Analisti Lorenc Vangjeli ka zbuluar mbrëmjen e të premtes në emisionin Java në RTSH prapaskenat e botimit të artikullit për Shqipërinë në gazetën gjermane Bild.
Ai kujton se për herë të parë për dosjen 184 dhe për përfshirjen në listën e përgjimeve për llogari të saj ishte përfshirë edhe kryeministri Rama, që pretendohej se kishte folur për çështjen e votimeve në Dibër.
“Të martën kryetari i PD-së Lulzim basha, citoi gazetën Bild si një fakt të ri që dëshmonte vjedhjen e votave.
Në fakt, siç vërtetohet dhe nga xhirimi I transmetuar nga Java në RTSH, partia demokratike ishte së paku në dijeni të botimit që dy muaj më parë dhe ndoshta edhe pjesë e rrethanave që çuan në këtë botim. “Kjo është teknologjia primitive e propagandës në Tiranës që eksporton fillimisht një lajm lokal, e importon sërish në Tiranë, e përkthen nga gjuha e huaj dhe rishet si mall të ri me ambalazh të BE-së”, tha Vangjeli.
Në rubrikën Transparencë të emisionit Java në RTSH, analisti Lorenc Vangjeli u shpreh se:
Në demokraci, qëllimi nuk i justifikon kurrë mjetet! Edhe beteja më fisnike e një shoqërie, ndeshja për votën e lirë, e cila është themeli i demokracisë, nuk mund të bëhet me mjete të dyshimta.
Dy dosjet hetimore, 339 dhe 184 janë shndërruar tashmë në dy mjete jo vetëm të pamjaftueshme, të padobishme, por për shkak të keqpërdorimit të tyre ekstrem, edhe të pamoralshme.
Në emër të tyre, duke filluar nga janari i këtij viti, në Shqipëri kanë ndodhur ngjarje të pamenduara më parë. Ka ndodhur djegia e mandateve nga opozita, e cila refuzon edhe ballafaqimin e pritshëm në zgjedhjet e qershorit, ndërsa vendi ka hyrë në një spirale protestash herë paqësore, herë të dhunshme.
Dosja 184 doli sërish në dritë mbas botimit të një artikulli në gazetën Bild, e cila citon përgjime që e konsiderojnë të mundshme përfshirjen e kryeministrit Rama në procesin e zgjedhjeve të mbajtura në Dibër.
Të martën kryetari Basha e citoi këtë fakt si provë të re ndaj kundërshtarit të tij në qeveri. Në fakt ajo as nuk është provë dhe as nuk është lajm i ri. Media vendase, në këtë rast Java në RTSH e ka publikuar mbi dy muaj më parë duke paralajmëruar madje edhe përgatitjet që po bënte në fshehtësi PD-ja për hedhjen e këtij lajmi në publik.
Në vend të shërbimeve partnere, siç vinte bast Java, u zgjodh media e huaj për ta pohuar, me teknologjinë primitive të propagandës në Tiranës që eksporton fillimisht një lajm lokal dhe e importon sërish në Tiranë, e përkthen nga gjuha e huaj dhe rishet si mall të ri me ambalazh të BE-së.
Në rastin e dosjes 339 ndodhi e njëjta gjë. Kur e ripublikoi Zëri i Amerikës, u kujtuan opozita për të vërtetën që e dinin të gjithë në Tiranë dhe dogji mandatet e saj me pretendimin: tani e tha edhe Amerika.
Të dyja dosjet hedhin dritë mbi histori ku nuk ka personazhe pozitivë, as mes atyre që trafikonin heroinë, as mes atyre që flisnin për vota, punësime e prona, as mes atyre që e kanë hetuar dhe aq më pak mes atyre që e përdorin pa moral dhe me hipokrizi ditë mbas dite për interesa të ditës.
Për vetë hetimin penal të dosjeve pothuaj nuk ka lajme zyrtare, por një gjë është e gjithëpranuar: përdorimi politik i këtyre dosjeve e ka shkatërruar përmbajtjen e tyre dhe i ka varrosur të dyja.
Ndaj hetimi mbi hetimin e dy dosjeve që po çmendin Shqipërinë, do të ishte më i rëndësishëm edhe se vetë dosjet. Ekziston kështu një mundësi e jashtëzakonshme për të dëshmuar lidhje okulte, shantazhe kriminale dhe pazare të politikës me segmente të drejtësisë.
Dhe për të kuptuar përfundimisht se në demokraci, mjetet e pandershme, shnderojnë çdo qëllim, qoftë dhe ai edhe një qëllim fisnik” – tha Vangjeli.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37 -
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47
Ate qe lexuam nga reportazhi per librin e Bamir Topit per takimin e Nanos(qe une nuk e honeps fare)me Saliun per te rene dakort per zgjedhjen e presidentit,pra duheshin dhe disa vota nga ps.Kjo cfare quhet,blerje votash,korrupsion....
Përgjigju