Presidenti Meta dekoron ish-ambasadorin e SHBA-ve, Arvizu me titullin e lartë “Meritë të veçanta civile”

Ish-ambasadori i Shteteve të Bashkuara të Amerikës në Shqipëri, Aleksandër Arvizu është dekoruar  këtët të martë  nga Presidenti i Republikës së Shqipërisë Ilir Meta me titullin e lartë të vlerësimit “Merita të veçanta civile”.  

Teksa organizoi një ceremoni të veçantë solemne, kreu i shtetit Ilir Meta shprehu mirënjohjen për kontributin e dhënë për vendin tonë në proceset e integrimit nga ana e ish-ambasadorit Arvizu , ndërsa e cilësoi atë  një mik të paharrueshëm për Shqipërinë dhe shqiptarët.

 “Në vlerësim të veprimtarisë diplomatike dhe kontributit të tij të çmuar në përparimin e gjithanshëm të marrëdhënieve dypalëshe gjatë mandatit të tij si Ambasador i Shteteve të Bashkuara të Amerikës por edhe në vijim si dhe për mbështetjen e pakursyer të procesit të integrimit euro-atlantik të vendit”, është shprehur presidenti Meta gjatë ceremonisë.

Nga ana e tij,ish-ambasadori i Shteteve të  Bashkuara të Amerikës, Alexander Arvizu shprehu mirënjohjen  dhe kënaqësinë e Tij për vlerësimin nga ana e Presidentit Meta si edhe siguroi se do të vazhdojë të promovojë vlerat më të mira të Shqipërisë.

Në ceremoninë e ditës së sotme,morën pjesë personalitete të ndryshme të trupit diplomatik të akredituar në Shqipërisë, ish-Presidentë, ministra e deputetë, politikanë, intelektualë si dhe përfaqësues të shoqërisë civile.

Kujtojmë që pas përfundimit të mandatit të tij 4 vjeçar si ambasador i SHBA në Tiranë, nga viti 2010 deri në janar të vitit 2015, Aleksandër Arvizu u emërua në Departamentin Amerikan të Shtetit. Aktualisht, ai është i emëruar këshilltar i lartë për Çështjet e Azisë Lindore në Departamentin Amerikan të Shtetit.

/b.ha./Shqiptarja.com

TAG:
• Aleksandër Arvizu
• dekorate
• ish-ambasadori amerikan ne Tiranë