Kryetari i SPAK, Arben Kraja nuk arriti dot as t'i zërë emrin në gojë Sali Berishës, dje në një intervistë tek Zëri i Amerikës, i pyetur drejtpërdrejt nga gazetarja, se përse nuk nisin hetimet ndaj Berishës. Përgjigja e tij, e cila ishte një grumbull fjalësh pa kuptim nga paniku, tregojnë qartë pafuqinë e drejtësisë shqiptare ndaj Sali Berishës dhe pafuqinë e së paku këtyre prokurorëve që kemi në krye, qoftë dhe për t'ia zënë emrin në gojë. I di të gjitha arsyet që përfliten për SPAK dhe prokurorë edhe më të rinj, madje dhe për disa që kanë lindur ndërkohë që Berisha ishte në pushtet, shmangen kur vjen puna tek Berisha. E di frikën e tyre nga përbaltja, dhunimin publik, telendisja me libër shtëpie, e ndoshta deri kërcënime verbale. I di teoritë e konspiracionit që lidhin politikisht reformën në drejtësi me pazarin që berishët të mos i prekin...
Por të gjitha janë dokrra. E vetmja gjë e vërtetë, është se nuk kemi një prokuror, i cili të vendosë që të merret me të dhe të gjithë do të shkojmë se është një tigër prej letre. Akoma më malinje është qasja e prokurorëve që thonë se SHBA ose Britania e Madhe të na dërgojnë faktet. Nëse këtu nis një hetim dhe prokurorët kërkojnë ndihmën e SHBA për fakte natyrisht që do ta kenë, por nëse këtu prokurorët kërkojnë që FBI të bëjë akuzën me fakte dhe këta të firmosin, këta nuk duan të ndëshkojnë Berishën, por të bëjnë qesharake SHBA. SHBA e ka bërë ekspertizën për Gërdecin. E ka të qartë, e ka në dosjen e prokurorisë, e cila nuk guxoi ta thërrasë Shkëlzen Berishën, as si person në dijeni pasi ka folur orë të tëra me pronarin fiktiv të fabrikës. SHBA e ka bërë ekspertizën e videos Ilir Metës, por gjykata jonë e ka hedhur poshtë dhe ka pranuar ekspertizen e njërit që kishte fushë drush në Gjirokastër me LSI.
SHBA e ka bërë ekspertizën e 21 janarit dhe provon që serveri është fshirë në natën mes 21 dhe 22 janarit në orën 1.30 të natës duke zhdukur gjithë provat, por Berisha nuk është thirrur as për të pirë kafe në Prokurori, pasi ka vrarë dhe është mburrur që ka vrarë katër vetë. Më tej akoma dosja angleze e “non gratës” së Berishës e turpëron akoma më shumë prokurorinë dhe SPAK. Ajo ka akuza konkrete, ka listë emrash konkret, ka veprimtari kriminale konkrete.
Dosja flet për veprimtarinë kriminale të familjes Berisha lidhur me Damri Fazliç. Çështja ka të bëjë me pastrim paresh të vajzës së Sali Berishës. U hap në Gjykatën e Tiranës më 2008 pas denoncimeve të shtypit kritik me Berishën, dhe u mbyll se “nuk erdhi letra nga Qiproja”. Dosja provon qartë se Argita Berisha dhe studjoja e saj janë “de facto” menaxherë dhe pronare të kompanive guaskë të maskuara në Qipro që operojnë në Shqipëri me filiale në emër të Damir Fazliç. Hollësitë i keni në dosje dhe faktet ende në terren nga Portoromano deri tek regjistrat e OSHE e tenderat e energjisë.
Lista anglezë ka po ashtu 10 emra konkret kriminelësh shqiptarë me veprimtari në Angli në fushën e drogës dhe pasurive të palujtëshme, njërit prej të cilit i kanë djegur dhe letrat angleze me këtë rast. Janë rreth i ngushtë i Sali Berishës dhe mbartës emri për pronat e tyre. I kishit në oborin e SHQUP më 8 Janar, i keni pronarë të rëndësishëm në Tiranë dhe elementë të botës kriminale. Lidhjet shkojnë tek i biri i Sali Berishës, tek lidhjet e tij me industrinë e zezë të lojrave të fatit, dhe botës kriminale që vërtitet rreth tij dhe familjes së tij. Sali Berisha përveç Damir Fazliçit nuk lexoi emra të tjerë, se nuk do t'i tremben banditët që vazhdojnë t'i shkojnë pas. Por SPAK nuk ka pse trembet nga Sali Berisha. Listën angleze të botës kriminale të Sali Berishës mund ta marrë zyrtarisht kur të dëshirojë përmes shërbimeve, jo se nuk i njeh, por që t'i dalë frika që dhe ata njerëz mund të ndëshkohen.
Në fund, edhe diçka për autoritetin e titullarit të SPAK, i cili lidhet me besueshmërinë e atij institucioni. Kur nuk keni dëshirë të flisni, apo të përballeni me probleme, është më mirë të mos shfaqeni në media. Ashtu së paku, dikush mund të besojë se jeni duke bërë ndonjë punë. Kur flisni, ju njohin dhe kujtohen që Berisha “u ka rrahur që kulish” dhe nuk bëheni dot.
Komente
Lajme të tjera
-
Berisha me shqiptarët në Greqi: Vota juaj ka rëndësi përcaktuese për Shqipërinë
28 Nëntor, 21:54 -
Petro Koçi në Report Tv: Berisha skenar ogurzi si i ’97-ës, fshihet pas qeverisë teknike! Protestë me akte guerrile, duhet të gjykohet edhe për 21 janarin
28 Nëntor, 19:01 -
Endri Tafani: Takimi i Berishës me 'të rinjtë', PD duhet të ndërrojë urgjentisht marketingun politik!
28 Nëntor, 18:16
-
Lirimi i Berishës, Romeo Kara: Vendim i frymëzuar nga pazari politik! Ish- shoferi i tij gjyqtar i dha vulën e PD, kërcënoi trupën e prokurorëve! Kuçana: Kemi bërë gabime, në 2013 ikëm nga pushteti
28 Nëntor, 17:59 -
Lirimi i Berishës gëzon opozitën, mazhorancën dhe drejtësinë
28 Nëntor, 17:52
-
Akuzat e Bardhit në 2021: Suel Çela në shërbim të Berishës e Nokës, u mblodhi firma për Kuvendin e PD! Si përdori në të njëjtën periudhë Artan Hoxha foton e Ramës me Çapjan për ta sulmuar (VIDEO)
28 Nëntor, 17:00 -
Dita e Pavarësisë/ Berisha i lirë, por rri në shtëpi! Në Vlorë shkojnë deputetët
28 Nëntor, 15:43 -
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21 -
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për gjykim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15
Jo vetem e ka rrahur qe kulish,por dhe e ka kapur me vone nepermjet ish shefit te Krajes,ish presidentit leshelist dhe sot qe te tre jane ne unison e ne koordinim te plote qe emrat e tyre te mos permenden fare nga goja e titullarit te ketij organi.Kjo eshte e verteta qe shohin shqiptaret dite per dite qysh nga vendosja e Krajes si drejtues i SPAKUT.Me Arben Krajen atje emri i Sali Berishes apo i Ilir Metes apo Metajt te Rexhepit nuk do te dalin nga ajo goje e kycur,e cila eshte rene dakort qe te mos hapet per ta qe pa hyre Ai ne ate organ!Te presim pas Dhjetorit,qe thuhet se do zgjidhet kreu i ri.Tani se shkon Kraja ne Amerike apo jo,pak rendesi ka,ai nuk ndryshon qendrim ndaj padrinove te krimit,por mund te beje per te thene ndonje gje me ushtaret e tyre.
Përgjigjukjo eshte dretesia qe thone ca analista qe eshte e lidhure me Ramen
PërgjigjuPo kjo pike e zeze. Hetusi i Rames e shan propoganda e Rames pse nuk zbaton porosite e Rames te arrestoje armiqte e Rames. Yyyy kellira.
PërgjigjuArben Kraja me vile ne gjirin e Lalezit, komshi me Berishen dhe Meten do te beje drejtesi? As kam pasur ndonjeher iluzione se ky ish prokurore i komunizmit do te beje drejtesi ne kete sistem. Drejtesia shqiptare nuk ekziston reforma nuk ka dhene rezultatet qe priten nese nuk gjykohen keta politikane krriminele, ky eshte mendimi i shumices se shqiptareve
Përgjigju