Protesta e 8 janarit/ Jupi: Më fluturuan xhama e gurë para fytyrës! Pezullimi i mbështetëse të Berishës, kohë për të reflektuar! Bumçi: S'kishte dhunë! Tërhiqemi përkohësisht nga marrja e selisë

TIRANË- Në një debat të ashpër në 'Studio Live' në Report Tv, anëtarja e Kryesisë, Taulanta Jupi dhe ish-deputeti Aldo Bumçi ndajnë mendime të ndryshme sa i përket protestës së 8 janarit.

Jupi e cila ishte në mbledhjen që po zhvillohej në kat të dytë, ishte dhunë, duke thënë se po përjetonte momente stresi dhe ankthi pasi po i 'fluturonin' xhama e gurë përpara syve të saj.

"Mbaj mend që kemi qenë në mbledhje që ka filluar rreth orës 09:00, kam shkuar 10 minuta para, pastaj filloi me një mbledhje të kryetarëve të degës dhe anëtarëve, ka ishte planifikuar një ditë e shtunë dinamike, ka qenë një moment dramatik kur në mbledhje më fluturuan para fytyrën, xhama, gur, kur gjithë paneli pati një thyerje të me njëhershme, kishte një ankth për atë që zhvillohej brenda dhe atë pjesë të demokratëve që e veçoj për prezencën e tyre, jo të gjithë demokratët kanë qenë pjesë e foltores dhe në protestë, nuk i quaj agresor, kanë qenë alibia dhe nevoja për t'i pasur Berisha si mbulesë, për të fshehur fytyrën e vërtetesë të ashtuquajturës protestë. Në protestë paqësore nuk marr pllaka trotuaresh, nuk marr varre", tha Jupi.

LEXO EDHE:
PD: Balluku shfaqje nëpër fasoneri, euro në pikiatë

Nuk ka qenë i këtij mendimi, Aldo Bumçi, i cili me një ton të ashpër në lidhjen 'Skype' përballë gazetarëve Migena Sotiri dhe Arbër Hitaj tha se në 8 janar nuk kishte dhunë! Ai ka bërë me dije edhe veprimet që do të ndjekin në vijim mbështetësit e Berishës, mes të cilave do të jenë protestat e fuqishme. Marrja e selisë do të lihet në një moment të dytë. 

"Nuk ka dhunë, ka 12 pacientë të plagosur, ka qendra që kanë asfiksuar me gaz, nuk ka asnjë brenda selisë të plagosur apo policë. Ne vendosëm një datë dhe e njoftuam, nuk shkuam se kishte mbledhje, ne caktuam një datë këto caktuan mbledhje, kush iu tha të kyçin derën, nuk ka PD të blinduar, ndaj kujt blindohen, kjo ka ndodhur se Basha nuk do të votëbesohet, është gati të bëjë gjithçka, kishte njerëz të dënuar për vrasje, brenda në seli, kjo është dhuna, ne nuk kishim gaz, janë pamje filmike brenda PD që kanë të njëjta gaz si policia, janë parë me hunj dhe më pas thirri policinë dhe ia suli policinë demokratëve. Basha është një peng i Edi Ramës, një hiç, politik dhe moral. Ne kemi 2-3 veprime për të bërë, do të bëjmë opozitë kundër Edi Ramën, do vijojmë me zgjedhjet në të gjitha nivelet kudo, do protestojmë fuqishëm. Selia mbrohet me polici, dhe selinë do e marrim në një moment, kjo është e përkohshme, sot Rama ka kapur Bashën, po jo opozitën", tha Bumçi.

Kryesia e Partisë Demokratike sot mori vendimin për përjashtimin e 8 anëtarëve dhe pezullimin e 19 të tjerë. Ky pezullim, për Jupin është një kohë që iu është lënë demokratëve për të reflektuar për dhunën e 8 janarit. Mirëpo, Bumçi, pjesë e listës së të pezulluarve, thotë se nuk e njeh këtë vendim.

"Dua t'i kërkoj ndjesë, në DP nuk jam thjesht një anëtare, do kisha shpresuar që nga zëra si Zoti Bumci ta kishin dënuar dhunën, kjo nuk ndodh dhe ky diferencimi që ne i kemi thënë si afat për të reflektuar, për të dënuar dhunën dhe për t'u distancuar nga dhuna. Nuk besoj se dhuna është i vetmi mjet për të legjitimuar atë që ata kanë nisur", u shpreh Jupin.

"Nuk ekziston Kryesia e PD, nuk ka një Kryesi, Kuvendi i 11 dhjetorit, 4446 delegatë që janë kryetarë të PD në të gjitha nivelet u mblodhën dhe kanë pezulluar të gjitha strukturat, kanë krijuar një Komisionit rithemelimi dhe hapjen e zgjedhjeve, ku do të zgjidhet dhe Këshillit dhe kryesia e re, Kuvendi është organi më i lartë i një partisë, dhe votimin në stadium për shkrirjen e institucioneve dhe ky është vendimi më i lartë politiko ligjor që ka prodhuar ky vendi, gjithçka tjetër është vendimmarrje e pavlerë e njerëzve që ka mbledhur Basha", deklaroi Bumçi në Report Tv.  

Rendit zhvillimet sipas orarit:

Të Fundit Të Parat

B.K./Shqiptarja.com

TAG:
• studio live
• 8 janari i berishes
• perplasja berisha basha
• Lufta brenda PD
• taulanta jupi
• aldo bumci
• PD