Në vijim të përpjekjeve për përfundimin e procesit të njohjes së pronësisë mbi tokën, dy ministri - e Drejtësisë dhe e Bujqësisë – kanë ndërmarrë nismën për të bërë ndryshime në një VKM, të miratuar në dhjetor të vitit 2015, i cili vendos rregullat për regjistrimin e marrjes së tokës bujqësore në pronësi, kur kjo pronësi është fituar me ligjin 7501. Duke qenë se në terren, për vite të tëra, shumë qytetarë po sorollaten me letrat e marrjes së tokës në pronësi, por Hipotekat nuk ua pranojnë, ministritë i propozojnë qeverisë që të lehtësojë dhe qartësojë procedurat, të cilat lidhen me procesin e regjistrimit të titujve të pronësisë mbi tokën bujqësore, në aktin e marrjes së tokës në pronësi (AMTP), të nxjerrë në zbatim të ligjit 7501, datë 19 korrik 1991, nga organet e pushtetit vendor, në bashkëpunim me Hipotekat.
Dokumenta me ndërhyrje
Drafti i ri konstaton se në shumë raste, mbi AMTP-të e dorëzuara nga qytetarët përfitues të tokës ka shënime me shkrim dore, ku është hequr një vizë fjalët e parapërgatitura në shkresë “në përdorim” dhe sipër tyre është shkruar “në pronësi”. Kjo ka krijuar mjaft probleme, duke qenë se Hipotekat e quajnë një gjë të tillë si korrigjim mbi një dokument shumë të rëndësishëm, mbi bazën e të cilit jepet e drejta e pronësisë mbi tokën dhe nuk e pranojnë si original këtë dokument. Sipas ministrive, një situatë e tillë është krijuar ngaqë komisionet e ndarjes së tokave gjatë punës së tyre jo rrallë janë hasur me fenomenin e mungesës së formularëve dhe korrigjimet bëheshin në mënyrë jo të rregullt. Fjala është për ngjarje që kanë ndodhur në vitet e para pas demokracisë, ku mungesa të tilla ishin të zakonshme. Kjo situatë shkaktonte atë që qytetarët, ndonëse ishin përfitues sipas ligjit 7501 të tokave të ish-kooperativave bujqësore, nuk mund të regjistronin pronat, ngaqë Hipotekat refuzonin t’i pranonin sit ë ligjshme këto dokumente. Me ndryshimin e propozuar tani, mendohet që të mos konsiderohen më si mangësi të AMTP-ve të lëshuara në territoret e ish-kooperativave ato raste kur është bërë një shënim i tillë sipër tyre. Në këtë mënyrë, duke qenë se kjo tani rregullohet me VKM, pra me vendim qeverie, Hipotekat do të detyrohen të pranojnë si të rregullta edhe dokumenta të këtij lloji dhe personi mund të regjistrojë tokën rregullisht.
Hipoteka do t’i kërkojë bashkisë që të verifikojë nëse janë shprehur apo jo me shkrim anëtarët e komisioneve, duke pranuar faktin se mungonin formularët ndaj veprimet i kanë bërë me shkrim dore, për të shmangur mundësinë e ndërhyrjeve më të vonshme në kohë.
Por drafti i propozuar mendon që të lihet në fuqi një ndalim i caktuar: sa më sipër mund të pranohet vetëm në rastin e dokumentave të lëshuara në territoret e ish-kooperativave, ku edhe njihet fakti që mangësitë në kancelari ishin të theksuara në vitet kur është kryer ndarja e tokës. Ndërkohë, nuk do të pranohen dokumenta të korrigjuara në këtë formë, pra që korrigjojnë faktin nëse toka është dhënë në përdorim apo në pronësi, kur komisionet kanë ndarë tokat e ish-ndërmarrjeve bujqësore, të cilat kryesisht ishin krijuar në qytete, ku dokumentacioni vështirë se mungonte. Pra, në këto raste, nuk do të pranohen për regjistrim në Hipoteka dokumente të marrjes së tokës në pronësi kur është korrigjuar me dorë “në përdorim” me “në pronësi, si dhe kur ka korigjime të tjera po me shkrim dore nga anëtarët e komisioneve të ndarjes së tokës tek numri i ngastrës, ose tek sasia e sipërfaqes së përfituar, ose tek emërtimi i kategorisë së ngastrës.
Familjet bujqësore
Një situatë tjetër e konstatuar është ajo, kur në të njejtin titull pronësie janë përfshirë dikur dy certifikata familjare dhe nga ana e komisioneve të ndarjes së tokave ky bashkim është bërë duke i konsideruar këto dy certifikata si bashkim të një familjeje të vetme bujqësore. Raste të tilla, gjithashtu, janë konstatuar në shumë bashki në territorin e Republikës së Shqipërisë. Në rast se qeveria miraton ndryshimet e propozuara në këtë draft, atëhere një veprim i tillë nuk do të konsiderohet më i papranueshëm për efekt regjistrimit të titullit të pronësisë, duke hapur kështu rrugën për njohjen dhe regjistrimin e tyre nga Hipotekat. Por vendoset një kusht: përfituesit në këtë rast duhet të sjellin deklarata noteriale ku të thuhet me përgjegjësi ligjore se ata nuk janë trajtuar me asnjë AMTP tjetër. Në të kundërt, Akti do të quhet i pavlefshëm dhe nuk mund të regjistrohet titulli i pronësisë. Dhe, AMTP-të duhet të jenë të lëshuara para 15 gushtit 2008. Njëkohësisht, bashkitë duhet të bëjnë edhe një verifikim të numrit të pjesëtarëve të familjeve deri në datën 1 tetor 1992, si dhe të verifikojnë faktikisht tokën bujqësore që familja ka aktualisht në dispozicion.
Djegia e arkivave
Një shqetësim tjetër, që ka penguar në raste të përsëritura procesin e regjistrimit të tokave bujqësore, të ndara sipas ligjit 7501, ka qenë edhe ai i krijuar si pasojë e djegies të dokumentave të regjistrimit në fshatra të ndryshme gjatë trazirave të vitit 1997. Sikurse dihet, shumë zyra të Hipotekave, Gjykatave, Gjendeve Civile, Arkivave, janë djegur me qëllim nga përfitues të rremë të pronësive, që kanë eliminuar në këtë mënyrë dokumenta origjinalë që ruheshin nga shteti, për t’i zëvendësuar me dokumenta të falsifikuara. Më pas, dokumentat e rreme fitonin “të drejtën e qytetarisë” në sajë të korrupsionit tek gjyqtarët. Raste të tilla kanë qenë të përhapura në zonat bujqësore si Fier apo Lushnje. Këto shqetësime janë ngritur vazhdimisht nga bashkitë, të cilat nuk i pajisin me AMTP qytetarët e interesuar, pasi rezulton nëpër regjistra që ata e kanë marrë një herë këtë shërbim dhe aim und të jepet vetëm një herë. Me ndryshimet e propozuara, bashkitë mund të lëshojnë dublikata të Aktit të Marrjes së Tokës në Pronësi.
Mungesa e firmave
Drafti propozon që, edhe në ato raste kur regjistrimi i titujve të pronësisë mbi tokën bujqësore është bllokuar për shkak se Hipoteka ka konstatuar mungesë në AMTP të firmës së kryetarit të komisionit të ndarjes së tokave në fshat konform ligjit 7501, kjo mund të kapërcehet. Kështu, do të kërkohet verifikimi i dokumentit pranë organit më të lartë të këtyre komisioneve. Madje, do të mjaftojë fakti që shumica e anëtarëve të komisionit kanë vendosur nënshkrimet e tyre, për ta bërë të ligjshëm këtë dokument dhe, si pasojë, të pranueshëm nga ana e Hipotekës.
Komente
Lajme të tjera
-
Drafti/ Pas bregdetit në fokus malet, prona shtetërore do shiten për 1 euro te privatët! Kushtet, të jenë posedues faktik të paktën 10 vite dhe një plan biznesi
2 Tetor, 12:22
-
Mungesa e çertefikatave të pronësisë në Shqipëri, pengesë për zhvillimin
23 Qershor, 19:27 -
Hetimet e SPAK për pastrim parash me pronat ‘frenojnë’ rritjen e çmimeve të apartamenteve! Konsulenti: Hetimet pozitive
24 Maj, 16:18
-
Gjykata Kushtetuese pezullon ligjin për kompensimin e pronave
9 Nëntor 2023, 16:58 -
Rinis kthimi e kompensimi i pronave, rastet me mbivendosje zgjidhen me marrëveshje ose gjyq, formula e re pas vendimit të Kushtetueses që rrëzoi skemën në 2021
25 Maj 2023, 15:33
-
Problematikat nga '7501-shi', në Kukës eksperimentohet ndarja e tokës 'fshtatshe' sipas ligjit të vitit 2020! Fshatarët do të bien dakord vetë, certifikohet nga Këshilli Bashkiak
8 Janar 2023, 17:12 -
Gati projektligji! Nga tokë bujqësore në truall, rritet masa e kompensimit! Ish-pronarët pritet të paguhen deri në vitin 2026
4 Prill 2022, 21:00
-
Sigurimi i pronës nga zjarri, rritet ndjeshëm numri i kontratave! Në muajt janar-qershor u lidhën mbi 25 mijë kontrata sigurimi
7 Gusht 2021, 15:47
-
Rritet me 18 mld lekë fatura për kompensimin e pronave! Në 5 vite janë paguar vetëm 788 ish-pronarë, Manja: Përfundoni procesin
7 Qershor 2021, 16:56
-
Rivlerësohen 35 mijë pasuri të paluajtshme, Kadastra: Kemi në proces vlerësimi mbi 3 mijë dosje të tjera
13 Maj 2021, 18:19
-
Lulzim Basha heq çështjen e pronave nga programi 24 orë pas premtimit dhe ndjesës publike, në marrëveshjen me LSI përfshihen vetëm tokat e komuniteteve fetare
2 Mars 2021, 09:39
-
Programi i Bashës për pronat, Kulluri i ‘përvishet’: Ndjesë idiote, tha na falni po do e bëjmë prapë! Vazhdon të njëjtën rrugë të gabimeve në 13 vite qeverisje
1 Mars 2021, 08:53
Jam nje banues i fshatit Dersnik rrethi Korce me ardhjen e demokracise u be ndarja e tokes me ligjin 7501 ne fshatin dersnik ka patur nje problem kur u ngrit nga shteti pemtorja e dovoranit i konfiskuan Dersnikut rreth 350 hektar toke ne demokraci fshati vendosi ne menyre unanime ti meret toka fermes Dovoranit ashtu u be ju mor u nda pas ligjit 7501 dhe kemi 32 vjet e punojme paguajme taksat rregullisht por ligji 7501 nuk na lejon ta ipotekojme pyetja eshte vendimi i VKM a na favorizon ne per ipotekimin e toke qe kena paguar taksa dhe ka qene toka e fshatit prej mijra dhe mijra vjet
PërgjigjuPrsh un banoj ne katund sukth po si ka mundesi hipoteka me tha ke problem se ne 91 300m trull eshte dhen po ne letrat e kam 435m dhe tani nuk me dalin letrat e ke teper me thon cfar mund te bej
Përgjigjukur pritet te dale ky vkm?
PërgjigjuPershendetje.jam banor ii fshatit panaja vlore .bejm pjes ne administrativen qender .bashkia vloreprobemi jon eshte .nje pjes te tokes e kemi mar ne parcelen n 34.zona kadastrale 2870 ne kemi nje problem se kur ish pd ne pushtet kryetari komunes fredo berberi beri nje levizje te parcelave fshati panaja ndahet me fshatin nart ne parcelen 55 .ish kryetari komunes fredo berberi disa familje qe e kishin token ne parcelen 55 i levivi dhe i futi te marin toj ne mes nesh dhe i fimosi vete kryeteri komunes ne hipotek kufitaret nders.ne formularin 6 nje nga keta qe ka mar tok ne mes meje e bababjt tin nuk figuron ketu ne mes nesh ne letra ndersa ne fakt pronen e kabej pyetje si ka mundesi hipoteka keti personi i ka dhen certifikat pronesi
PërgjigjuKan mor lek mer shok, e thjesht fare, ata te grijn kur ke dokumenta re rregullta, imagjino kur ske lidhje.
I nderuar! Problemi yt ka kete zgjidhje: Shko nxir pashaporte per ty e per gjithe familjen. Lutju Zotit te te lejojne te degdisesh diku e te mos te kthejne. Fillo jeten ne nje shtet normal nga fillimi. Toka nuk eshte e jotja, kurre ska qene e kurre nuk do behet. Fakti qe ta dha shteti nuk do te thote asgje. Shteti per ta dhene ty apo kujdo tjetri duhet ta kete toke shteterore, jo te vjedhur nga pronare te tjere. Keto legalizime e tituj pronesie jane letra kot. Per 5-10-100 vjet do vije dikush, do te fuse nje gjyq dhe ti e gjithe familja jote nuk do dije nga tia mbaje vrapit. Ik tani qe ke mundesi. Suksese!
Un jetoj ne rrethin te vlores bej pjes abministrativen qender problemi jon eshte ky nje pjes te tokes e kemi mare ne nje zone ku sot eshte ndertuar autostrada e 100 vjetorit te pavarsis.kur w djathta dretonte pushtetin ne komunen qender ish kryetar komune fredo berberi..ne tokat i ke ni ne parcelen 34 .dhe kami mare e certifikatat e pronesis te rregullta disa familje e kishin token ne parcelen 55 .ne kete periudh behet nje ndrul
PërgjigjuProblemi i pare i bujqesise sot dhe problemi i krejt vendit eshte shkaterrimi total i tokes bujqesore. Nje parcele 5 hektareshe, qe dikur qe e kulluar, e vaditur dhe e mobiluar me tuba qeramike, ku mekanika bujqesore punonte normalisht e me efektivitet; sot ka 17 pronare, eshte e pa kulluar e pa vaditur dhe, ne se nje poseduesi i mbushet mendja ta punoje rripin e tij disa dynymesh, praktikisht e ka te pa mundur. Ky eshte problemi qe na e bene peshqesh Saliu me Fatosin. Por mjerimi eshte qe ende sot ka qeveri dhe ministri bujqesie me qorra qe nuk duan ta shohin problemin dhe shtiren se po merren me bujqesine. Bujqesia ka vdekur, keta "shkojne ti japin nje kafe".
Përgjigju