POP 5

Lajmet më të lexuara të 5 minutave të fundit

Politikë

Procesi i anëtarësimit në BE, Rama: E vetmja rrugë që e kemi zgjedhur të lirë! Unike ajo që kemi bërë në luftën kundër korrupsionit

Kryeministri Edi Rama ka dhënë një intervistë për mediat e huaja lidhur me procesin e anëtarësimit të Shqipërisë në Bashkimin Europian duke e konsideruar këtë si të vetmen rrugë që populli ynë e ka zgjedhur në mënyrë të lirë.

Procesi i anëtarësimit në BE, Rama: E vetmja rrugë që e kemi zgjedhur të lirë! Unike ajo që kemi bërë në luftën kundër korrupsionit

Kryeministri Edi Rama

Kryeministri Edi Rama ka dhënë një intervistë për mediat e huaja lidhur me procesin e anëtarësimit të Shqipërisë në Bashkimin Europian duke e konsideruar këtë si të vetmen rrugë që populli ynë e ka zgjedhur në mënyrë të lirë.

"Për  ne është rruga e vetme që kemi zgjedhur të lirë, pas shekujsh në pamundësi për të zgjedhur ku dhe kush donim të ishim. Jemi optimishtët më të mëdhenj për unionin në të gjithë Europën bazuar edhe në sondazhet e BE dhe unë besoj shumë që kjo është e lidhur me historinë tonë dhe me bindjen e brendshme për të qënë pjesë e hapsirës, paqes dhe lirisë”- tha thënë Rama për Euronews Business. 

Sa i takon pyetjes nëse Shqipëria është gati për të qenë pjesë e këtij bashkimi, Rama tha se asnjë shtet nuk është gati për t’u anëtarësuar por nga ana tjetër e cilësoi si një kohë të humbur kot mbajtjen e vendit tonë në ‘dyert e BE’.

“Askush nuk është gati për të qënë pjesë, por në të njëjtën kohë është kohë e humbur  duke na mbajtur ne tek dera, uke mos lejuar bisedimet e anëtarësimit që janë burimi më i madh i njohurive për shtet-bërjen. Tani me hapjen e bisedimeve ne nuk e kemi me nxitim sepse ne kemi nevojë të përdorim këto njohuri dhe ti tranferojmë këtu , dhe atëhere do të jemi pjesë shpresoj”- theksoi kryeministri.

Lidhur me luftën ndaj korrupsionit dhe krimit të organizuar, Rama mori si shembull Reformën në Drejtësi si detajin që e dallon Shqipërinë nga vendet e tjera kandidate, duke argumentuar se tanimë nuk ka rëndësi nëse bëhet fjalë për zyrtar apo ish-zyrtar, nëse ka bërë shkelje, do të përgjigjet para drejtësisë.

Por pavarësisht kësaj, kreu i qeverisë tha se vendi ka ende shumë punë për t’u bërë për të qenë pjesë e Bashkimit Europian.

“Ti kurrë nuk e di sa mjaftueshëm është bërë kur flitet për krimin e organizuar dhe korrupsionin.  As në vendet e BE nuk është bërë mjaftueshëm, jo më në vende si tonat që janë akoma në proces. Ajo që Shqipëria ka bërë për të luftuar korrupsionin dhe krimin e organizuar është unike mes të gjitha vendeve që sot negociojnë për anëarësimin. Llogaridhënia përpara ligjit është bërë shumë e qartë dhe nuk ka rëndësi nëse I përket pushtetit aktual apo atij të ka qënë, nëse ke probleme me drejtësinë, drejtësia do vi për ty. Sigurisht që kemi shumë më shumë për të bërë dhe prandaj të thash sinqerisht që nuk jemi gati për tu bërë pjesë e BE sot”-përfundoi Rama.

Shqipëria aplikoi për t’u bërë pjesë e BE në prill të vitit 2009 dhe iu dha statusi i kandidatit pesë vjet më vonë, në 2014 , gjë që shënoi fazën e parë në procesin e anëtarësimit.  Ndërsa në vitin 2022, Shqipëria kaloi në fazën e dytë dhe filloi procesin e negociatave me Komisionin Evropian.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29