Po u rrezikohet jeta të sëmurëve me COVID/ Prokuroria nis hetimet për tregtimin e bombolave të oksigjenit online

Prokuroria Tiranës nis kryesisht hetimet për të kontrolluar pikat e tregtimit dhe faqet online. Jo vetëm për cilësinë e sigurinë e tyre por edhe fshehje  e të ardhurave pas janë biznese të palicencuara.

Pas ngjarjes së rëndë  të ndodhur më15 tetor në Tiranë, ku një 72-vjeçari të infektuar me COVID i ka shpërthyer bombola e oksigjenit në shtëpi, Prokuroria Tiranës ka vendosur nisjen kryesisht të hetimeve për të kontrolluar pikat e tregtimit dhe faqet online.

Hetimet janë përqendruar jo vetëm për cilësinë e sigurinë e bombolave por edhe për fshehje të të ardhurave pasi janë biznese të palicencuara.

Pjesa më e madhe e faqeve online që shesin bombolat dyshohet se i kryejnë shitjet në mënyrë të jashtëligjshme dhe se bombolat e oksigjenit janë çdo lloj standardi për kurimin e të sëmurëve .

Mësohet se 500 deri në 800 euro varion çmimi i një bombole me oksigjen, ndërsa me qira vlera shkon 100-120 euro.

Indicien e parë për nisjen e hetimeve të aparaturave të oksigjenit që shiten online, institucioni i akuzës e mori tri javë  më parë, pas kallëzimit të dy vëllezërve, të cilët për babanë e tyre të infektuar me virusin e rrezikshëm fillimisht përdorën aparatura oksigjeni që kishin blerë në Facebook. Ata në kallëzimin e tyre, shprehen se babanë e çuan në spital, 4 ditë para se ai të ndërronte jetë.

Ndërkohë që ngjarja e rëndë me 72-vjeçarin nga Tirana ndodhi mbrëmjen e së dielës ka ndodhur në lagjen "Bajram Curri" dhe i moshuari është dërguar me urgjencë në spital por ende nuk dihet sa e rëndë është gjendja e tij shëndetësore.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çfarë mendoni se do të krijojë situata në PD me mbledhjen e dy Kuvendeve?



×

Lajmi i fundit

John

Fushata më e shpejtë e vaksinimit në botë dhe ajo më e ngadalta, shteti që kryeson dhe ato që janë në fund