POP 5

Lajmet më të lexuara të 5 minutave të fundit

Kultura

Preç Zogaj prezanton në Lezhë dy botimet e reja: Biseda me njerëzit e letrave, emocion i veçantë

Poeti Preç Zogaj ka prezantuar në Lezhë dy librat e tij më të fundit novela "Bija e vjetër e nënës së re" si dhe botimin me poezi "Një e tretë, dashuria". Takimi  promovues u organiza nga Klubi Letrar "Ndoc Gjetja", ndërsa ishin të pranishëm shkrimtarë, poetë publicistë dhe miq të librit.

Bashkëbisedimi me njerëzit e letrave, në vendlindje të jep një emocion të vecantë, shprehet poeti Preç Zogaj, i cili zgjodhi Lezhën për të prezantuar dy librat e tij më të fundit, novela "Bija e vjetër e nënes së re" si dhe botimi me poezi "Një e tretë, dashuria".

Ky takim promovues u organiza nga Klubi Letrar "Ndoc Gjetja", ndërsa ishin të pranishëm shkrimtarë, poetë publicistë dhe miq të librit.

“Për mua është kënaqësi e veçantë sepse kam dalë nga Shoqëria Letrare e Lezhës, jam shumë i lidhur me krijuesit e rinj të Lezhës, por jo vetëm të rinjtë, sikurse edhe lexuesit lezhjanë. Është gjithmonë një rast për të biseduar me ta për letërsinë, është emocion.”-tha Zogaj.

Të pranishmit në këtë takim promovues vlerësuan maksimalisht veprimtarinë krijuese të Preç Zogajt.

Shkrimtari Ndue Dedaj shprehet se Preç Zogaj është prijës i brezave pa ndikuar as në letërsi as në publicistikë.

“Është emocion kur flas për letërsinë e Preç Zogajt, si rrallë për autorë të tjerë, për arsyen e thjeshtë se ai pa dashur mori rolin e udhëheqësit, prijësit të këtij brezi në letërsi pa ndikuar as në letërsi as në publicistikë.”-tha Dedaj.

Ndërsa botuesi Frano Kulli, shprehet se Zogaj është një histori krijuese mbi 40-vjeçare.

“Preç Zogaj është një histori krijuese mbi 40 vjeçare, e zhvilluar në pothuajse të gjitha gjinitë e  krijimtarisë.”-tha Kulli.

Lezha vijon të ruajë traditën dukë nxjerrë krijues të shumtë, me poetë dhe prozatorë të talentuar, të cilët vijojnë t’i japin lexuesit shqiptar mjaft vepra të vyera.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06