Sekretarja për Barazinë Gjinore dhe Çështjet Sociale në Partinë e Lirisë, Brunilda Paskali, në një deklaratë për mediat ka bërë me dije se PL mbështet kërkesat e pedagogëve, një pjesë e të cilëve kanë dalë në protestë.
Paskali thotë se ata kërkojnë një arsim cilësor, mbështetje të kërkimit shkencor dhe rritjen e pagave të tyre.
“Këto kërkesa të drejta e legjitime, që qeveria i refuzon me arrogancë, provohen katërcipërisht edhe nga Indeksi global i inovacionit 2022, ku Shqipëria renditet e fundit nga vendet e rajonit dhe Europës. Fatkeqësisht, sipas këtij Indeksi Shqipëria: ka mungesë serioze në burimet njerëzore, dhe kjo situatë sa vjen e përkeqësohet me shpopullimin, largimin e vazhdueshëm të të rinjve dhe të elitave intelektuale e profesoratit të vendit; Ka një performancë shumë të ulët në kërkimin shkencor dhe kjo vjen si rezultat i financimit nën 0.1% të Prodhimit të Brendshëm Bruto të tij, shpërndarjes së fondeve të kërkimit shkencor nga një agjenci e varur plotësisht nga qeveria dhe nga mungesa e transparencës, duke shkurajuar kështu profesionistët e vërtetë për të aplikuar për projekte. Dhe po ashtu ka rezultate të ulta në njohuri dhe teknologji, jo vetëm për shkak të gjendjes së mjerueshme në investime në mjediset e punës, ato laboratorike, biblioteka e kampuset universitare, por edhe për shkak të mungesës së lidhjes së programeve të studimit me tregun e punës. Ka mungesë të një bashkëpunimi të ngushtë midis universiteteve, biznesit dhe mbështetje e financim për kërkimin shkencor nga qeveria, gjë që do të sillte nxitjen e zhvillimit ekonomik, social dhe të inovacionit”, tha Paskali.
Sipas saj Partia e Lirisë angazhohet që me ardhjen në pushtet, kërkesat e pedagogëve do të jenë një nga vendimet e para, si për rritjen e financimit të kërkimit shkencor ashtu edhe të pagave të tyre, e të stafit ndihmës akademik dhe administrativ.
“Qëllimi ynë i madh do të jetë mbështetja për familjet shqiptare që investojnë në edukimin e fëmijëve të tyre, ndalimi i shpopullimit dhe largimit të të rinjve dhe intelektualëve të këtij vendi, kjo përmes rritjes së cilësisë së arsimit në vend, mbështetjes financiare për inovacion dhe kërkim shkencor dhe ofrimit të mundësive konkrete të biznesit për të rinjtë tanë”, përfundon deklaratën Sekretarja për Barazinë Gjinore dhe Çështjet Sociale në Partinë e Lirisë, Brunilda Paskali.
Komente
Lajme të tjera
-
Viti i ri shkollor, denoncimi i PD: U mbyllën 295 shkolla 9-vjeçare brenda 9 vitesh
31 Gusht, 16:14 -
2025-a më shumë buxhet për rrugë, aeroporte, ushtrinë! Bujqësia rritje minimale
20 Gusht, 15:47
-
“Nxënësit shqiptar të fundit në botë për mendimin krijues”, Karabina: Qeveria e përdor arsimin për propagandë
22 Qershor, 13:20 -
Partia e Lirisë: Edhe drafti i dytë po i merr peng studentët e mjekësisë
14 Maj, 11:34 -
Arsimi, në tkurrje të shpejtë, numri i nxënësve dhe studentëve ra me 3.7% në vitin akademik 2023-2024
4 Maj, 08:55 -
Siguria në shkolla/ Eksperti: Si mundet që thika zëvendëson librin? Të ftuarit në ‘Përballje’: Edukimi i fëmijëve të nisë që në moshë të hershme
12 Prill, 15:00 -
Shkollave u mungojnë mësuesit! Partia e Lirisë: Arsimi në emergjencë kombëtare
12 Mars, 12:41 -
Rama: Paga mesatare e mësuesve do të shkojë në 950 euro! Reformojmë sistemin, do paguhen sipas meritës
30 Janar, 11:44 -
Kërkesat e tregut të punës për kualifikim në pasuritë e paluajtshme, institucioni arsimor 2 vjeçar do të hapet në Lezhë brenda këtij viti
7 Janar, 17:10
-
PD për taksën e arsimin: Nga 17 ndërtuan 9 institucione arsimore! Skema PPP për shkollat e reja në Tiranë ka dështuar
11 Tetor 2023, 13:18 -
Universiteti i Tiranës në fund të rankimit ndërkombëtar, renditet i 667-i! Fakultetet më të mira në Rajon klasifikohen 3 në Serbi
29 Shtator 2023, 17:44
-
Gjermanët gjithnjë e më të pakënaqur me sistemin arsimor
1 Shtator 2023, 12:17
Tju jepen te gjitha te drejtat qe ju takojn se arsimimi eshte e ardhjma e vendit por tju kontrrollohen dhe pasurit se ka pedagoge qe kane shitur notat ose kembime per gjera te tjera me studentet.
Përgjigju