Ndërkohë që protesta e 54-të radhazi kundër tij po zhvillohej para Kryeministrisë, Edi Rama ndodhej në zyrë në katin e dytë të godinës duke shkruar fjalimin që do të mbajë nesër në mbledhjen e zgjeruar të Grupit Parlamentar dhe Kabinetit Qeveritar.

Këtë e ka bërë vetë me dije kryeministri përmes një videoje në rrjetet sociale, në sfond të së cilës dëgjohet shumë qartë thirrja "Rama jepe dorëheqjen", që protestuesit e mbledhur në bulevardin :Dëshmorët e Kombit" thërrisnin në kor.

Shefi i ekzekutivit ironizon protestuesit duke thënë se e ekzalton thirrja për dorëheqjen e tij, ndërsa fton qytetarët që të ndjekin fjalimin ditën e nesërme.

“Përshëndetje, nuk e di a dëgjoni. Kjo është kënga ime e preferuar. Jam duke shkruar fjalën për nesër në mbledhjen e grupit parlamentar dhe të qeverisë dhe desha të ndaj me ju këtë moment, sepse ky kor Rama jepe dorëheqjen më “ekzalton”. Shihemi nesër paradite, nuk e di orën e saktë, mbledhja fillon në 09; 30, por do ishte kënaqësi të ndaja me ju të gjithë reflektimin tim mbi pasqyrën e bulevardit të flamingove, ai që ishte se ky që ka mbet është i sorrave dhe i korbave”, shprehet Rama.

Mbledhja e kreut të qeverisë me ministrat dhe deputetët e PS do të zhvillohet në orën 9:30 në Pallatin e Brigadave.

Kjo mbledhje përkon me fundin e sesionit parlamentar, ku kryetari i Kuvendit Niko Peleshi do të bëjë bilancin e punës për drejtimin e Kuvendit, ndërsa kreu i grupit socialist Taulant Balla do të raportojë mbi aktivizimin e deputëtëve në parlament dhe komisione.

Takimi pritet të përmbyllet me fjalën e kryeministrit Rama, ndërsa prej ditësh përflitet edhe mundësia për ndryshimeve në qeveri.

K.M/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Korrik, 07:09

    Territorialja, si e vlerësoni propozimin e PS për më pak bashki dhe ndarje në rajone?

Lajme të tjera