TIRANË- Në mungesë të kryetarit Edi Rama, i cili është nisur drejt Turqisë, PS mblodhi sot online Asamblenë Kombëtare, ku u mor vendimi për zhvillimin e analizës së rezultateve në zgjedhjet e përgjithshme të 25 Prillit 2021.
PS doli forcë fituese në zgjedhjet e 25 prillit, e megjithatë kjo parti do të zhvillojë një analizë të detajuar të rezultatit të zgjedhjeve në të gjithë qarqet, që pritet të zgjasë 7 muaj.
Analiza do të kalojë në tre faza përmes një komisioni të posaçëm ndërsa procesi do të nisë në 15 qershor të këtij viti, deri në 15 Janar të 2022 në çdo nivel të partisë.
Në fazën e parë do të zhvillohet një analizë për rezultatet e zgjedhjeve, në periudhën 15 qershor deri më 15 nëntor. Brenda kësaj faze do të zgjidhen edhe bashkë-drejtuesit e rinj të organizatave socialiste.
Faza e dytë do të përqendrohet në analizën për rezultatet e zgjedhjeve në Këshillat Socialiste të Njësive Administrative që do të zhvillohen në periudhën 15 nëntor deri më 15 dhjetor 2021.
Në fazën e tretë do të bëhet një analizë për rezultatet zgjedhore në Asambletë Socialiste të bashkive dhe shkallë qarku, në periudhën 15 dhjetor deri më 15 Janar 2022 dhe zgjedhja e kryetarëve të PS në nivel bashkie.
Ndërkohë, më datë 12 qershor socialistët do të mbajnë kongresin e partisë, në përvjetorin e 30 të Partisë Socialiste. Më herët Edi Rama ka thënë se një arsye pse është vendosur kjo datë ka të bëjë me numrin e viteve të qeverisjes së socialistëve përllogaritur në tre mandate të fituara rresht.
Në një deklaratë të mëparshme Rama tha se në këtë vit 30-vjetori, do jetë një fushatë hapjeje e Partisë Socialiste, hapje e cila sipas tij do të krijojë mundësi gjithëpërfshirëse.
Ndërkohë, Kreu i Grupit Parlamentar të PS-së, Taulant Balla, në fjalën e tij në Asamble u shpreh se në Kongresin e Jashtëzakonshëm do të paraqitet vizioni "Shqipëria" 2030 si dhe angazhimet kryesore të programit qeverisës të PS për mandatin e tretë, duke shtuar se PS do të fillojë fushatën më të madhe të hapjes ndonjëherë.
Përveç analizës së rezultatit të zgjedhjeve të 25 prillit, Asambleja e PS mori sot edhe 5 vendime të tjera, për: Mbajtjen e zgjedhjeve të reja në strukturat vendore të partisë, zhvillimin e fushatës së anëtarësimeve të reja në parti, përfundimin e procesit të ngritjes dhe funksionimit të Regjistrit Digjital të Partisë dhe miratimin e Kalendarit Politiko-Organizativ të Partisë për periudhën Qershor-Dhjetor 2021.
Axhenda e mbledhjes
Pas mbylljes së mbledhjes së Asamblesë së PS, kreu i grupit parlamentar të Partisë Socialiste Taulant Balla deklaroi jashtë selisë rozë se dora e shtrirë për bashkëpunim me PD vijon të qëndorjë, kushdo që të jetë kryetar i PD-së. Në lidhje me deklaratën e Lulzim Bashës ditën e sotme nga Kamza, ku tha se ‘Rama e ka thyer PS në stallë lopësh’, Balla tha se Basha duhet t’i referohet socialistëve për modelin e partisë dhe organizimin e saj.
“Po çfarë të them unë për Lulin. Luli kur i referohet PS-së duhet t’i referohet si model i një partie që ka organizim të pakrahasueshëm dhe të gjithë anëtarët e vet i ka të disponueshëm. Nuk po hyj në debatin e asaj partisë që nuk dihet kush do votojë më 13 qershor. Ne vazhdojmë ta mbajmë dorën e shtrirë dhe dëshirën tonë të pakushtëzuar për t’u ulur me PD-në sapo të fillojë legjislatura e re, me këdo që do jetë kryetar i PD. Maxhoranca ka detyrat e veta, opozita ka detyrat e veta, Duhet të gjejmë gjuhën e përbashkët për të çuar para shumë reforma që kërkojnë një shumicë që ne nuk e kemi. Unë mendoj që është koha e duhur për të lënë mënjëanë pakënaqësitë por të shohim kush është votuar. Ka një shumicë që ka votuar për PS por ka dhe një pakicë që ka votuar për PD dhe ata presin që mandati t’i shërbejë Shqipërisë. Ne do të themi që kur flasim pa kushte, përballë PD-së është një letër e bardhë ku ata mund të propozojnë çështje. Është koha të gjejmë mundësinë që pas 9 shtatorit që në kuvend të vazhdojmë të diskutojmë. Kemi çështje që lidhen me reformën zgjedhore”, tha Balla.
Partia Socialiste ka mbledhur Asamblenë Kombëtare të Partisë Socialiste.
Sekretari organizativ i PS, Arben Pllumbi, ka dhënë informacion mbi të dhënat e anëtarësisë së partisë dhe u shpreh se niveli arsimor i anëtarësisë së partisë ka ardhur në rritje nga viti në vit.
Pëllumbi falenderoi edhe patronazhistët për zgjedhjet e 25 prillit, ku tha se ishin përkrahësit me ndikim në komunitet dhe përballuan një ngarkesë elektorale të madhe, si dhe ishin një nga faktorët kryesorë të fitores së PS.
'Po jap disa të dhëna për anëtarësinë e partisë. PS numëron mbi 112 mijë e 917 anëtarë. Anëtarësia e partisë ka regjistrime vet elektronik i cili është përmirësuar këto dy vite. Nga ky regjistër janë nxjerrë edhe të dhënat që po paraqesim. Në efektivin e partisë 30 mijë e 50 janë shoqe që përbëjnë 27.8% të anëtarësisë, nga 26.7 % që kishim vitin e kaluar, më shumë se në vitin 2019.
Niveli arsimor i anëtarësisë së partisë ka ardhur në rritje nga viti në vit. PS aktualisht ka 34.8% të anëtarësisë me arsim të lartë, nga 31% që kishte në fund të vitit 2019. Qarku i Tiranës ka përqindjen me të lartë, më pas Gjirokastra, Vlora, Durrësi, Elbasani dhe Fieri. Me arsim të mesëm janë 43.6% e anëtarësisë, nga 47% që zinin një vit më parë. Kemi 78.4% të anëtarësisë me arsim të lartë dhe të mesëm, në total.
Në lidhje me anëtarësimet e reja, mbetet si një nga detyrat më kryesore. Në kuadër të fushatës së zgjedhjeve të 25 prillit funksionuan 5042 organizata, numri i tyre është shtuar. Organizata socialiste janë drejtuar nga dy bashkëkryetarë, një shoqe dhe një shokë. Implemetimi i kësaj risie pati vështirësitë e veta por procesi eci dhe deri në kongresin e partisë të 29 shkurtit ishin zgjedhur 2526 shoqe kryetare të OS, më shumë se gjysma. U punua mirë në shumë qarqe.
Patëm edhe disa vështirësi, sidomos edhe nga pandemia, që kërkuan veçori të punës së strukturave. Procesi pati vlerësim maksimal nga anëtarësia jonë. Përkrahësit me më ndikim në komunitete u ngarkuan me detyrën e patronazhistët, të cilët përbën bazën e piramidës së strukturës elektorale të partisë. Partonazhistët përballuan një super ngarkesë elektorale me të patronazhuarit, që ishte një nga faktorët kryesorë të fitores tonë. Veprimtaria e tyre mori vlerësimet maksimale nga kreu i partisë. Patëm edhe disa personalitete që spikatën në përballimin e vështirësive të vitit të kaluar.'- tha Pëllumbi.
Partia Socialiste ka vendosur që të zhvillojë një analizë të procesit të zgjedhjeve të 25 prillit, që do të shërbejë për t'u përgatitur edhe për zgjedhjet lokale.
Në mbledhjen e sotme të Asamblesë së Partisë Socialiste, u miratua vendimi për zhvillimin e analizës së rezultateve në zgjedhjet e përgjithshme të 25 Prillit 2021.
Analiza do të kalojë në tri faza përmes një komisionit të posaçëm, ndërkohë brenda fazës së parë do të zgjidhen edhe bashkë-drejtuesit e rinj të organizatave socialiste. Procesi do të nisë në 15 Qershor 2021 deri në 15 Janar 2022 në çdo nivel të partisë.
VENDIMI
Nr.2, datë, 02.06.2021
Për Zhvillimin e Analizës së Rezultateve në Zgjedhjet e Përgjithshme të 25 Prillit 2021
Në zbatim të Statutit të Partisë, neni 37 “Detyrat e Asamblesë Kombëtare të Partisë”, Asambleja Kombëtare e Partisë,
V E N D O S I:
Në periudhën 15 Qershor 2021 – 15 Janar 2022 në strukturat vendore të partisë (OS, KSNjA, Bashki, Qark) do të zhvillohen analizat për rezultatet në Zgjedhjet e Përgjithshme të 25 Prillit 2021.
Sipas Vendimit përkatës të Asamblesë Kombëtare do të ngrihet dhe funksionojë një Komision i Posacëm i Analizës për Rezultatin e Zgjedhjeve të Përgjithshme të 25 Prillit, i cili do të përcaktojë metodologjinë e procesit të analizës.
Mbledhjet dhe takimet për analizën e rezultateve zgjedhore do të zhvillohen sipas këtyre fazave:
Faza e parë: Analizat për rezultatet e zgjedhjeve në OS të zhvillohen në periudhën 15 Qershor – 15 Nëntor 2021. Brenda kësaj faze do të zgjidhen edhe bashkë-drejtuesit e rinj të organizatave socialiste.
Faza e dytë: Analizat për rezultatet e zgjedhjeve në Këshillat Socialiste të Njësive Administrative (KS të NJA) të zhvillohen në periudhën 15 Nëntor- 15 Dhjetor 2021.
Faza e tretë: Analizat për rezultatet zgjedhore në AS të bashkive dhe shkallë qarku të zhvillohen në periudhën 15 Dhjetor 2021 – 15 Janar 2022 dhe zgjedhja e kryetarëve të PS në nivel bashkie.
Komisioni i Posacëm i Analizës, drejtuesit politikë të qarqeve dhe kryetarët e partisë të bashkive të marrin masat organizative për përgatitjen në kohë dhe ndjekjen e analizave që do të zhvillohen në strukturat vendore të partisë.
Kreu i Grupit Parlamentar të PS-së, Taulant Balla e nisi me një urim për fitoren e mandatit të tretë fjalën e tij në mbledhjen e Asamblesë së PS-së, që po zhvillohet online. Balla u shpreh se do të bëhet një analizë të plotë të rezultatit të zgjedhjeve në të gjitha qarqet, ndërsa theksoi nevojën, sipas tij, për përmirësimin e përbërjes së strukturës organizative të PS. Balla tha se organizatat socialiste, jo në të gjithë territorin kishin efektivitetin e duhur sipas targetit të vendosur. Balla shtoi se Kongresi i Jashtëzakonshëm do të mblidhet më 12 qershor, ndërsa theksoi se PS do të fillojë fushatën më të madhe të hapjes ndonjëherë.
"Ju shpreh një urim të gjithë Anëtarësisë, patronazhistëve dhe kontributorëve tanë në këtë fitore të mandati të tretë. Duhet të mos harrojmë se përmbyllëm një mandat të dytë më të vështirin në këto 30 vite për shkak të tërmetit dhe pandemisë. Kemi të gjithë nderi e të qenit pjesë e kësaj skuadre fituese. Ne do bëjmë një analiza të plotë të rezultati të zgjedhjeve në 6 muajt e ardhshëm për çdo qark. Ne do të kishim 78 mandate nëse nuk do kishim humbur 4 mandate për shkak të votave të pavlefshme, megjithatë ky është një rezultat shumë i pastër dhe jemi në kohën e duhur për të filluar një analizë në çdo këshill socialist, në çdo bashki dhe qark. Nga kjo analizë ripërtëritje të fuqisë sonë organizative dhe të bëhemi gati për fitoren e zgjedhjeve vendore të viti 2023 dhe ato parlamentare të viti 2025. Në të gjithë qarqet duhet të përmirësojmë përbërjen e strukturës sonë organizative dhe forcimin e organizatave tona socialiste të cilat jo në të gjithë territorin kishin efektivitetin e duhur sipas targetit të vendosur. Do të thërrasim Kongresin Jashtëzakonshëm për fillimin e një fushate të madh të hapje të PS, më të madhen dhe më realen që PS ka ndërmarrë duke i ofruar mundësi përfshirje të gjithë atyre që duan të bëhen pjesë e strukturave tona vendore. Do të ngremë një komision të posaçëm të analizës që do organizojë hartojë një raport të plotë të këtij procesi analitik të strukturës së partisë. Përbërja e komisionit do të synojë mbulimin e të gjithë territorit të vendit. Më 12 qershor PS mbush 30 vjeç dhe është dita e duhur për të thirrur Kongresin tonë të Jashtëzakonshëm dhe do paraqesim vizionin "Shqipëria" 2030 si dhe angazhimet tona kryesore të programit qeverisës", th Balla.
Kryeministri Edi Rama do të niset pasditen e kësaj të mërkure në Turqi. AI do të mbajë fjalën hapëse në Asamblenë e PS që do të zhvillohet online dhe më pas do të niset drejt Turqisë. Nuk dihet ende arsyeja e kësaj vizite.
Lajme të tjera
-
Dita Kombëtare e Diasporës/ Ministri Balla: Duhet t'i garantojmë çdo fëmije me prindër shqiptarë që të mësojë shqipen
18 Dhjetor, 16:07 -
Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’
18 Dhjetor, 15:36 -
Proteston mamaja e Martin Canit: E çova në shkollë Martinin, por si më erdhi?
18 Dhjetor, 14:27 -
FOTOLAJM/ Ja si bllokohet trafiku në zonën e Bllokut në Tiranë
18 Dhjetor, 13:47 -
Grupi i trafikut të armëve Shqipëri-Kosovë, zbulohen detajet e operacionit! Ja si i bëri Policia blerjet me agjentë të infiltruar dhe roli i taksistit
18 Dhjetor, 13:09
-
Tiranë/ Shkarkonin inerte në vende të paligjshme, arrestohen 2 persona, nën hetim 2 të tjerë! U vendoset 15 milionë lekë gjobë
18 Dhjetor, 13:06 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Spiropali pret anëtarët e Këshillit Koordinues të Diasporës: Diskutuam mbi mundësinë e votimit në zgjedhje! Mësimi i gjuhës shqipe nga fëmijët
18 Dhjetor, 12:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Hapet gara për ndërtimin e hekurudhës Vorë - Hani i Hotit, Gonzato: Ndihmon lëvizjen ekologjike dhe zhvillon turizmin! Shqipëria po ecën me reformat, BE e mbështet
18 Dhjetor, 10:49 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02
