Protesta të dhunshme në Sri Lanka,7 të vdekur! Protestuesit i vënë flakën shtëpive të disa zyrtarëve

Turmat e shumë protestuesve të zemëruar në Sri Lanka kanë djegur disa shtëpi që i përkisnin zyrtarëve në pushtet dhe deputetëve, pas dorëheqjes së Kryeministrit të vendit ditën e djeshme. Kryeministri dha dorëheqjen në valën e protestave masive kundrejt tij lidhur me trajtimin e krizës ekonomike nga qeveria e tij.

Dorëheqja e tij nuk arriti të qetësonte demonstruesit, të cilët u përpoqën të sulmonin rezidencën e tij zyrtare ndërsa ai ishte ende brenda. Shtatë persona kanë vdekur dhe më shumë se 190 janë plagosur që nga e hëna.

Shtetrrethimi në të gjithë vendin është zgjatur deri në mëngjesin e së mërkurës, ndërkohë që vazhdojnë thirrjet që presidenti Gotabaya Rajapaksa, vëllai i tij Mahinda që është Ministër i Financave të dorëhiqen, kërkesë kjo që vjen pas rritjes së çmimeve

Demonstruesit sulmuan mbështetësit e qeverisë, duke iu drejtuar gjithashtu dhe deputetëve të partisë në pushtet.

Protesta vazhdoi dhe gjatë natës  ku turmat e protestuesve në të gjithë vendin dogjën shtëpitë që i përkisnin Rajapaksas, ministrave dhe deputetëve të ndryshëm.

S.C/Shqiptarja.com

TAG:
• sri lanka
• protesta te dhunshme