‘Presidenti Zelenskiy nuk kupton nga Ekonomia’, dorëhiqet Kryeministri i Ukrainës

Kryeministri i Ukrainës dha dorëheqjen sot pas publikimit të një audio-regjistrimi gjatë të cilin ai dëgjohet duke bërë komente denigruese ndaj presidentit lidhur me atë se sa e kupton Zelenskiy ekonominë.

Në një postim në facebook Oleksiy Honcharuk shkruante se ai mori detyrën e kryeministrit për të përmbushur programin e presidentit, duke e quajtur atë "model të sinqeritetit dhe moralit".

Duke iu referuar përgjimit të publikuar Honcharuk tha se "për të hequr çdo dyshim në lidhje me respektin dhe besimin tonë tek presidenti, paraqita një letër dorëheqje dhe presidenti do ta paraqesë atë në parlament".

Volodymyr Zelenskiy pritet të rishikojë letrën e dorëheqjes e më pas do të shpallë vendimin thuhej në një deklaratë të zyrës së presidentit, të publikuar nga agjencia e lajmeve ukrainase, UNIAN.

I.C./Shqiptarja.com
  • Sondazhi i ditës:

    Amianti i groposur në Vlorë/ A besoni se Shqipëria është kthyer në 'varr' për mbetjet toksike që vijnë nga jashtë?

Komento