Një grup i vogël studentësh nga Fakulteti i Shkencave të Natyrës, Inxhinierisë së Ndërtimit dhe Fakultetit të Arkitekturës dhe Urbanistikës, Historisë dhe Filologjisë, Mjekësisë dhe Shkencave Sociale vijojnë të bojkotojnë mësimin në shenjë proteste duke sfiduar temperaturat e ulëta. Tek fakulteti i Inxhinierisë së Ndërtimit i ftohti ndihet më shumë, për shkak të ndërprerjes së energjisë elektrike, por pavarësisht kësaj, ata shihen të palëkundur në qëndrimin e tyre.
Paralelisht më to, protestojnë edhe një grup studentësh nga Shkodra dhe Elbasani. Studentët e Universitetit "Luigj Gurakuqi" në Shkodër i kanë dërguar këtë të hënë Rektoratit një projekt-kërkesë me dy pika të reja, që konsistojnë në zhvillimin e zgjedhjeve të reja në Këshillin Studentor dhe në kalimin e studentëve të vitit të dytë në atë të tretë me 25 kredite, jo 30.
Pas kalimit të natës të së shtunës në fakultetin e Ekonomikut të një grupi studentësh me batanije, studentët deklaruan mbrëmjen e së dielës, nga ambientet e këtij fakulteti, se protesta e studentëve me bojkotim mësimi dhe ngujim brenda ambienteve të fakulteteve do të vijojë. (Lexo këtu)
Përmes thirrjeve “bojkotoni mësimin, bojkotoni mësimin” dhe “studentët e bashkuar kanë për të fituar”, studentët vijojnë të këmbëngulin se qeveria nuk i ka përmbushur plotësisht kërkesat e parashtruara.
Këta studentë kanë nisur të bojkotojnë mësimin që prej datës 7 janar. Ndonëse kryeministri Edi Rama deklaroi ditën e djeshme se nga sot nëpër sekretariatet e fakulteteve do të ketë dy përfaqësues nga Ministria e Arsimit dhe Ministria e Financave që do të sqarojnë për pagesën e tarifave studentët (Lexo këtu), këta të fundit duket se nuk do të zmbrapsen.
Në fund të vitit 2018, studentët protestuan për 17 ditë me radhë për 8 kërkesa, të cilat qeveria i plotësoi përmes Paktit për Universitetin (Lexo këtu) Ndër këto kërkesa përmendej ulja e tarifës së studimeve, kushtet më të mira në universitete dhe konvikte, etj.
Në një deklaratë prej gjashtë pikash, Senati i UT thekson se do garantohet plotësimi i programit mësimor për vitin akademik 2018-2019, shtyrjen e afatit të pagesës së tarifave dhe shtyrjen e procedurave të marrjes së dokumentacionit për përfitim burse. Kryeministri Rama përshëndet deklaratën dhe kërkon nisjen sa më parë të procesit mësimor (Lexo të plotë).
Grupi i studentëve protestuesë vazhdon të krijojë probleme brenda Universitetit të Tiranës. Me megafonë në duar ata kanë hyrë në disa nga sallat e Universitetit për të penguar mësimin dhe për të mos lejuar që të zhvillohen orët e leksioneve. Për më shumë ndiqni videon:
Dekanati i Fakultetit të Historisë dhe Filologjisë rikonfirmon përmes një deklarate mbështetjen ndaj protestës së studentëve dhe dënon ndërhyrjen e organeve të rendit në mjediset universitare, si edhe dhunimin e studentëve ndaj prej tyre.
Përmes dekanit Sabri Laçi, dekanati i Fakultetit të Historisë dhe Filologjisë ka shtruar kërkesën edhe për ndalimin e fushatës denigruese dhe të përbaltjes masive të trupës akademike universitare nga aktorë politikë dhe qeveritarë, e për ngritjen e një strukture me pjesëmarrjen e të gjithë aktorëve për trajnimin dhe adresimin e problematikave që kalojnë institucionet e arsimit të lartë. (Lexo këtu )
Deklarata e Dekanatit të Fakultetit të Historisë dhe Filologjisë, me përfaqësinë e Sabri Laçit
Studentët protestues të Universitetit të Shkodrës "Luigj Gurakuqi" kanë dorëzuar sot në mënyrë zyrtare dy kërkesa të reja në Rektorat dhe pritet që në mbledhjen e parë të senatit të universitetit këto kërkesa të futen në rend dite.
Kërkesa e tyre e parë konsiston në zhvillimin e zgjedhjeve të reja për Këshillin Studentor, me pretendimin se aktuali nuk i përfaqëson ata. Ndërsa kërkesa e dytë e tyre, që vjen për arsye ekonomike, është që studentët e vitit të dytë të kalojnë në vitin e tretë me 25 pikë kredite dhe jo 30 pikë kreditesh.
Ndërkohë, studentët janë shprehur se bojkoti i mësimit do të vijojë deri në plotësimin e kërkesave të tyre.
.jpg)
.jpg)
Projekt-kërkesa e studentëve të Universitetit "Luigj Gurakuqi" në Shkodër, drejtuar Rektoratit
Studentët e Fakultetit të Inxhinierisë së Ndërtimit po bojkotojnë mësimin në shenjë proteste pa drita. Ata akuzojnë qeverinë edhe për ndërprerjen e energjisë elektrike, duke e cilësuar si një përpjekje për të ndalur rezistencën studentore. E megjithatë, ky grup studentësh i "Inxhinierisë" vijojnë të shprehen se "studentët e bashkuar kanë për të fituar", duke lënë të kuptohet se nuk kanë ndërmend të heqin dorë nga qëndrimi i tyre deri në plotësimin e kërkesave të parashtruara.
Studentët e Fakultetit të "Inxhinierisë së Ndërtimit" duke bojkotuar mësimin, teksa u kanë ikur dritat
Një grup studentësh të Universitetit "Aleksandër Xhuvani" në Elbasan, vazhdojnë bojkotin mësimor në shenjë proteste. Të vendosur në hyrje të universitetit e të unifikuar, ky grup studentësh shihet në video se mban në duar një banderolë gjigante me parullën: "Ngrihu popull se po na shtypin".
Lajme të tjera
-
Protesta e studentëve për rikthimin në auditore, ISHP: Rrezikojnë infektim me COVID (VIDEO)
3 Nëntor 2020, 17:16
-
Covid/ Studentët protesta në Athinë, bomba molotov dhe përplasje në rrugë
1 Tetor 2020, 15:09 -
Rama: Shumë shpejt do të çelet gara për kampusin e ri Universitar te Qytet Studenti
1 Korrik 2020, 13:31 -
Protesta e maturantëve, pedagogia Skënderi: Testi s’duhej të ishte vetëm me alternativa! Plot me gabime drejtshkrimore e pjesë të përkthyera
13 Qershor 2020, 20:47
