Gjatë paradites së sotme 34 mijë maturantë iu nënshtruan provimit të dytë të Maturës Shtetërore, ku u testuan për Gjuhën shqipe dhe Letërsinë.
Provimi zgjati për 2 orë e gjysmë, pasi testimi nisi në orën 10:00 dhe përfundoi në 12:30.
Në total në të gjithë vendin provimi u zhvillua në 208 qendra, ndërsa Tirana ka 38 qendra, për 8300 nxënës.
Edhe këtë vit maturantët zbatuan rregullat anti-COVID, kjo për shkak të situatës pandemike në të cilën ndodhemi. Në një klase kishte 10-15 maturantë.
Në kuadër të masave anti-COVID, nëse një prej maturantëve rezultonte pozitiv me COVID-19, nuk mund ta bënte provimin ditën e sotme, por i jepej mundësia ta zhvillonte në sezonin e vjeshtës.
Në mënyrë kategorike ishte i ndaluar përdorimi i telefonit gjatë zhvillimit të provimit dhe nëse identifikohej e kundërta maturanti duhet të mbante përgjegjësinë e veprimeve të veta.
Ky rregull duket se nuk u zbatua kudo, pasi vetëm disa minuta pas fillimit të provimit të maturës shtetërore, në internet kanë qarkulluar foto nga tezat e Gjuhës Shqipe dhe Letërsisë.
Ky lajm i cili solli edhe reagime të shumta revolte, është konfirmuar menjëherë nga disa prej maturantëve, të cilat pas përfundimit të provimit, thanë se teza e cili zhvilluan ishte i njëjtë më atë që doli në rrjetet sociale.
Një denoncim të ashpër lidhur me këtë fenomen dhe konkretisht këtë rast, ka bërë edhe eksperti i Arsimit pranë PD, Ndriçim Mehmet, i cili ka ironizuar Ministrinë e Arsimit, duke thënë se kjo është pasojë e çorganizimit me sukses.
Testi në total kishte 60 pikë dhe pragu i kalueshmërisë është 25% (15 pikë).
Më 11 qershor maturantët do të zhvillojnë provimin e Matematikës, ndërsa më 15 qershor atë të lëndës me zgjedhje.
Provimi i Gjuhës shqipe dhe Letërsisë tashmë ka përfunduar.
Disa minuta pas fillimit të tij rreth orës 10:12 në internet, me shpejtësi, kanë qarkulluar tezat e provimit të maturës shtetërore
Në pritje të një konfirmimi, pas përfundimit të testimit që zgjati 2 orë e gjysmë, disa prej maturantëve për Report.Tv thanë se fotot e provimit, i cili qarkulloi në rrjetet sociale ishte i njëjti me atë të cilin ata zhvilluan.
“Po”, konfirmon një maturante.
Megjithatë ka pasur edhe nga ata të cilët e mohuan këtë fakt, duke thënë se tezat ishin krejtësisht ndryshe.
“Jo nuk ishin këto fare, nuk kishin asnjë lidhje, ishin teza krejtësisht ndryshe”, shprehet një tjetër maturante.
Nëse kjo është e vërtet, një gjë e tillë konsiderohet shkelje flagrante e rregullores së Maturës Shtetërore, dhe nëse zbulohet personi përgjegjës, mund të ndiqet penalisht.
Ende nuk ka pasur asnjë reagim nga Ministria e Arsimit.
Teksa maturantët janë ende duke zhvilluar provimin e gjuhës shqipe dhe letërsisë, eksperti i Arsimit pranë PD, Ndriçim Mehmet ka denoncuar, se testi ka qarkulluar nëpër rrjete sociale.
Përmes një postimi në rrjetin e tij social Facebook, Mehmeti shkruan se në orën 10:00, momenti kur maturantët zunë vend nëpër klasat për të zhvilluar provimin, testi “ka marrë rrugët nga shkollat në tryezat e kafeneve për zgjidhje dhe dorëzim përgjigjesh në kohën e duhur”.
Me tone ironike, Mehmeti shkruan se kjo situatë është pasojë e çorganizimit me sukses nga Ministria e Arsimit.
“Suksese ne jete zysh Kushi”, shkuan ai në fund.
Postimin e tij, eksperti i Arsimit pranë PD, e ka shoqëruar edhe me foto të provimit të plot, që sipas tij kanë qarkulluar menjëherë në internet.
Lajme të tjera
-
23 maturantë nga trojet shqiptare provim për ‘Mjekësinë’, do paguajnë tarifën aktuale! Përjashtohen nga detyrimi të punojnë 5 vite në Shqipëri
18 Shtator 2023, 16:41
-
43% e maturantëve zgjedhin ‘Ekonomikun’, 15700 aplikime në pesë degë studimi! Këtë vit, regjistrimet në universitet vetëm në dy faza
28 Gusht 2023, 17:31 -
Shtohet interesi i maturantëve për Universitetin Bujqësor, zv. Rektori: Mbi 2 mijë aplikantë zgjodhën UBT-në! Për degët prioritare hiqet tarifa, jepet paga stimuluese
8 Gusht 2023, 15:30
-
Hapen aplikimet për universitet, maturantët mund të aplikojnë për 10 programe studimi në UAlbania, vetëm 2 raunde regjistrimi
29 Korrik 2023, 08:24 -
Hapen aplikimet për maturantët që do të nisin studimet e larta në Shqipëri, portali UAlbania do të jetë i hapur nga 29 korriku deri më 3 gusht
28 Korrik 2023, 12:06 -
Afro 11 mijë maturantë duan të studiojnë jashtë Shqipërisë! Pedagogu: Duhet reformë për pagat dhe kontrata punësimi
12 Korrik 2023, 15:19
-
Gjimnazistët e 'Partizanit' diplomohen në shkollën e re, Veliaj: Premtim i mbajtur, por edhe i merituar, për skuadrën fantastike të ‘partizonsve’
6 Korrik 2023, 15:14 -
Nis procesi i rivlerësimit të provimeve të Maturës! Nxënësit ankimojnë testin, pretendojnë nota të larta! Tek 'Sami Frashëri' kërkohet rikorrigjimi i matematikës
3 Korrik 2023, 16:51
-
Për herë të parë/ Nesër maturantët mund të kërkojnë kopjen e testit përmes e-Albania
27 Qershor 2023, 19:22 -
Matura Shtetërore 2023, publikohen notat e provimeve me zgjedhje! Vetëm 153 maturantë marrin notën 10, 746 prej tyre u vlerësuan me 4
26 Qershor 2023, 18:49 -
Matura 2023/ Publikohen notat e provimit të Matematikës, mbi 1500 mbetës! Vetëm 238 maturantë absolut në të gjithë vendin
23 Qershor 2023, 15:03 -
Matura 2023, mbi 30 mijë maturantë i nënshtrohen sot testit të Lëndës me Zgjedhje! Pak minuta pas nisjes së provimit publikohen tezat e disa provimeve
19 Qershor 2023, 07:44
