POP 5

Lajmet më të lexuara të 5 minutave të fundit

Bota

Provat e CIA-s për vdekjen e gazetarit Khashoggi, senatorët amerikanë: Princi saudit fajtor për vrasjen

Vrasja e gazetarit saudit Jamal Khashogi ka një fajtor dhe ai është prinici i kurorës së Arabisë Saudite. Kanë qenë në unison me deklaratat e tyre senatorët amerikanë pas një seance dëgjimore që kanë zhvilluar me drejtuesen e CIA-s. Akuzat ndaj Muhamed bin Salman ishin shumë të forta, e ndërsa janë shprehur shumë të bindur përfaqësuesit më të lartë të senatit amerikan në përfshirjen e princit në këtë ngjarje. Nga ana e saj, Turqia ka kërkuar arrestimin e dy aleatëve të Princit të Kurorës.

Princi i kurorës së Arabisë Saudite ka rol në vrasjen e gazetarit Jamal Kashogi. Kështu janë shprehur senatorët amerikanë pas një seance private informative nga CIA. Pjesëtarë të Komitetit të Marrëdhënieve të jashtme në Senat nuk u rezervuan aspak pas seancës informuese me drejtoren e CIA-s, Gina Haspel.

Senatori Lindsey Graham u deklarua i bindur se Mohammed bin Salman ishte bashkëfajtor në vrasjen e Khashoggit. Republikani nga Karolina e Jugut e përshkroi princin saudit si një “shkatërrimtar”, “të çmendur” dhe “të rrezikshëm”. Senatori tha se nuk mund ta mbështesë më përfshirjen e Arabisë Saudite në luftën e Jemenit, apo shitjen e armëve te qeveria saudite, për sa kohë që princi i kurorës mbetet në pushtet.

Pikëpamjen e tij e ndau edhe senatori demokrat i Nju Xhersit, Bob Menendez. Sipas tij “Shtetet e Bashkuara duhet të japin një mesazh të qartë dhe të paekuivok se, të tilla veprime janë të papranueshme në arenën botërore”. Ndërsa senatori tjetër Bob Corker tha se “Nuk kam as më të voglin dyshim në mendjen time se princi i kurorës MBS urdhëroi vrasjen, duke e përmendur vetëm me iniciale princin. Nëse ai do të mund të dilte përpara një jurie amerikane, ai do të shpallej fajtor brenda 30 minutash. FAJTOR!” u shprej republikani, nga Tennessee.

Corker sugjeroi madje se presidenti Donald Trump e kishte miratuar vrasjen e gazetarit, me refuzimin e tij për të dënuar princin saudit të kurorës. Në Arabi, ndërkohë, janë akuzuar 11 persona si të dyshuar apo të përfshirë në vrasjen, por mohojnë me këmbëngulje që princi i kurorës të ketë qenë i përfshirë. Ndërkohë edhe Turqia po kërkon arrestimin e dy aleatëve të Princit të Kurorës, Mohammed bin Salman për vrasjen e Jamal Khashoggit. Prokurorët shprehen se ekziston një ‘dyshim i fortë’ se shefi i këshilltarit të gjykatës mbretërore Saud al-Qahtani dhe nënkryetari i inteligjencës Ahmed al-Asiri ishin ndër planifikuesit e vrasjes së 2 tetorit në konsullatën saudite në Stamboll. “Veprimi i prokurorisë për të lëshuar urdhër-arrest për Asirin dhe Qahtanin pasqyron pikëpamjen se autoritetet saudite nuk do të ndërmarrin veprime zyrtare kundër atyre individëve. 59-vjeçari, Khashoggi u vra pas një vizite në konsulatën saudite në Stamboll më 2 tetor.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça