Që në lindje e deri kur u bë nuse, veshjen mirditore nuk e ka ndarë nga vetja.
E veshi në rastet më të rëndësishme të jetës e më tej pasionin e shndërroi në një profesion të mirfilltë.
“Qëkur kam lindur jam veshur me rroba mirditore se kështu ka qenë tradita. Në klasë të parë kam shkuar me veshje mirditore, edhe kur jam martuar po ashtu”, rrëfen Drane Fizi për emisionin “Një nga ne”.
Prej 35 vitesh kjo artizane punon me mjeshtëri veshjet mirditore, ndonëse më herët është detyruar të bëjë punë nga më të ndryshmet për të mbajtur familjen.
Nëna e 3 fëmijëve ka punuar vinçiere, babysitter, kuzhiniere, shitëse në dyqan derisa një kukull e punuar me veshje tradicionale i ndryshoi jetën.
Puna e palodhur arriti t’i merrte më në fund frytet.
Sot numëron 700 kukulla të cilat i ka shpërndarë në të gjithë botën ndërsa veshje ka në gjendje 120 palë.
“E kam filluar me një kukull kur punoja në një dyqan ushqimor. Kukullën e bëra për ta vendosur tek dyqani për qejfin tim dhe e kisha bërë me copa të vjetra që i përshtateshin afërsisht rrobave mirditore. Vjen një burrë mirditor i cili e kishte gruan kolonjare dhe donte t’ia dhuronte. Kështu nisi dhe deri tani kam bërë 700 kukulla dhe 120 palë veshje”, tregon artizania.
Tashmë që veshja mirditore është shpallur “Kryevlerë e Trashëgimisë Kulturore” është shtuar interesi për ta blerë nga vendas dhe emigrantë.
Drane Fizi nuk është e vetmja që e ruan traditën. Edhe 6 motrat e saj kanë të njëjtin mision në jetë, ta përçojnë traditën tek brezat e rinj.
Artizania propozon që të futet 1 orë për traditën në programin mësimor në shkolla.
Për “Një nga ne” në Report Tv, Drane tregon rutinën e saj duke nisur nga mëngjesi tek takimi me motrën, shëtitjen me mikeshën e saj të ngushtë Mrikën dhe punën në makinë qepëse.
Mes nostalgjisë, kujtimeve dhe lidhjes së fortë me Rrëshenin, pensionistja na njeh më shumë me historinë dhe një ditë të zakonshme nga jeta e saj.
Emisionin “Një nga ne” mund ta ndiqni çdo të mërkurë, ora 20:00 në ekranin e Report Tv.
Lajme të tjera
-
Rrugëtimi i Muzikës Bizantine në Shqipëri, Theodhor Peci jep kontributin e vyer: Psaltët tashmë këndojnë shqip
13 Nëntor, 20:27
-
Aksident në rrugën e Kombit/ Dy makina përplasen me njëra-tjetrën, 3 të plagosur
11 Nëntor, 17:24 -
Nga kivano tek dora e Budës dhe papaja, Irakli Shkoza vazhdon të guxojë me frutat ekzotike: Fermerët duhet të rrezikojnë
6 Nëntor, 22:11
-
Mat/ Pas një viti betejë me sëmundjen, ndërron jetë prifti i kishës katolike don Gianfranco Cadenelli
30 Tetor, 22:44 -
Një nga ne/ 36 vite si elektriçist, Dik Beshku mesazh të fortë të rinjve: Kthehuni! Zanati nuk të bën milioner, por ia del!
30 Tetor, 20:20
-
Një ditë në fshatin e shtangistëve! Leonard Toska: Numërojmë 83 medalje, kohën e lirë merrem me ullinjtë dhe bletari
24 Tetor, 08:10
-
'E rrëmbeva, u fshehëm në pyll se do na vrisnin', Xhevahir Bogdani rrëfen historinë e dashurisë: Kam 60 vite me Besijen, e dua!
16 Tetor, 20:22
-
'Bujqësia, shtëpi pa çati', njihuni me agronomin nga Nikla që ruan varietetet mbi 100-vjeçare
2 Tetor, 20:20
-
Një ditë transformimesh! Njihuni me Samiun, të riun nga Bulqiza që ushtron zanatin më të veçantë
26 Shtator, 09:36
-
Nga muralet tek tatuazhet dhe muzika, 24 vjeçari i bën të gjitha: Nuk do ndalem
18 Shtator, 20:48
-
E nisën nga zero, sot gëzojnë frytet e punës! Nardi dhe Adelina rrëfehen në ‘Një nga ne’: Si na ndryshoi jeta nga rosat
11 Shtator, 22:08
-
Stërvit çdo ditë 'hamshorët arabë', Shkëlzen Brahaj rrëfehet në ‘Një nga ne’: Kam punë fisnike, me këtë ushqej familjen
4 Shtator, 20:39
