Pyetet në prokurori, Xhisiela Maloku jep të dhëna kontradiktore

 Pyetet në prokurori, Xhisiela Maloku jep të dhëna kontradiktore

Prokuroria e Krujës

Xhisiela Maloku, vajza që denoncoi për përdhunim djalin e deputetit të Fushë-Krujës, Rexhep Rraja dëshmi e tërhequr pastaj prej saj është marrë në pyetje nga Prokuroria e Krujës ditën e djeshme.

Shqiptarja.com dhe Report Tv mësojnë se vajza është marrë në pyetje dje në ambjentet e Prokurorisë së Krujës për llogari të hetimeve të reja të nisura për rastin që ka ende disa pikëpyetje të pazbardhura, pas denoncimit të ish-oficerit të policisë Emiljano Nuhu.

Burimet sqarojnë se në dëshminë e saj vajza i ka qëndruar disa prej fakteve të dëshmisë së saj fillestare por ka dhënë version tjetër për disa të tjera. Dy ditë ma parë publikuam ekspertizën mjekoligjore të kryer në trupin e 25-vjeçares, Xhisiela Maloku, në momentin që ajo ka bërë denoncimin ndaj ish-të dashurit të saj Rexhep Rraja.

Në këtë akt ekspertim një element i rëndësishëm për hetimin thuhet: “Dërrmishtja në shpatullën e djathtë dhe ekimozat në pulpën dhe kërcirin e majtë, janë shkaktuar me mjet mbretës.

Dërrmishjet e vërejtura në kofshën e djathtë, janë shkaktuar nga veprimi i faktorëve termikë, siç mund të jetë edhe cigarja. Dëmtimet e mësipërme hyjnë në kategorinë e atyre dëmtimeve të cilat kanë sjellë për pasojë humbjen e aftësisë së përkohshme për punë në masën deri në 9 ditë”.

Denoncimi dy muaj më parë

Në këtë përfundim mbërrin mjeku Elton Serani në ekspertizën mjekoligjore për shtetasen Xhisiela Maloku. Sipas kësaj ekspertize dëmtimet që ka marrë 25 vjeçarja i kanë sjellë asaj pamundësi fizike për të qenë e aftë për punë, ekspertizë kjo e cila është shoqëruar për hetuesit edhe me tabelën fotografike të dëmtimeve.

Fakti që ekspertiza mjekoligjore ka përcaktuar në raport 9 ditë paaftësi për punë, detyrimi sipas ligjit bën që hetimi i çështjes të vijojë, pavarësisht tërheqjes së kallëzimit nga e dëmtuara Xhisiela Maloku.

Historia e Xhisiela Malokut ndonëse u denoncua dy muaj më parë, mori përmasa më të mëdha dhe u kthye në temën më të debatuar të momentit, pas dëshmisë së policit në komisariatin e Fushë-Krujës, Emiljano Nuhu i cili deklaroi se ishte kërcënuar me pistoletë në kokë për të mbyllur dosjen e hapur për akuzën e përdhunimit në ngarkim të djalit të deputetit të Partisë Socialiste, Rahman Rraja.

Akuzat e oficerit

Nuhu akuzoi vëllain e deputetit se i ka vënë pistoletën në kokë, vetë deputetin Rraja, kryebashkiakun e Krujës Artur Bushi dhe Taulant Ballën se ishin në mesin e 10 personave që e kërcënuan.

N/komisari Emiljano Nuhu deklaroi se u kërcënua prandaj u arratis nga Shqipëria në datë 13 shtator 2018 duke braktisur detyrën, ndërsa kërkoi azil në Zvicër. Kryetari i grupit të PS Balla, deputeti Rraja dhe kryebashkiaku Bushi kanë mohuar akuzat, ndërsa edhe vetë vajza mohoi të gjitha pretendimet e ish-oficerit të policisë.

Në këtë akt-ekspertim një element i rëndësishëm për hetimin thuhet se ka pasur dëmtime në trup me mjet mbretës dhe cigare, por vajza e tërhoqi denoncimin, ndërsa më pas shpejgoi edhe arsyet.

Ndërkohë që dy ditë më parë, Drejtorja e SHÇBA, Anila Trimi ka përgënjeshtruar akuzat e ish-oficerit të policisë së Fushë Krujës, Emiljano Nuhu, lidhur me pretendimet se është kërcënuar me jetë në zyrën e tij, brenda stacionit të policisë së Fushë Krujës.

Trimi tha se pas verifikimeve dhe shqyrtimit të pamjeve filmike, ka rezultuar se personat e pretenduar nga Nuhu nuk kanë qenë të pranishëm në datën 21 korrik në ambientet e policisë.

Rendit zhvillimet sipas orarit:
Ora 07:42
Vëllai i Emiljano Nuhut në bandën e Laert Haxhiut

Zbardhen detaje të reja rreth ish-oficerit të Policisë, Emiljano Nuhu, i cili një ditë më parë denoncoi se ishte kërcënuar me jetë nga Xhelal Rraja, vëllai i ish-deputetit të PS, Rrahman Rraja, për të lënë të lirë të lirë djalin e këtij të fundit i akuzuar për përdhunimin e të resë, Xhisiela Maloku.

Dyshimet ngrihen për lidhjet e tij apo familjarëve me kontigjentë kriminal në qytetin e Lushnjës, ku është vendlindja e efektivit Emiljano Nuhu.

Ardi Nuhu, vëllai i ish-oficerit të policisë së Krujës është dënuar për vepra të ndryshme penale ndërsa konsiderohet si pjesë e bandës së Laert Haxhiut, të shumkërkuarit lushnjar të akuzuar si autor i masakrës së Lushnjës, teksa tentonte të vriste nipin e Aldo Bares dhe për pasojë humbën jetën Zamir Latifi dhe Jurgen Hoxha.

Vëllai i Emiliano Nuhun së bashku me Laert Haxhiun janë ulur në bankën e të akuzuarve për një sërë vjedhjesh.

Në procesin gjyqësor, që e delegon çështjen në Gjykatën e Vlorës, Ardian Nuhu dhe Laert Haxhiu akuzohen se në bashkëpunim edhe me disa persona të tjerë, të njohur në botën e krimit kanë kryer plot 11 vjedhje në seri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Soni: 30/09/2018 10:27

    Prekurore Mirela Kapo, socialiste e fiksuar ka ndikuar mos te arrestohet djali debutetit ! Oficer Nuhu nuk genjen, se Prekurorja i detyrohet partise qe i ka bere emerimin

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un