POP 5

Lajmet më të lexuara të 5 minutave të fundit

Politikë

PS zhvillon Asamblenë për '30 qershorin', Basha përsërit 'refrenin' nga Hasi: Do rrëzojmë Ramën

Teksa PS-ja zhvillon Asamblenë e partisë mbi zgjedhjet e 30 qershorit , kreu i PD-së Lulzim Basha nga Hasi ka përsëritur "refrenin" se opozita do të vijojë aksionin e saj deri në rrëzimin e qeverisë së Ramës.

PS zhvillon Asamblenë për '30 qershorin', Basha përsërit 'refrenin' nga Hasi: Do rrëzojmë Ramën

Teksa PS-ja zhvillon Asamblenë e partisë mbi zgjedhjet e 30 qershorit , kreu i PD-së Lulzim Basha nga Hasi ka përsëritur "refrenin" se opozita do të vijojë aksionin e saj deri në rrëzimin e qeverisë së Ramës. Në takimin që ka zhvilluar në hasjanët, Basha vuri në dukje se aksioni politik i opozitës do të vazhdojë deri në përmbushjen e objektivit, që janë zgjedhjet e parakohshme parlamentare, në të njëjtën ditë me zgjedhjet lokale nën kujdesin e një qeverie tranzitore, pa Edi Ramën.

 “Farsa e 30 qershorit i shërbeu mbarë botës për të parë se ky njeri nuk bën dot zgjedhje. Edhe kur vetë kandidon, vetë voton, vetë numëron, vetë tabulon, vetë shpall rezultatin, prapëseprapë, nuk rri dot pa i vjedhur zgjedhjet. Për pushtetin dhe pasurinë e tij, është i gatshëm t’i vërë kazmën pluralizmit dhe demokracisë. Aksioni politik i opozitës do të vazhdojë deri në përmbushjen e objektivit, që janë zgjedhjet e parakohshme parlamentare, në të njëjtën ditë me zgjedhjet lokale nën kujdesin e një qeverie tranzitore, pa Edi Ramën"- tha zoti Basha.

Basha akuzoi kreun e qeverisë, sipas së cilit në 6 vjet qeverisje Rama shkatërroi tre themelet e bashkëjetesës demokratike, pluralizmin, zgjedhjet e lira, shtetin e së drejtës, e ndërsa ka u parashtroi qytetarëve programin e ekonomik të PD-së.

“Ndryshimi i thellë, ekonomik dhe politik është prioriteti numër një i Partisë Demokratike e cila ka një program të qartë që zgjidh problemet e biznesit, zgjidh problemet e rinisë, të fermerëve, zgjidh problemin e papunësisë, si problemi kryesor i vendit”. - u shpreh Basha.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Zelensky: Ukraina nuk do t’i njohë bisedimet SHBA-Rusi në Arabinë Saudite

Zelensky: Ukraina nuk do t’i njohë bisedimet SHBA-Rusi në Arabinë Saudite

17 Shkurt, 17:14