POP 5

Lajmet më të lexuara të 5 minutave të fundit

Kronikë

Post tërmeti/ Shoqata e Inxhinierëve: Kërkojmë pajisje laboratorike për vlerësimin e sigurisë së banesave

Shoqata e inxhinierëve shqiptarë pas tërmetit të 26 nëntorit i propozon qeverisë shqiptare 3 pika për të përballuar situatën e vështirë. Për inxhinierët me eksperiencë në vend, kërkohet miratimi i një protokolli për vlerësimin e banesave, riorganizimi i instituteve kërkimore dhe miratimi sa më shpejt i draft ligjit për “Urdhrin e Inxhinierit”.

Inxhinierët shqiptarë i kanë propozuar 3 kërkesa qeverisë për të kaluar situatën pas tërmetit të 26 Nëntorit; rivlerësim banesash, qendra të kërkimit shkencor dhe zbatim të urdhrit të inxhinierit. Dhe pse më herët është ngritur shqetësimi për riorganizimin e instituteve shkencore kërkesa e shoqatës, thonë inxhinierët ka rënë në vesh të shurdhët.

"Nesër takim urgjent në orën 16:00 me shoqata dhe institutin e Ndërtimit dhe profesionistë e inxhinierë të pavarur. Kërkojmë miratimin e një protokolli standard për vlerësimin e banesave, ngritjen e një grupi për të harmonizuar faktorët që kanë ndikuar negativisht në qëndrueshmërinë e banesave dhe kërkesë qeverisë shqiptare që të mundësojë pajisjen e grupeve të punës me pajisje laboratorike për testet në terren pa të cilat nuk mund të bëjmë një vlerësim të besueshëm dhe shkencor" tha sekretari i Përgjithshëm i Shoqatës së Inxhinierëve, Gëzim Beqaj.

Sipas shoqatës së inxhinierëve Shqipëria renditet në 6-7 vendet e fundit në botë për kontributin ndaj shkencës, përfshirë dhe rastet e fatkeqësive natyrore siç ishte tërmeti i 26 Nëntori, me 51 viktima.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

SHBA/ Kamala falenderon vullnetarët! Beyonce krah saj thirrje ta votojnë

SHBA/ Kamala falenderon vullnetarët! Beyonce krah saj thirrje ta votojnë

5 Nëntor, 21:51