Klajdi Bello, një nga protestuesit e dhjetorit 2018 i është përgjigjur ashpër thirrjeve të ish- kryeministrit Sali Berisha për përplasje civile. Bello, i cili spikati në protestë për shkak të daljeve të tij me helmetë në kokë, është shprehur se thirrjet për destabilitet nuk kanë më vend ditët e sotme, e ndërsa tha se është momenti për të gjetur gjuhën e përbashkët dhe jo për të djegur Shqipërinë për pushtet.
"Ish- kryeministri Sali Berisha deklaroi në një intervistë televizive se: “Po shkojmë drejtë një përplasjeje civile”! Kjo nuk është deklarata e parë e cila bëhet nga ish kryeministri, ku në nëntor të vitit të kaluar bëri thirrje nga parlamenti që të rrëmbenim armët. Unë jam kundër qeverisë aktuale, por gjithëashtu jam kundër thirrjeve për dhunë dhe sidomos togfjalëshit: “Përplasje civile”.
Kundër kujt do luftojmë? Kundër njëri tjetrit, veri-jug? Doni të krijoni urrejtje krahinore, ose më mirë doni ta ushqeni këtë ndjenjë?
Vëllezër e motra, mos bini pre e provokimeve, të majtë e të djathtë, hiqini perdet e partive për një moment dhe analizojeni situatën me qetësi por si atdhetarë në fillim dhe jo militant. Ata që thonë në fillim partia pastaj Shqipëria, janë ata të cilët për hir të pushetit vrasin e presin. Luftën civile e kemi përjetuar njëherë, ku me qindra nëna janë veshur me të zeza. Thirrje për destabilitet nuk kanë vend më! Uluni dhe gjeni gjuhën e përbashkët dhe jo të digjni ende Shqipërinë për pushtet", shkruan Bello.
Komente
Lajme të tjera
-
Ylli Pata: Misteri i shfryrjes së 'Mosbindjes Civile'
7 Nëntor, 18:03
-
Alban Daci: 'Loja e pushtetit' dhe 3 arsye pse dështoi 'mosbindja civile'!
5 Nëntor, 20:54
-
FAKTET/ Ëndrra e Sali Berishës për mosbindje civile, 8 vite ‘në sirtar’! Që nga dhjetori 2015 premton çdo muaj të përmbysë qeverinë me 'revolucion'
17 Dhjetor 2023, 15:54 -
Protestë në kohë pandemie/ Gjobiten për herë të parë me 500 mijë lekë organizatorët! E pëson Sazan Guri dhe 2 të tjerë! Në hetim dhe 4 protestues
8 Maj 2020, 08:15
Sali bajga kerkon gjaak se vampir eshte .
Përgjigju