Me flamur mbi skelën e hyrjes së Kryeministrisë/ Lirohet 80-vjeçari që u arrestua, deri tani 15 protestues në qeli

Mbrëmjen e sotme rreth orës 19:00 policia arrestoi edhe një 80-vjeçar në Lezhë për protestën e dhunshme dje para Kryeministrisë. Ai është Ndue Fuga nga Fishta e Lezhës, ndërsa u shoqërua drejt Tiranës. Por rreth orës 21:30, Ndue Fuga është liruar. I moshuari, sipas burimeve për Report Tv do të hetohet në gjendje të lirë për shkak të moshës dhe gjendjes shëndetësore.

Sipas po të njëjtave burime, Fuga është lënë në hetim në gjendje të lirë, pasi ka paraqitur kartelën mjekësore, ku nesër ka planifikuar një vizitë në Itali për kurim për problemet shëndetësore. Report Tv sjell pamjet, kur i moshuari, që u arrestua dhe lirua sot, dje arrti që të hipte mbi skelën e vendosur në hyrjen e Kryeministrisë, teksa valëviste flamurin kuqezi duke shpallur 'fitoren', ndërsa grupi tjetër i vendosën flakën hyrjes së godinës disa herë.

Ndue Fuga, 80-vjçari nga Lezha pas daljes nga drejtoria e Policise se Tiranes

Ndërkohë që në burg deri tani janë 15 protestues, mes tyre edhe ish-kreu i Policisë Bashkiake të Tiranës, Florenc Hoxha. Ai u kap nga kamerat në protestën e opozitës në shkallët e Kryeministrisë pas çarjes së kordonit të forcave të policisë. Ndërkohë që u proceduan penalisht në gjendje të lirë 5 protestues, si dhe janë shpallur në kërkim dhe po punohet për kapjen e 6 të tjerëve. Ata akuzohen për “Kundërshtim të punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike” (lexo këtu).

Protestuesit çanë kordonin e policisë duke kundërshtuar e goditur punonjësit e policisë, të cilët ishin të planizuar me shërbim për garantimin paqësor të tubimit. Gjithashtu ata goditën dhe thyen me mjete të forta, dyert, xhamat dhe vepra arti në hyrjen kryesore të Kryeministrisë së Republikës së Shqipërisë. Protesta u mbyll me lajmërimin e kryedemokratit Lulzim Basha se tubimi i radhës do të jetë të enjten, para parlamentit.

TAG:
• Florenc Hoxha
• protesta e 16 shkurtit
• ndue fuga