Protesta fut në sherr PD, Mziu tenton të godasë Strazimirin, ndërhyn Basha

Ka degraduar në sherr mbledhja e sotme e krydemokratit Lulzim Basha me deputetët e djathtë, kryebashkiakët dhe krerët e degëve. Protesta ka tensionuar situatën mes demokratëve, duke futur në sherr vartësit e Lulzim Bashës. 

Situata ka dalë jashtë kontrollit në mbledhjen e pasdites së sotme mes kryebashkiakut të Kamzës, Xhelal Mziu, dhe deputetit Gent Strazimiri, në selinë blu. Report Tv mësoi se kryebashkiaku Mziu ka debatuar ashpër me deputetin Strazimiri, të cilin ka tentuar dhe ta godasë me grusht.

Gent Strazimiri është shprehur se në protestat para komisariatit nuk ka pasur shumë protestues nga Kamza dhe Vora. Burime nga mbledhja bëjnë me dije se kjo ka acaruar situatën dhe Mziu ka hedhur poshtë deklaratat e Strazimirit. Në debate e sipër, Xhelal Mziu është ngritur të godasë Strazimirin. Debatet kanë qenë të ashpra dhe është dashur ndërhyrja e Lulzim Bashës për të shuar këtë debat.

Kryedemokrati Basha teksa i ka tërhequr vërejtje Mziut dhe Strazimirit është shprehur se sjellje të tilla dëmtojnë PD dhe opozitën. Gazetarja e Report Tv Erneta Shevroja ka tentuar të marrë një reagim nga kryebashkiaku i Kamzës, por ky i fundit ka refuzuar.

PD dhe LSI kanë nisur përgatitjet për mosbindje civile, që do të nisë ditën e enjte. Krerët e partive opozitare, Lulzim Basha i PD dhe monika Kryemadhi e LSI, iu kanë bërë thirrje qytetarëve të mos paguajnë asnjë taksë, ndërsa plani i tyre është bllokimi i rrugëve në vend. 

LEXO EDHE:
Bangladeshi përfshihet nga protesta të dhunshme studentore, 151 persona humbin jetën

TAG:
• lulzim basha
• Protesta
• xhelal mziu
• mosbindje civile
• gent strazimiri

Sondazhi i ditës:

'Rasti Qefalia', a fshihen gjobat pas akuzave të Këlliçit, Nokës, opozitës?

• Po

  70.7%

• Jo

  19%

• Ndoshta

  10.3%

Vota total: 564

Votat totale janë unike

• Sondazhi i ditës:

  'Rasti Qefalia', a fshihen gjobat pas akuzave të Këlliçit, Nokës, opozitës?

  Po Jo Ndoshta