Premier League e futbollit në Angli vijon me raundin e 37-të, ose të parafundit të sezonit 2024-25. Në "Amex Stadium" vendasit e Brighton mposhtën 3-2 Liverpoolin, për të surprizuar kështu kampionët e sapokurorëzuar të Premier League.

Përballja nisi mirë për miqtë e Slot që kaluan në epërsi me Elliott pas vetëm nëntë minutave lojë. Ishte Bradley Conor që pasi "shpërtheu" nga krahu i djathtë i dha një pasim shokut të tij që nuk mund të gabonte nga pranë portës. Në të 32 minutë Ayari barazoi për 1-1 pas asistit të shqiptarit Brajan Gruda. Ndërkohë në shtesën e parë një diagonale e fortë nga Szoboszlai përfundoi në rrjetë, me Liverpool që e mbylli në avantazhin 1-2 fraksionin e parë.

Edhe pjesa e dytë nisi me disa raste për kampionët e Anglisë, por Salah gaboi nga pranë portës dhe në një moment përfundoi vetë në rrjetë, duke dërguar sferën jashtë katërkëndëshit.

Kaq u desh që Brighton "të ndizej" dhe të barazonte me Mitoma në minutën e 69-të, pas një veprimi të bukur në zonë. Pesë minuta nga fundi i përballjes tifozët festuan golin e Hinsheluood që i dha Brighton tri pikë të plota.

Një javë nga fundi i sezonit Brighton mban vendin e tetë dhe në këtë pozitë do e "vulosë" këtë kampionat, pasi është shtatë pikë pas Notingham që shkon në Evropë. Nga ana tjetër kampionët e Liverpool kanë grumbulluar 83 pikë.

Këtë të martë Premier League mbyll raundin e 37-të me dy përballje. Duke nisur nga ora 21:00 Crystal Palace pret Wolves, ndërsa Manchester City kërkon tri pikët në shtëpi kundër Bournemouth, në garën për vendin në Champions League. Me 65 pikë "Qytetarët" ndodhen në pozitën e gjashtë dhe një fitore sot do i katapultonte në vendin e tretë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera