LIVE TV- Kërkesë e re për arrestimin e Ballukut? Braho: Po hetojmë, do kemi vendimmarrje! Krimi zgjedhor, shqetësues për SPAK!

Deputetja demokrate, Elda Hoti e pyeti kreun e SPAK, Klodian Braho nëse kryeministri Edi Rama ka ndërhyrë tek ai për të shtyrë arrestimin e Belinda Ballukut, të patën deri në shtator. Por kreu i SPAK i sugjeroi që nëse ka prova t’i dorëzojë në Prokurorinë e Posaçme.

Elda Hoti: A ka ndërhyrë kryeministri Edi Rama për të shtyrë deri në shtator zbatimin e ligjit për çështjen Balluku?

Klodian Braho: Sa i përket ndërhyrjes së Ramës, nëse keni prova paraqitni ato në organin kompetent. Janë të gjithë të barabartë para ligjit.

Deputeti demokrat Gjin Gjoni e pyeti Klodian Braho nëse do e marrë në pyetje shefin e qeverisë Edi Rama për çështjen e librit Albanian Files, të cilin opozita e ka çuar në SPAK. Braho tha se është një kallëzim konkret dhe kush k aprova duhet t’i dorëzojë sepse askush nuk është imun.

Klodian Braho: Është Kallëzim konkret nuk kam asnjë koment. Kush ka prova t’i dorëzojë në SPAK. Asnjë person nuk është imun, dhe ketë e them me bindje.

Gjin Gjoni: Fijet të çojnë tek personi që sot është drejtues i qeverisë. Çështja e pandëshkueshmërisë a mund të shkojë në nivelin, që duhet në rastin konkret, të pyetet qoftë edhe për rastin e inceneratorit, ose në çështjen e Albanian Files. Që në rastin konkret jepen shuma parash nga 60 euro metër katror nga njerëz të cilët sot nuk dihet nëse do ndërtojnë ose jo. Këta po lejen e kryeministrit nuk mund të ndodhë.  

Opozita i kërkoi kreut të SPAK, Klodian Braho që të tregojë se kush janë politikanët që kanë marrë pjesë në takimin e Arubës. Braho refuzoi të komentojë gjatë, duke thënë se është çështje në hetim.

Ivi Kaso: Kush janë politikanët shqiptarë që kanë qenë në takimin e Arubës, kanë pasur mandatin e kryeministrit, për të ndarë Shqipërinë në copa për pastrimin e parave? Ju shqetëson juve ky fakt që ka rrjedhur kjo dosje. A mendoni se keni detyrimin për t’iu përgjigjur publikut, se kush kanë qenë këta politikanë në Aruba. I majtë ose i djathtë, me ose pa mandatin e kryeministrit në xhep. Kryeministri kur i është referuar kësaj çështje, ka thënë le ti nxjerrë ujin e zi SPAK falsifikimin e pronave në bregdet. Praktikisht ju ka thënë inversioni sa të doni, por vetëm falsifikimit të pronave në bregdet, as kush ka shkuar nga qeveria, as çfarë ka premtuat dhe ka marrë perisper qeveria. As kush janë përfituesit fundorë. Ju pengon ky prononcim publik dhje kjo sjellje publike e politikës që ka në dorë agjencitë e tjera që duhet të bashkëpunojmë me ju.

Klodian Braho: Është çështje në hetim, por nuk mund të ndodhë në SPAK që të ketë një provë dhe ajo të lihet aty në gjumë dhe të mos reagohet.

Kreu i SPAK, Klodian Braho u pyet në komision edhe për çështjen Balluku dhe nëse vendimmarrja e Kuvendit për të mos i hequr imunitetin i ka dëmtuar hetimet. Braho tha se pavarësisht vendimmarrjes së Kuvendit, SPAK ka vijuar me punën dhe hetimet dhe se në një moment të caktuar do ketë vendimmarrje përkatëse.

Ivi Kaso: A është dëmtuar ndjekja penale për rastin balluku? Hetimet kanë vazhduar dhe pozita procedural  e Ballukut është rënduar, bashkëpunëtorëve iu janë komunikuar kauza më të rënda, është vepruar me sekuestrime asetesh që presupozohet se janë asete të ish-zv.kryeministres të fshehura. Ju ende sot nuk i jeni drejtuar kuvendit me kërkesë të re për heqjen e imunitetit. Si duhet interpretuar kjo nga ana jonë. Kur ju thanë jo e vlerësojmë ne kur hiqet imuniteti, është kjo sjellje që iu step ti drejtoheni prapë kuvendit me kërkesë tjetër për heqjen e imunitetit?

Klodian Braho: Prokuroria ka qenë e qartë për atë që ka kërkuar. Por sot nuk mund të vlerësoj qëndrimin e kuvendit për vendimmarrjen. Nuk mund të them detaje konkrete, është një çështje konkrete, por në një moment të mëvonshëm prokuroria do të ketë vendimmarrje përkatëse. SPAK e ka pasqyruar në diskutimin me dyer të mbyllura se çfarë ka kërkuar dhe është i qartë reagimi i prokurorisë pas vendimmarrjes së Kuvendit.

Deputeti demokrat Ivi Kaso ngriti në komision çështjen e krimit zgjedhor, madje duke thënë se SPAK ka përdorur standard të dyfishtë. Ai tha se SPAK nuk ka hezituar të vendosë masa të sigurimit personal ndaj liderëve të opozitës në periudhë zgjedhore, duke përmendur arrestin shtëpiak për Sali Berishën dhe arrestin në burg të Ilir Metën, por ndërkohë sipas Kasos SPAK nuk ka goditur grupet kriminale që kanë influencuar zgjedhjet.

Kreu i SPAK iu përgjigj qartë se krimi zgjedhor është një fenomen shqetësues, por theksoi se çështjet përfundojnë në akuzë kur gjenden provat. Sipas tij, SPAK nuk ka standarde të dyfishta për përfaqësues të njërës palë apo tjetrës, por e konsideroi një perceptim. “Kushdo që të jetë, nga secila anë do mbajë përgjegjësi”, tha Kaso.

Ivi Kaso: Standard të dyfishtë që keni përdorur sa i përket krimit zgjedhor kur vërehet në fushatë zgjedhore, në raport me atë që ka qenë standardi i lartë që keni vendosur nga ana juaj ndaj politikanëve të opozitës qoftë edhe në periudhë zgjedhore, ju nuk keni patur asnjë lloj problemi për të marrë masa sigurimi personal ndaj liderëve të opozitës në vit zgjedhor, qofshin ndaj arrestit në shtëpi të Berishës, apo arrest me burg të Metës. Të drejta apo të padrejta i ka vlerësuar gjykata, por ky ka qenë standardi i lartë që keni vendosur ju. Në periudhë zgjedhore, ata që janë evidentuar si persona problematikë që kanë influencuar zgjedhjet, rasti i goditjes së bandës të Durrësit, letërporositë që janë ke pa periudhë zgjedhore, janë toleruar nga ana juaj, nuk e dimë ka qenë pamundësi mjetesh apo diçka tjetër dhe janë lejuar ta kryejnë krimin zgjedhor dhe janë goditur për arsye të tjera që s’kanë lidhje me zgjedhjet. Ky standard i dyfishtë mendoni se demotivon krimin zgjedhor, apo e motivon.

Klodian Braho: Krimi zgjedhor është një fenomen shqetësues dhe ne na shqetëson si prokurori. Është një fenomen që në pajtohemi me të. Nuk është krijuar brenda 1 ose 2 vitesh, por ka një periudhë të gjatë që është krijuar. Çështjet përfundojnë në akuzë kur gjenden provat. Unë nuk shoh një standard të dyfishtë për përfaqësues të njërës palë apo tjetrës. Mendoj se ky është një perceptim. Por ne nuk nisemi në perceptime, por atë që ka në dosje. Ju siguroj që nëse dosjet kanë provat, kushdo që të jetë, nga secila anë do mbajë përgjegjësi.