Ndërsa mësuesja Emine Alushi është vënë në pranga dhe po hetohet nga Prokuroria e Krimeve të Rënda për propagandën mbi ISIS, ka reaguar Medresea e Shkodrës.

Ky institucion arsimor fetar në Shkodër përmes një deklarate për shtyp thekson se distancohet nga deklaratat e e mësueses Alushi.

Po kështu Medrese e Shkodrës shprehet se, është Institucion i shërbimit arsimor parauniversitar dhe vepron në bazë të legjislacionit shqiptar dhe filozofisë së KMSH.

“Në lidhje me video-regjistrimin e dhënë në Emisionin Investigativ Stop në Tv-Klan, ajo çfarë ka thënë mësuesja, subjekt i kësaj videoje nuk përfaqëson linjën zyrtare të Medresesë si Institucion Arsimor i KMSH dhe është krejtësisht i kundërt me atë çfarë ofron e synon shkolla jonë në procesin edukativ.
Medrejesa është Institucion i shërbimit arsimor parauniversitar dhe vepron në bazë të legjislacionit shqiptar dhe filozofisë së KMSH. Me këtë video-regjistrim dhe përmbajtjene  tij jemi njohur mbrëmjen e së mërkurës në datë 18 Janar, 2017.

Ne si staf drejtues dhe ai pedagogjik jemi distancuar menjëherë, qartë dhe unanimisht nga opinioni dhe mendimet e mësueses në fjalë, mendime këto të transmetuara në video-regjistrim.

Theksojmë se kjo mësuese në periudhën që ka punuar në Medrese ka qenë më kohë të pjesshme dhe se ë këtë vit shkolloj nuk është pjesë e stafit pedagogjik të shkollës”.

medreseja shkoder deklerata

(d.b/Shqiptarja.com)