POP 5

Lajmet më të lexuara të 5 minutave të fundit

Kronikë

Prokuroria 'zbarkon' në Bashki
hetim lejeve të dhëna nga Basha

Të gjitha lejet e dhëna nga bashkia e Tiranës gjatë periudhës 2014 -2015 do të kalojnë në sitën e Prokurorisë së Tiranës. Në një dokument që mban datën 31 korrik, 1 javë pasi ish-kryetari Basha kishte lënë zyrën, organ i akuzës kërkon dokumentet e lejeve të dhëna për të hetim. Prokuroria: Bashkia Tiranë ka shkelur 6 rregulla. Hetimi pas kallëzimit penal të Agjencisë Kombëtare të Planifikimit të Territorit.  VIDEO
TIRANE - Të gjitha lejet e dhëna nga bashkia e Tiranës gjatë periudhës 2014 -2015 do të kalojnë në sitën e Prokurorisë së Tiranës. Në një dokument që mban datën 31 korrik, 1 javë pasi ish-kryetari Basha kishte lënë zyrën, organ i akuzës kërkon dokumentet e lejeve të dhëna për të hetim. Organi i akuzës argumenton se ky hetim fillon pas kallëzimit penal të Agjencisë Kombëtare të Planifikimit të Territorit, ku janë evidentuar një sërë shkeljesh në dhënien e lejeve të ndërtimit. 

Në kallëzimin e bërë nga Agjencia e Planifikimit të Territorit, thuhet se gjatë periudhës mes qershorit 2013 deri në gusht 2014, janë evidentuar shumë shkelje nga Bashkia Tiranë në dhënien e lejeve të ndërtimit. 

prokuroria leje ndertimi


Kallëzimi rendit 6 shkelje:
1-Mosrespektim i procedurave për miratimin e Planit të Detajuar Vendor, në 129 raste.
2-Mosbotim në regjistrin e Planifikimit të Territorit të akteve të nevojshme për miratimin e Planeve të Detajuara Vendore. 
3-Mosrespektim i kërkesave ligjore për dhënien e lejeve zhvillimore.
4-Mosrespektim i ligjit nga Këshilli Teknik i Bashkisë Tiranë në dhënien e opinionit teknik me miratimin e PDV-ve dhe lejeve të ndërtimit.
5-Mosushtrim i kontrollit të territorit në fushën e ndërtimit dhe urbanistikës.
6- Mosrespektim i ligjeve dhe planit të Përgjithshëm Vendor nga projektuesit përgjegjës për hartimin dhe projektit arkitektonik të planeve të detajuara vendore. 

Bashkia e Tiranës e kontaktuar nga A1 Report, sqaron se do të bashkëpunojë me prokurorinë duke i vënë ne dispozicion gjithë materialet e kërkuara. Por përveç këtij hetimi nga prokuroria edhe vetë kryetari i Bashkisë Erion Veliaj, ka premtuar auditim të hollësishëm për të gjitha fondet dhe projektet e Bashkisë 4 vitet e fundit, duke i kushtuar vëmendje edhe fondeve të zhdukura që ishin destinuar për klubin sportiv Tirana.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

Bulqizë/ 29-vjeçari humb kontrollin e automjetit dhe përplaset me kollonën e mbikalimit, i riu në gjendje të rëndë shëndetësore (EMRI+VIDEO)

16 Janar, 16:50