POP 5

Lajmet më të lexuara të 5 minutave të fundit

Bota

Procesi ‘SKY ECC’ në Belgjikë, dëshmon zyrtarja shqiptare e Gjykatës që transferonte paratë e vlonjatit me mbiemër kolumbian: Mendoja se punonte në ndërtim

Një shqiptare, zyrtare në një gjykatë, ka dhënë dëshminë e saj në Belgjikë lidhur me transfertat e parave që kishte kryer për vlonjatin Erdian Munoz Guerrero, pjesëtar i një organizate kriminale të trafikut të drogës.

Procesi ‘SKY ECC’ në Belgjikë, dëshmon zyrtarja shqiptare e Gjykatës që transferonte paratë e vlonjatit me mbiemër kolumbian: Mendoja se punonte në ndërtim

BRUKSEL- Një shqiptare, zyrtare në një gjykatë, ka dhënë dëshminë e saj në Belgjikë lidhur me transfertat e parave që kishte kryer për vlonjatin Erdian Munoz Guerrero, pjesëtar i një organizate kriminale të trafikut të drogës.

Mediat e huaja shkruajnë se në gjyqin që u mbajt për 124 të pandehur në Belgjikë, Miranda.B shfaqej në përgjimet e aplikacionit “Sky ECC” me vlonjatin Erdian Munoz Guerrero ndaj të cilit kishte kryer disa transaksione parash. Ky i fundit, kishte marrë mbiemrin e gruas së tij kolumbiane dhe dyshohet si një ndër krerët e organizatës mafioze.

Miranda B, shpjegoi se kishte një marrëdhënie dashurie me të dyshuarin dhe se 20 mijë eurot që i ishin gjetur në shtëpinë e saj në Tiranë, ishin fryt i punës së saj 12 vjeçare.

Ajo u justifikua se nuk i kishte vendosur në një llogari bankare sepse “në Shqipëri paguajmë shumë cash”.

Ajo pranoi para gjykatës se kishte hapur gjashtë llogari bankare, ndërsa u sigurua se kishte përdorur vetëm një. “Në Shqipëri, sa herë që ndryshon punë, duhet të hapësh një të tillë,” shpjegoi ajo.

E pandehura siguroi se nuk kishte më asnjë lidhje me Eridan MG dhe se ishte në dijeni të veprimtarisë së këtij të fundit, si dhe origjinës së shumave të parave që i kërkonte të transferonte, pasi kishte lexuar dosjen.

"E dija se ai punonte në ndërtim. Mendova se paratë vinin nga atje. Kishim një marrëdhënie intime, por nuk doja t'i bëja pyetje," shpjegoi ajo.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I jepet lamtumira fotoreporterit dhe piktorit Leon Çika! Projektet e lëna përgjysmë të artistit dhe kujtimet e fundit

I jepet lamtumira fotoreporterit dhe piktorit Leon Çika! Projektet e lëna përgjysmë të artistit dhe kujtimet e fundit

11 Janar, 14:25 nga Blerina Goce