POP 5

Lajmet më të lexuara të 5 minutave të fundit

Arkiva

Prezantohet Plani Kombëtar mbi Ndotësit Organik të Qëndrueshëm

TIRANE, 25 Shtator/ATSH/-Ministria e Mjedisit në bashkëpunim me UNEP dhe Fondin Global të Mjedisit (GEF), prezantuan fillimin e zbatimit të Projektit: ”Rishikimi dhe Përditësimi i Planit Kombëtar të Veprimit për Konventën e Stokholmit, mbi Ndotësit Organik të Qëndrueshëm (NOQ) në Shqipëri”. Në takim morën pjesë përfaqësues nga Ministritw e linjës përgjegjës për menaxhimin e kimikateve […]
TIRANE, 25 Shtator/ATSH/-Ministria e Mjedisit në bashkëpunim me UNEP dhe Fondin Global të Mjedisit (GEF), prezantuan fillimin e zbatimit të Projektit: "Rishikimi dhe Përditësimi i Planit Kombëtar të Veprimit për Konventën e Stokholmit, mbi Ndotësit Organik të Qëndrueshëm (NOQ) në Shqipëri".
Në takim morën pjesë përfaqësues nga Ministritw e linjës përgjegjës për menaxhimin e kimikateve në faza të ndryshme të ciklit të tyre të jetës, përfaqësues të Universitetit të Tiranës dhe atij Bujqësor si dhe përfaqësues nga organizatat joqeveritare mjedisore.
Projekti vjen në kuadër të Marrëveshjes së Përbashkët, firmosur midis Ministrit të Mjedisit Z. Lefter Koka dhe UNEP-GEF, në qershor të këtij viti. Projekti gjatë dy viteve në vazhdim projekti do të asistojë vendin tonë në rishikimin dhe përditësimin e Planit Kombëtar ekzistues të Veprimit për NOQ, hartuar dhe miratuar me Vendim të Këshillit të Ministrave, në vitin 2006; në rritjen dhe Forcimin e mëtejshëm të bashkëpunimit dhe koordinimit ndër-institucional si në nivel qëndror, local dhe atë nderkombetar, për fushën e Menaxhimit të Kimikateve në përgjithësi dhe NOQ në veçanti si dhe në rritjen e kapaciteteve institucionale dhe teknike, që lidhen me monitorimin, kontrollin dhe reduktimin e shkarkimeve në mjedis të këtyre substancave kimike. 
Nëpërmjet zbatimit të këtij Projekti do të përmbushen kërkesat dhe objektivat që rrjedhin nga Konventa e Stokholmit "Per Ndotësit Organik te Qëndrueshëm", dhe i Protokollit që trajton 23 ndotes kimik te klasifikuar si NOQ, në aspektin e Ndotjes së ajrit në kontekst ndërkufitar, ku 11 NOQ trajtohen për hërë të parë.
Konventa e Stokholmit "Për Ndotësit Organik te Qëndrueshëm", është nënshkruar nga Shqipëria më 5 dhjetor 2001 dhe është ratifikuar më 4 tetor 2004. Ajo synon kontrollin, reduktimin dhe eliminimin e shkarkimeve të NOQ në mjedis./a.gegvataj/

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57