfidencial dhe ruajtjen e sekretit të këtyre informacioneve, njëlloj siç veprohet me informacionet e brendshme, në përputhje me dispozitat e legjislacionit të brendshëm.
Shtetet kontraktuese nuk janë të detyruara të japin informacione që bien në kundërshtim me legjislacionin e tyre të brendshëm. Në dispozitat e këtyre marrëveshjeve parashikohen në mënyrë të saktë detyrimet e secilës palë për shkëmbim informacioni, zakonisht neni 26 “Shkëmbimi i Informacionit” i cili sanksionon detyrimin e organeve tatimore për të shkëmbyer informacione të nevojshme për zbatimin e dispozitave të marrëveshjes. Neni 26 gjithashtu sanksionon detyrimin për përdorimin konfidencial dhe ruajtjen e sekretit të këtyre informacioneve, njëlloj siç veprohet me informacionet e brendshme, në përputhje me dispozitat e legjislacionit të brendshëm.
Shtetet kontraktuese nuk janë të detyruara të japin informacione që bien në kundërshtim me legjislacionin e tyre të brendshëm. Në qoftë se gjatë periudhës tatimore një rezident nxjerr nga burime jashtë territorit të Republikës së Shqipërisë fitime apo të ardhura, tatimi mbi të ardhurat personale apo tatimi mbi fitimin, i pagueshëm nga ai rezident, lidhur me këto të ardhura apo fitime duhet të reduktohen me atë masë të tatimit të pagueshëm mbi këtë të ardhur ose fitim. Masa e tatimit të huaj të pagueshëm duhet të vërtetohet me dokument autentik, të përcaktuar në udhëzimin e Ministrisë së Financave. Reduktimi i tatimit mbi të ardhurat personale ose tatimi mbi fitimin nuk duhet të kalojë tatimin e pagueshëm mbi fitimin apo të ardhurat nga burimi i huaj, në rast se këto të ardhura realizohen në Republikën e Shqipërisë.
Reduktimi
Në rastin e një tatimpaguesi, i cili është subjekt i tatimit mbi fitimin, çdo reduktim i tatimit, kufizohet në tatimin, që do të ishte i pagueshëm në Republikën e Shqipërisë, në lidhje me fitimet apo humbjet e rezultuara nga burime në atë vend të huaj.
Reduktimi i tatimit duhet të llogaritet në mënyrë të veçantë, lidhur me çdo vend të huaj, nga i cili janë përfituar të ardhurat apo fitimet. Shtetet Kontraktuese nuk mund të aplikojnë masa apo mjete shtrënguese të një natyre të ndryshme nga ato që përdoren në mbledhjen e tatimeve të veta në përputhje me legjislacionin dhe rregullat e tyre.
Komente
Lajme të tjera
-
Shmangën 9 mln lekë taksa, Prokuroria e Fierit dërgon për gjykim shoqërinë ‘Erblen’ dhe administratorin
6 Dhjetor, 09:30 -
Bashkia Lezhë fal tarifën e shërbimeve, përfitues të gjithë ata që do paguajnë taksat e tjera vendore të prapambetura dhe të këtij viti
5 Dhjetor, 09:00
-
Mosdeklarimi i pagave, Tatimet do nisin kontrollin në 7000 bizneset me risk: Bëjini tani deklarimet, që të përjashtoheni nga kontrolli tatimor!
3 Dhjetor, 21:03 -
Tatimet: Gati të rimbursojmë profesionistët e lirë, saktësoni të dhënat e llogarive bankare
3 Dhjetor, 14:45 -
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
Tatimet: 9 mijë biznese rritën pagat! 37 mijë të tjera me risk për nëndeklarim, do përballen me gjoba nëse nuk i deklarojnë deri më 20 nëntor
7 Nëntor, 13:15
-
Qindra portale 'fantazmë' në Shqipëri, Braçe: Dezinformojnë! Duhet një regjistër me çdo të dhënë të tyre
6 Nëntor, 15:29
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Tatimet: Shtyhet deri më 20 nëntor afati i dorëzimit të të dhënave të pronësisë dhe kontratës së qirasë për vendushtrimin e aktivitetit ekonomik në e-Filing
25 Tetor, 10:46 -
Qeveria me strategji të re/ S’ka më përjashtime nga taksat, mbështetja e bizneseve apo individëve do të bëhet me kompensime e financiare
6 Tetor, 17:58
-
Turizmi premtues, po evazioni?! Tatimet ‘zbarkojnë’ te bizneset: A deklarojnë paga reale e lëshojnë fatura?
17 Qershor, 15:16
-
Profesionistët e lirë përballë faturës së kësteve, Tatimet për Report Tv: S’ka gabime tatimi, bazohen në vetëdeklarimin e tyre, u janë njohur shpenzimet
28 Prill, 14:10
Nje teme me mjafte interes per mijera e mijera shqiptare qe jane konfuz si puna ime. Une jam i interesuar te dij se si do te deklaroj ne vendin ku jam rezident "vleren katastale" te nje apartamenti ku jam bashkepronar ne Shqiperi. Ky parameter "Vlera Katastale" nuk eshte ne dokumentin e pronesise qe une kam ne dispozicjon dhe nuk njihet nga administrata dhe shteti shqiptar. Ndoshta artikull shkruesi mund te me pergjigjet nepermjet adreses sime elektronike. Me respekt Marjo
PërgjigjuRri o Marjo mos i jep leke Italionve,se boll te marin nga rroga
I nderuar Marjo, vlera e pasurise se patundshme nuk figuron ne certifikatat e pronesise ne Republiken e Shqiperise. Aty figurojne vetem pronaret dhe siperfaqja, kategoria e prones, si dhe fakti nese eshte peng apo eshte dhene me qira, ose eshte e lire. Ne rast se ju doni qe ta beni nje gje te tille per efekt deklarimi dhe shmangie taksash, duhet te kontraktoni nje vleresues te patundshmesh (privat), por patjeter me license, qe te beje vleresim kundrejt pageses tarifore. Dokumenti i tij i vleresimit duhet te noterizohet ne Shqiperi.