TURQI - Goztepe ka marrë një fitore të rëndësishme në Superligën turke të hënën, duke triumfuar 3-1 kundër Rizesporit. Përveç rezultatit, ndeshja solli në qendër të vëmendjes dy futbollistët shqiptarë.

Pjesa e parë u mbyll me avantazhin 1-0 të Goztepes, ndërsa Rizespori riktheu baraspeshën në minutën e 60-të me anë të Qazim Laçit (30 vjeç dje). Mesfushori i kombëtares shqiptare u tregua i saktë nga pika e bardhë e 11 metërshit, duke shënuar golin e tretë personal këtë sezon në kampionat.

Megjithatë, barazimi zgjati shumë pak. Tre minuta më vonë, Arda Kurtulan, ish-lojtar i Kombëtares U-21, realizoi një gol të bukur me të majtën pas një aksioni të mirëorganizuar, duke rikthyer në avantazh Goztepen.

Kurtulan shënoi golin e tij të tretë në këtë sezon të Superligës, dhe lojtari shihet gjithnjë e më shumë si një alternativë për trajnerin Sylvinho në të ardhmen.

Në fund, Goztepe siguroi fitoren 3-1, duke mbyllur një ndeshje ku dyshJA Laçi - Kurtulan patën ndikim direkt në lojë dhe rezultat.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Janar, 10:30

    Bojkoti i PD, a duhet t’i vazhdojë PS e vetme zgjedhoren dhe territorialen?

Lajme të tjera