Ushtruesi i detyrës së presidentit të Sri Lankës, Ranil Wickremesinghe, në orët e vona të së dielës urdhëroi shpalljen e gjendjes së jashtëzakonshme, në përpjekje për të parandaluar trazira para votimit të Parlamentit gjatë kësaj jave për zgjedhjen e presidentit të ri. Udhëheqësit e Shri Lankës kanë vendosur disa herë gjendjen e jashtëzakonshme që prej muajit prill kur nisën protestat kundër Qeverisë për shkak të krizës ekonomike dhe mungesës së furnizimeve thelbësore.
“Është e përshtatshme pra që të bëhet në interes të sigurisë publike, mbrojtjes së rendit publik dhe mirëmbajtjes së furnizimeve dhe shërbimeve thelbësore për jetën e komunitetit”, u tha në njoftim.
Wickremesinghe njoftoi për gjendjen e jashtëzakonshme javën e kaluar, pasi presidenti Gotabaya Rajapaksa u largua nga shteti për shkak të protestave kundër Qeverisë së tij, por gjendja e jashtëzakonshme nuk ishte shpallur zyrtarisht.
Rregulloret e mëparshme të gjendjes së jashtëzakonshme janë përdorur për të vendosur ushtrinë në rrugë për të arrestuar njerëzit, për të kontrolluar pronat private dhe për të shtypur protestat. Në kryeqytetin e Sri Lankës, Kolombo, të hënën situata ishte e qetë, pas javësh me protesta masive.
Presidenti Rajapaksa u largua javën e kaluar për në Maldive e më pas në Singapor, pasi qindra-mijëra protestues anti-qeveritar dolën në rrugët e Kolombos dhe uzurpuan zyrat e zyrtarëve qeveritarë.
Kryeministri i Shri Lankës Mahinda Rajapaksa dhe presidenti Gotabaya Rajapaksa gjatë ceremonisë së betimit në Colombo, Sri Lanka, 9 gusht 2020.
Të premten, Parlamenti pranoi dorëheqjen e Rajapaksas dhe pritet që këtë javë të mblidhet për të zgjedhur presidentin e ri. Votimi për presidentin pritet të mbahet të mërkurën, më 20 korrik.
Wickremesinghe, që ka qenë gjashtë herë kryeministër dhe konsiderohet aleat i Rajapaksas, është një nga pretendentët kryesorë për postin e presidentit, por protestuesit kanë thënë se nuk duan që ai të zgjidhet president, duke paralajmëruar protesta dhe trazira nëse ai zgjidhet./ REL
Lajme të tjera
-
Mbi 1000 të burgosur në Sri Lanka do të lirohen për Krishtlindje
25 Dhjetor 2023, 10:00 -
VIDEO/ Tmerrohen lojtarët dhe tifozët, gjarpri 'pushton' fushën gjatë ndeshjes
1 Gusht 2023, 14:56 -
Vrau 16 vjeçaren në Itali dhe trupin e pajetë e la pranë një koshi mbeturinash, arrestohet adoleshenti nga Sri Lanka
29 Qershor 2023, 10:37 -
FOTOLAJM/ Rekord guinnes në Sri Lanka, pacientit i hiqet guri 13.4 cm nga veshkat
15 Qershor 2023, 15:41 -
Arratisja e presidentit pas protestave, Sri Lanka zgjedh kryeministrin si kreun e ri të shtetit
20 Korrik 2022, 11:05 -
Frrok Çupi: Pse po eksitohen të djegin selitë e presidentit, e qeverisë dhe vilat e tyre të kushtueshme, si në Sri Lanka
14 Korrik 2022, 20:20
-
Kur mat hijen e muzgut me protestat e Sri Lankës
14 Korrik 2022, 11:53
-
Kryeministri i Sri Lankës: Ushtria të bëjë gjithçka që është e nevojshme për të rivendosur rendin
14 Korrik 2022, 09:17 -
Ja situata reale në Sri Lanka që sipas Berishës është identike si '2 pika uji' me Shqipërinë
13 Korrik 2022, 11:20
-
Pas protestave masive, presidenti arratiset nga Sri Lanka me avion ushtarak! Së bashku me gruan qëndron në Maldive
13 Korrik 2022, 07:40 -
Berisha krahason Shqipërinë me Sri Lankën: Si dy pika uji! Por ja si gënjen prapë
12 Korrik 2022, 19:08 -
Berisha bën fajtor Veliajn për krizën në Sri Lanka dhe vdekjet aksidentale në Durrës
11 Korrik 2022, 20:27
