Ministria e Infrastrukturës dhe Energjisë (MIE) ka reaguar pas protestave së punonjësve të Albetrol të zhvilluara prej ditësh, pasi ata u njoftuan për reduktimin e pagave të tyre.
Në reagimin e saj, MIE thotë se procesi i ristrukturimit për ta nxjerrë Albpetrol nga gjendja problematike financiare ku ndodhet është anulluar.
Sipas njoftimit, në bazë të ndërhyrjes është bërë e mundur që naftëtarët dhe specialistët e tjerë, do të vazhdojnë të përfitojnë të njëjtat të drejta në pagë, asnjë punonjës i Albpetrol të mos humbasë vendin e punës deri në përfundim të situatës së pandemisë së COVID-19, të gjithë punonjësit e njoftuar më parë për ndërprerje të marrëdhënieve të punës do të paguhen me pagën e luftës deri në përfundim të periudhës së pandemisë së COVID-19 dhe reduktimi i pagës deri në 60% është bërë vetëm për administratën e cila ka pasur një nivel të lartë page.
Kujtojmë se nafta ka arritur vlerën më të ulët prej dekadash, prej masave prandaluese të COVID-19.
Njoftimi i plotë:
Ministria e Infrastrukturës dhe Energjisë ka ndjekur me vëmendje të veçantë zhvillimet në shoqërinë “Albpetrol sh.a.”, e cila prej kohësh ka nisur një proces të thellë ristrukturimi, me synimin e nxjerrjes së kompanisë nga një gjendje problematike financiare.
Ky proces është zhvilluar prej disa muajsh, në dialog të ngushtë me Sindikatën e re të Naftëtarëve, duke dakordësuar të gjitha kushtet e trajtimit të punonjësve që do të prekeshin nga ky ristrukturim.
Situata është bërë edhe më e vështirë për shkak të kushteve të reja, të krijuara nga masat parandaluese ndaj pandemisë së COVID-19, jo vetëm në Shqipëri, por në gjithë botën, me një ndikim të drejtpërdrejtë në çmimin e naftës, i cili ka arritur vlerën më të ulët prej dekadash.
Ministria e Infrastrukturës dhe Energjisë, në vlerësim të kësaj situate, në dialog edhe me përfaqësuesit e Sindikatës së punonjësve, ka pezulluar procesin e ristrukturimit si dhe i ka rekomanduar shoqërisë një rregullim të brendshëm të nivelit të pagave.
Si rezultat i kësaj ndërhyrjeje është bërë e mundur që:
• Punonjësit e terrenit, të cilët kontribuojnë për prodhimin, pra naftëtarët dhe specialistët e tjerë, do të vazhdojnë të përfitojnë të njëjtat të drejta në pagë.
• Asnjë punonjës i Albpetrol të mos humbasë vendin e punës deri në përfundim të situatës së pandemisë së COVID-19.
• Pezullohet procesi i ristrukturimit dhe të gjithë punonjësit e njoftuar më parë për ndërprerje të marrëdhënieve të punës do të paguhen me pagën e luftës deri në përfundim të periudhës së pandemisë së COVID-19.
• Reduktimi i pagës deri në 60% është bërë vetëm për administratën e shoqërisë, e cila ka pasur një nivel të lartë page.
MIE do të vijojë të ndjekë me vëmendje ristrukturimin dhe forcimin e shoqërisë Albpetrol si dhe kujdesin social për punonjësit e saj. Ndërkohë në bashkëpunim me stafin drejtues të Albpetrol kemi dhënë zgjidhje imediate për depozitimin e naftës, pasi çmimi aktual i brendit nuk lejon tregëtimin e produktit, si rrjedhojë prodhimi do të vazhdojë pa ndërprerje.
Lajme të tjera
-
Puset e ‘Albpetrol’ shkaktojnë ndotje në Kuçovë! Ish-tekniku: Tuba 100-vjeçarë, nafta derdhet në oborret e shtëpive
11 Nëntor 2023, 13:45
-
Ndotja e lumit Gjanicë në Fier, nën hetim drejtuesit e kompanive Albpetrol dhe 'Terra Oil'
27 Tetor 2023, 09:41
-
Naftëtarët e Gorishtës në protestë kundër Albetrol! Pezullohet puna, 300 punëtorë kërkojnë rritjen e pagave
24 Korrik 2023, 16:28
-
Bankers paguan mbi 6 milionë dollarë rentë minerare në 3 muaj, 80% e totalit të të ardhurave nga kjo taksë
25 Maj 2023, 13:03 -
U kapën me 80 mijë litra naftë kontrabandë, Gjykata lë në burg kapitenin dhe mekanikun e peshkarexhës
6 Gusht 2022, 12:54 -
Ish drejtuesi u arrestua nga SPAK për aferën e inceneratorit të Fierit, emërohet administratorja e re e Albpetrolit
5 Prill 2022, 09:42 -
Ish-drejtori i Albpetrol nxjerr zbuluar Berishën: Rusët i prita në zyrë me porosi të tij, por bënë ofertë qesharake
19 Mars 2022, 13:11 -
Çmontimi i Rafinerisë, Alibeaj pyet Ramën: Për llogari të cilit oligark po e çon për skrap uzinën e Ballshit? Ndalni presionin ndaj punëtorëve
4 Dhjetor 2021, 18:23 -
Protestuan para Rafinerisë së naftës në Ballsh, procedohen penalisht 4 naftëtarë, policia: Bllokuan rrugën
4 Dhjetor 2021, 10:21 -
Report Tv zbuloi shitjen e rafinerisë së Ballshit për skrap, naftëtarët sërish në protestë: Qeveria të ndërhyjë ose do futemi në grevë urie! Forca të shumta policie rrethojnë uzinën
3 Dhjetor 2021, 11:08 -
Ekskluzive/ Rafineria e naftës së Ballshit shkon për skrap, shitet për 9 milionë euro! Ja çfarë do ndodhë me 800 naftëtarët
2 Dhjetor 2021, 20:12
-
Naftëtarët e Ballshit sërish protestë sot para uzinës: Nuk do lejojmë demontimin! Të na jepen paga e prapambetura
24 Nëntor 2021, 10:27
