Premier League e futbollit në Angli vijoi këtë të shtunë me raundin e 25-të. Në mesditë, Manchester United fitoi 2-0 kundër Tottenham, duke marrë kështu fitoren e katërt radhazi.

Pas shkarkimit të Amorim dhe uljes në stol të trajnerit Michael Carrick, United ka 'ndryshuar fytyrë' dhe ka fituar edhe kundër Manchester Cityt, Arsenalit dhe Fulhamit, për të mbajtur vendin e katërt në klasifikim.

United e filloi mirë takmin, aq sa detyroi Tottenhamin të luante me një lojtar më pak pas daljes me karton të kuq të Romeros pas 29 minutave lojë. Këtu përfitoi United dhe gjeti epërsinë me golin e Mbuemo në minutën e 38-të. Vetëm nëntë minuta para fundit Bruno Fernandes shënoi edhe golin e dytë për 'Djajtë e Kuq', që sfidën e radhës e luajnë në udhëtim kundër West Ham.

Me këtë sukes Man. United mbetet në pozitën e katërt të renditjes me 44 pikë, ndërsa Spurs me 29 pikë ndodhen në vendin e 14-të dhe kanë shtatë ndeshje pa fitore në kampionat.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera