Ndryshe nga vitet e mëparshme, kur qeveritë kanë ulur vazhdimisht numrin e punonjësve të administratës shtetërore, si një tendencë për uljen e shpenzimeve të personelit, vitin e ardhshëm do të kemi 269 buxhetorë më shumë se këtë vit. Numri i tyre kalon nga 81.753, në 82.022 vetë. Por jo të gjitha institucionet do të trajtohen njësoj nga pikëpamja e personelit.
Do të jenë 250 punonjës, të cilët janë parashikuar që do të punësohen në organet e reja të Drejtësisë. Për vitin në vazhdim, ky numër për punonjës rezervë në këtë sektor ishte 230 vetë. Projektbuxheti 2019 parashikon numër më të madh punonjësish në Kolegjin e Apelimit, atë të Apelimit, të Kualifikimit, por edhe në Prokurori, ndërkohë që Gjykata Kushtetuese dhe KLD mbeten me të njejtin personel si këtë vit.
Do të jenë të shumtë institucionet shtetërore, të cilëve nuk iu lëviz numri i punonjësve, duke filluar nga Presidenca dhe Kuvendi i Shqipërisë. Ndërkohë, aparati i Këshillit të Ministrave rritet me vetëm 56 vetë.
Të shumtë janë edhe institucionet qendrore që pësojnë “rrudhje”. Këtu bën pjesë edhe ministria e Brendshme dhe ajo e Mbrojtjes, me një reduktim të vogël. Nga ana tjetër, rritje do të ketë sistemi i ministrisë së Drejtësisë.
Agjencia e Prokurimit Publik pëson rritje të ndjeshme, nga 29, në 44 persona, ndërkohë që rritje më e madhe është lejuar për personelin e Agjencisë së Shoqërisë së Informacionit, që kalon në 318 vetë, nga 153 aktualisht. Pra, dyfish.
Sipas relacionit shoqërues të Projektbuxhetit për vitin e ardhshëm, të depozituart tashmë në Kuvend, shpenzimet totale për pagat në Administratën Publike janë planifikuar në masën 80.6 miliardë lekë, shifër e barabartë me 4.6% të Prodhimit të Brendshëm Bruto të vendit.
| Punonjësit e administratës në vitin 2018 dhe planifikimi për 2019-ën | ||
| Emertimi i Ministrisë / Institucionit Buxhetor | Viti 2018 | Viti 2019 |
| Presidenca | 86 | 86 |
| Kuvendi | 405 | 405 |
| Kryeministria | 150 | 156 |
| Ministria e Bujqësisë dhe Zhvillimit Rural | 2,004 | 1,915 |
| Ministria e Infrastrukturës dhe Energjisë | 974 | 926 |
| Ministria e Financave dhe Ekonomisë | 5,818 | 5,803 |
| Ministria e Arsimit, Sportit dhe Rinisë | 31,004 | 31,089 |
| Ministria e Kulturës | 1,010 | 1,003 |
| Ministria e Shendetësisë dhe Mbrojtjes Sociale | 4,289 | 4,259 |
| Ministria e Drejtësisë | 5,688 | 5,751 |
| Ministër për Evropën dhe Punët e Jashtme | 551 | 551 |
| Ministria e Brendshme | 14,156 | 14,149 |
| Ministria e Mbrojtjes | 8,973 | 8,966 |
| Shërbimi Informativ Shtetëror | 913 | 913 |
| Drejtoria e Përgjithshme e Arkivave | 139 | 139 |
| Akademia e Shkencës | 29 | 29 |
| Kontrolli Lartë i Shtetit | 191 | 191 |
| Ministria e Turizmit dhe Mjedisit | 1,037 | 1,101 |
| Agjensia Telegrafike Shqiptare | 50 | 50 |
| Instituti Statistikës | 226 | 226 |
| Shkolla e Magjistraturës | 31 | 34 |
| Qendra Kombëtare e Kinematografisë | 9 | 9 |
| Avokati i Popullit | 56 | 56 |
| Komisioneri për Mbikëqyrjen e Shërbimit Civil | 31 | 31 |
| Komisioni Qendror i Zgjedhjeve | 71 | 71 |
| Inspektorati i Lartë i Deklarimit e Kontrollit të Pasurive dhe Konfliktit të Interesave | 70 | 70 |
| Autoriteti i Konkurencës | 43 | 43 |
| Këshilli Kombëtar i Kontabilitetit | 6 | 6 |
| Komisioni i Prokurimit Publik | 30 | 30 |
| Institucione të tjera Qeveritare | 879 | 1,006 |
| Drejtoria Sigurimit të Informacionit Klasifikuar | 35 | 34 |
| Agjencia e Prokurimit Publik | 29 | 44 |
| Komiteti Shtetëror i Minoriteteve | 15 | 15 |
| Inspektoriati Qendror | 25 | 21 |
| Agjencia e Menaxhimit të Burimeve Ujore | 23 | 82 |
| Qendra kundër Ekstremizmit të Dhunshëm dhe Radikalizmit | 8 | 8 |
| Agjencia për Diasporën | 15 | 15 |
| Agjencia për Hapje, Dialog dhe Bashkeqeverisje | 42 | 42 |
| Qendra e Botimeve të Diasporës | 0 | 13 |
| Agjencia Kombëtare për Zhvillimin Rajonal | 50 | |
| Agjencitë e Zhvillimit Rajonal (4) | 80 | |
| Agjencia e Zhvillimit Ekonomik Rajonal | 25 | |
| Agjencia e Zhvillimit te Territorit | 45 | 43 |
| Agjencia Autonome e Auditimit te Fondeve të BE | 21 | 21 |
| Agjensia Kombëtare e Shoqerisë së Informacionit | 153 | 318 |
| Agjencia Ofrimit të Shërbimeve Publike (ADISA) | 160 | 155 |
| Komiteti Shtetëror i Kulteve | 10 | 10 |
| Departamenti i Administratës Publike | 60 | 61 |
| Shkolla Shqiptare e Administratës Publike | 17 | 17 |
| Autoriteti Kombetar Certifikimin Elektronik/Sigurime Kibernetike | 17 | 17 |
| Autoriteti Shtetëror Gjeohapsinor (ASIG) | 49 | 49 |
| Mbështetje për shoqërinë civile | 16 | 16 |
| Komisioneri për të Drejtën e Informimit dhe Mbrojtjen e të Dhënave Personale | 37 | 37 |
| Komisioneri për Mbrojtjen nga Diskriminimi | 25 | 25 |
| Instituti i studimeve të krimeve të komunizmit | 19 | 19 |
| Autoriteti për të Drejtën e Informimit mbi dokumentet ish-sigurimit | 30 | 30 |
| Institucione të Sistemit të Drejtësisë | 2,457 | 2,551 |
| Prokuroria e Përgjithshme | 863 | 913 |
| Zyra e Administrimit të Buxhetit Gjyqësor | 1,369 | 1,389 |
| Gjykata Kushtetuese | 62 | 62 |
| Këshilli i Lartë i Drejtësisë | 50 | 50 |
| Komisioni i Pavarur i Kualifikimit | 50 | 64 |
| Kolegji i Posacem i Apelimit | 37 | 43 |
| Komisioneri Publik | 26 | 30 |
| Total punonjës buxhetorë | 81,503 | 81,742 |
| Rezervë për institucione të qeverisjes qendrore | 20 | 30 |
| Rezervë për institucionet e drejtësisë | 230 | 250 |
| Total numri i punonjësve | 81,753 | 82,022 |
Lajme të tjera
-
Administrata ofron shërbimet online dhe bën shumë pushime! Si ka ndryshuar numri i të punësuarve në shtet
15 Mars, 07:17 -
Kursi i këmbimit godet fasonerinë, nis largimi i punonjësve! Edvin Prençe: Të huajt kanë ulur porositë, nuk ka aktivitet
11 Tetor 2023, 16:07
-
Krizë për punëtorë, tregu po mbijeton me të pakualifikuar! Eksperti: 75% e hoteleve pa punonjës, bizneset janë dyfishuar
24 Mars 2023, 19:52
-
Pavarësisht emergjencës për punëtorë, bizneset ulen shpërblimet dhe bonuset për punonjësit me 2021
13 Mars 2023, 07:25 -
3 328 të punësuar të rinj në administratë në 2023
6 Shkurt 2023, 20:26
-
'Shefi më i mirë në botë', dërgon stafin me pushime e u dhuron 400 mijë paund: Një motivim për ata! Dua që njerëzit të qëndrojnë për 10 vjet, jo 10 muaj në punë
11 Janar 2023, 10:12 -
Punësimi në shtet është rritur gjatë 2014-2022, zgjedhjet rrezikojnë fryrjen e mëtejshme
5 Janar 2023, 08:05 -
Europa në emergjencë për punonjës, sinjalizon emigracionin në rritje nga Shqipëria
30 Nëntor 2022, 08:53 -
Të punësuarit në Shqipëri punojnë me orare të zgjatura! 1 në 5 punonjës punon më shumë orë për shkak të rritjes së çmimeve
5 Qershor 2022, 21:29
-
Ish shërbëtorja kërkon 70 mijë euro nga biznesmeni i famshëm: Qëndronim 20 orë në punë, na hidhte shishe e na kërcënonte kur nuk kërcenim për video në Tik Tok
28 Maj 2022, 09:54 -
Transporti e telekomunikacioni nuk deklarojnë punonjësit, Inspektorati i Punës: 15% e punonjësve në bizneset e kontrolluara ishin informal në 2021
2 Maj 2022, 17:00
-
Deutsche Welle: Gjermania në krizë, i duhen miliona punëtorë
28 Dhjetor 2021, 09:37
