Në buxhetin e miratuar për vitin 2019, që u votua në parim sot në Parlament (lexo këtu), janë ndryshuar edhe 4 ligje të paketës fiskale nga e cila përfitojnë mijëra biznese. Përfitojnë ulje Tatim-Fitimi në 5 % të gjitha bizneset që veprojnë në bujqësi dhe agroturizëm. Gjithashtu është parashikuar edhe ulja e tatimit të dividentit në 8% nga 15 që është aktualisht. Në këtë buxhet parashikohet rritje pagash për disa kategori si mjekë, ushtarakë apo mësues.
Të gjitha ato hyjnë në fuqi nga 1 janari i vitit të ardhshëm. Buxheti parashikon një rritje në të ardhurat në masën 4.7 për qind, si dhe një rritje ekonomike mbi 4%. Ndërkohë, në kahun e shpenzimeve publike, ndonëse janë në rritje, është parashikuar një rol shumë më i madh se deri tani për koncesionet me Partneritet Publik- Privat, që vitin e ardhshëm do të arrijnë në një vlerë totale prej 46% të Prodhimit vendas, të përqendruara kryesisht në ndërtime rrugësh nacionale. Po kështu, buxheti parashikon për vitin e ardhshëm rritje pagash për një numër të konsiderueshëm punonjësish të administratës, si ushtarakë, mësues, mjekë, infermierë, etj. 35 mijë mësues dhe edukatorë të të gjitha niveleve parauniversitare, 4.650 mjekë, 13.765 infermierë dhe 6.800 ushtarakë nga 1 prilli i vitit të ardhshëm do të kenë rritje të pagave nga 5 deri në 10 për qind për këto kategori të buxhetorëve.
Me paketën e re fiskale, ulet taksimi i dividendit dhe rritet niveli i pagave që taksohen 23% në 150.000 lekë, nga 130.000 lekë aktualisht.
Do të ketë favorizime në fushën e turizmit, bujqësisë dhe agrobiznesit dhe ka ndryshuar Tatim-Fitimi për disa kategori:
– 5% për personat juridikë, të cilët zhvillojnë veprimtari ekonomike bujqësore
– 5 % për subjektet, të cilat zhvillojnë veprimtari pritëse të certifikuar si “agroturizëm”
Në ligjin për Tatimin mbi Vlerën e Shtuar, parashikohet përjashtimi në import i lëndëve të para për fabrikat e prodhimit farmaceutik; përjashtimi nga TVSH i furnizimit me shërbim nga nënkontraktorët për kontraktorët në industrinë fason; përjashtimi nga TVSH i importit të makinerive bujqësore sipas listës së miratuar me VKM, nga çdo importues; si dhe normë e reduktuar TVSH 10 % për importin e autobusëve elektrikë të transportit publik.
Në ligjin për Tatimin mbi të Ardhurat, është rishikuar norma e tatimit mbi dividentin duke shkuar në 8 % nga 15 % që është aktualisht.
Ndryshimet në tatim-fitim
– 5 % për tatimpaguesit me të ardhura deri në 14 000 000 lekë në vit;
– 15 % për tatimpaguesit me të ardhura mbi 14 000 000 lekë në vit;
– 5% për personat juridikë, të cilët zhvillojnë veprimtari ekonomike bujqësore
– 5 % për subjektet, të cilat zhvillojnë veprimtari pritëse të certifikuar si “agroturizëm”
Për vitin 2019 do të ketë rritje pagash deri në 10 % për 35 mijë mësues dhe edukatorë, 4.650 mjekë, 13.765 infermierë dhe 6.800 ushtarakë.
Komente
Lajme të tjera
-
Vakancat në shërbimin shëndetësor, mjekë familje dhe urgjence pa test specializimi
22 Qershor, 13:02 -
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Tatimi i rrogave të larta pritet të ulet në qershor! 23 mijë qytetarë me pagë mbi 200 mijë lekë! Ministria e Financave po punon për fashat e reja
25 Mars, 15:56
-
Mete: Brenda Prillit detajimi i rritjes së pagës për administratën, hyn në fuqi më 1 korrik
21 Mars, 11:59 -
Rama: Patëm boom turistik, në janar ‘mundëm’ edhe aeroportin e Beogradit! Sfidë rritja e pagave
16 Shkurt, 09:41 -
Në 2025-2026 ulen përfituesit e ndihmës ekonomike, rritet punësimi dhe pagat për arsimin dhe shëndetësinë! Transport falas për nxënësit dhe mësuesit
9 Nëntor 2023, 16:27
-
Komisioni i Ekonomisë u mblodh online, deputeti i PS, Erion Braçe: Sali Berisha nuk na bllokon dot!
1 Nëntor 2023, 18:04 -
Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla
1 Nëntor 2023, 09:26
-
Paketa fiskale/ Tavan për akcizën, gjoba të reja për bizneset që nuk paguajnë në kohë tatimin! Indeksimi jo në bazë të inflacionit
31 Tetor 2023, 19:41
-
Paketa Fiskale 2024/ Kufizohet rritja e akcizës për karburantet, produktet energjetike e pijet alkoolike, shkak inflacioni i lartë
27 Tetor 2023, 20:29
-
Rritja e pagës/ Pampuri: Premtimi elektoral i Ramës! Resulaj: E bëmë tani se kemi konsolidim fiskal! Zusi: Fillim i mirë! Axhami: Lajm i mirë, por i vonuar
7 Prill 2023, 22:28 -
Punësohen 324 infermierë në dy muajt e parë të këtij viti, Ministrja e Shëndetësisë: Pas mjekëve specialistë, do të vijojmë rritjen e targetuar të pagave për personelin shëndetësor
9 Mars 2023, 12:02
E keni turp qe pensionistat jane njerzit me te persekutuar nga ana financiare dhe asnje qeveri nuk ka vene dore.
Përgjigju